شو شعورج

[طبعي زايد]

هلا خواتي بخبركم بمشكلتي اني ساكنة في امارة وريلي بحكم شغله ساكن في اماره ثانية وطبعا انا اعاني وايد لانا ما نتلاقى وياه الا في الويكند المهم حاولت وياه مرارا وتكرارا انه ينتقل ويعيش معانا مع انه يقدر ينتقل وبكل سهولة ولكن عذره ربعي والله اهني ما عندي ربع وبكون ملان وانا دايما اقوله كفايه ان بيتك واهلك واولادك هني بس حضرته مش مقتنع المهم انا دايما اكلمه بالموضوع وخاصة اني موب قادرة اسيطر على الاولاد والبارحة فتحت الموضوع وياه مره ثانيه اتخيلوا يا خواتي شو قالي بصريح العباره انا ما طيق ايلس وياج على طول بنااات انا نفسيتي وايد تعبانه لاني قتله اذا انته ما تباني مره انا ما ابغيك الف مره شوروا علي شو الحل اعيش طول حياتي انا واولادي او اشتكي عند اهلي موب عارفة

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[بنوتة80]

الله يهديه ان شاء الله وييسر اموركم

[طموحة]

الله يعينج ..انا ريلي يشتغل في البحر في نص البحر على سفينه ..و يغيب عنا اسبوعين ..انا في هالاسبوعين اكره حياتي ..بس هو ما يقدر ياخذنا معاه لانه في سفينه ...الله يعينج انتي من البدايه المفروض ما كنتي ترضين ..خلاص تعود و عيبه الوضع ...

بصراحه ما عرف شو الحل

[sarah love]

الصراحه الكلمه تجرح ، بس يمكن هو قالها لانج كنتي اتحنين عليه وهو عصب، لاتخبرين حد باللي صار وماكان في داعي اتقولين له انا مابيك الف مره ومن هالكلام، خلاص خليه على راحته يمكن لما تشوفينه بس في الويكند احسن لكم عشان يمكن تكثر المشاكل اذا مع بعض 24....

الحين الحل انج اتسكرين هالموضوع نهائيا، ولما يجيج في الويكند خليهم يومين ماينتسون، دلعيه وونسيه ، ولاتمللينه بطلبات وشكاوي وعيال ومادري شو، خليه يستااانس عشان يحب البيت ويحب القعده معاج لحد مايحس انه مايقدر على فراق البيت.... وبيرجع ويقعد معاج على طول... وانتي وشطارتج....

ترى مايطفش الريال غير الحنه والمطالب خلج عنها

[Emy24]

الله يهديه ان شاء الله وييسر اموركم

[فنون10]

الصراحه الكلمه تجرح ، بس يمكن هو قالها لانج كنتي اتحنين عليه وهو عصب، لاتخبرين حد باللي صار وماكان في داعي اتقولين له انا مابيك الف مره ومن هالكلام، خلاص خليه على راحته يمكن لما تشوفينه بس في الويكند احسن لكم عشان يمكن تكثر المشاكل اذا مع بعض 24....

الحين الحل انج اتسكرين هالموضوع نهائيا، ولما يجيج في الويكند خليهم يومين ماينتسون، دلعيه وونسيه ، ولاتمللينه بطلبات وشكاوي وعيال ومادري شو، خليه يستااانس عشان يحب البيت ويحب القعده معاج لحد مايحس انه مايقدر على فراق البيت.... وبيرجع ويقعد معاج على طول... وانتي وشطارتج....

ترى مايطفش الريال غير الحنه والمطالب خلج عنها

انا معاج كلامج صحيح

[فلانة]

شوفي لا تزعلين ولا شي فكري فيه اذا مب مقصر فيج ولا في عيالج الباجي يهون
شوفي يمكن صغر سنه اللي مب مخليه يفكر بالمسؤولية اللي عليه
منوه يودي ويودي اليهال الاماكن اللي تبونها واذا بغيتوا شي منوه اييبه؟؟؟
وثاني شي خلي الريال على صوب في حياتج يعني عيشيها بالطول وبالعرض
خليج انسانه متجددة وحيوية سوي صداقات وزيارات و..................الخ
شوفي الابتعاد مرات يكون شي صحي للعلاقات
انا حاسه فيج الحرمه ترتاح ويا ريلها لكن الريال مايفهم يحس انه قيد
وصدقيني الريال اخس شي عنده يوم يحس انه الحرمه تبى تقيده
حسسيه انج مب مهتمه بهالشي على الاقل عشان عزة نفسج عسب مايقولج هالكلام مرة ثانية
وجددي نفسج وحياتج وسوي لج عالم ثاني
ومع الايام بيتغير ان شاء الله وفي نفس الوقت مابيضيع وقتج في الضيج والحسرة

[صمت]

الحين الحل انج اتسكرين هالموضوع نهائيا، ولما يجيج في الويكند خليهم يومين ماينتسون، دلعيه وونسيه ، ولاتمللينه بطلبات وشكاوي وعيال ومادري شو، خليه يستااانس عشان يحب البيت ويحب القعده معاج لحد مايحس انه مايقدر على فراق البيت.... وبيرجع ويقعد معاج على طول... وانتي وشطارتج....

ترى مايطفش الريال غير الحنه والمطالب خلج عنها

الله يسهل عليج...

اختي ليش هو ينتقل...ليش انتي ما تنتقلين للإمارة للي هو يشتغل فيه؟؟؟؟؟

[غرنوقة بوظبي]

الله يهديه ان شاءالله بس الكلمه جارحه وايد ولو انا مابستحمل الصراحه

[زلال2008]

اختي كلنا رياايلنا يشتغلون فإماره ثانيه شونسوي هاي طبيعه شغلهم
بس جان قلتي له يوم عق عليج ها الرمسه ليش بلاني انا مااتروم تيلس
ويايه ... بصراحه كلمه تجرح الله يعينج غناتي ويعينا من ها الرياايل

[غُـوآنـيْ *~]

ليش من البدايه اتعودونهم على العيشه بعيد ..
تدرين المفروض من البدايه اتروحين اوياه اتعيشين ،، ..

الحين هو تعود على هالحياه ..
الله يهديه ويقتنع ..

[Hno0odah]

الله يهديه ويصلح من شانكم

[الكـــــاذي]

الله يهديه ان شاء الله وييسر اموركم

[بنت الطنيجي]

هلا خواتي بخبركم بمشكلتي اني ساكنة في امارة وريلي بحكم شغله ساكن في اماره ثانية وطبعا انا اعاني وايد لانا ما نتلاقى وياه الا في الويكند المهم حاولت وياه مرارا وتكرارا انه ينتقل ويعيش معانا مع انه يقدر ينتقل وبكل سهولة ولكن عذره ربعي والله اهني ما عندي ربع وبكون ملان وانا دايما اقوله كفايه ان بيتك واهلك واولادك هني بس حضرته مش مقتنع المهم انا دايما اكلمه بالموضوع وخاصة اني موب قادرة اسيطر على الاولاد والبارحة فتحت الموضوع وياه مره ثانيه اتخيلوا يا خواتي شو قالي بصريح العباره انا ما طيق ايلس وياج على طول بنااات انا نفسيتي وايد تعبانه لاني قتله اذا انته ما تباني مره انا ما ابغيك الف مره شوروا علي شو الحل اعيش طول حياتي انا واولادي او اشتكي عند اهلي موب عارفة

هلا حبيبتي ... الصراحة كذا مره قرأت موضوعج و احترت هل أكتب لج أو لأ .. بس آخر شيء قررت أكتب و ياريت ما تزعلين مني .. هذي وجهة نظر ممكن انتي تتقبلينها أو لأ ..

شوفي من البداية أنا أبغي اقول لج شيء ...
أنتي قبل ما ترتبطين بهذا الشخص .. كنتي تعرفين طبيعة شغله و طبيعة تفكيره و شو هي طبايعه ..

طيب أنا من عادتي أحب اراويج شو كتبتي و أعلق عليها ..

أول شيء انتي كتبتي ..::

................اني ساكنة في امارة وريلي بحكم شغله ساكن في اماره ثانية وطبعا انا اعاني وايد لانا ما نتلاقى وياه الا في الويكند المهم حاولت وياه مرارا وتكرارا انه ينتقل ويعيش معانا مع انه يقدر ينتقل وبكل سهولة ولكن عذره ربعي والله اهني ما عندي ربع وبكون :

انتي قلتي انج في إماره وهو يشتغل في إماره ... يعني أنتي تعرفين بطبيعة شغل ريلج من بداية الزواج !! و تعرفين بانج بتلاقينه بس بالويك أند ..
طيب يالغالية .. أنا بقول لج شيء من طبيعة المراه أنها تحب تكون تحت الاهتمام 24 ساعة و تحب دايما اللي يهتم فيها امامها و ينتقدها بالأمور و ووو الخ ...
و من طبيعة الرجل انه يحب يشوف نوع من الأهتمام من الطرف الثاني ..لكن يحب الهدوء و الاتزان بها الشيء .. يعني مثلا مو حلو أن الحرمة تحشره حشره وين رايح شو اشتريت شو سويت ..!! كل شيء بهدوء و اتزان ..

و أصلا الريال معاه حق !! تدرين ليش ..؟؟ لأن طبيعة الشباب يحبون يقعدون مع بعضهم .. يسولفون مع بعض .. يستانسون و يضحكون مع بعض .. عالم الشباب غير عالمنا نحن !! الرياييل يفضفضون لربيعه الودود.. أصلا لو تلاحظين شيء (( لو كان في بيتكم شباب... مثلا اخوانج يحبون يطلعون و يلعبون مع أقرانهم .. يحبون لما يتضايقون يسيرون يغيرون جو عند ربعهم ))..

و في الحقيقة الريال لازم يبعد شوي عن الجو العائلي .. لأنه بسرعة يمل و يحس بالضغط النفسي و هذا الشيء انتي طبقتيه وهو بعيد فما بالج لو كان هو قريب (( مثل ما قلتي انج تحاولين مرارا و تكرارا))..


و قلتي بعد :::

..............اهني ما عندي ربع وبكون ملان وانا دايما اقوله كفايه ان بيتك واهلك واولادك هني بس حضرته مش مقتنع :

يمكن الريال صادق .. يمكن ما عنده ربع في منطقته أو هو مرتاح مع الناس اللي في شغله ...!! يا حبيبتي نحن في رأس الخيمة أغلب الشباب يشتغلون في أبوظبي و الكل يروح هناك و يلاقون حريمهم في الاجازه ..و بالعكس ها الشيء له محاسن وااايد بقولها في الأخير ..

و قلتي بعد :::

............المهم انا دايما اكلمه بالموضوع وخاصة اني موب قادرة اسيطر على الاولاد والبارحة فتحت الموضوع وياه مره ثانيه اتخيلوا يا خواتي شو قالي بصريح العباره انا ما طيق ايلس وياج على طول ......... :

اممممم كيف يعني مو قادره تسيطرين على الأولاد !!! مشكلة انتوا يا البنات تدلعون في الأمور اللي هي بإيدكم و تقدرون عليها .. يعني الصراحة ما اعرف شو اقول لج !! عيل المطلقات و الأرامل يقدرون يسيطرون على عيالهم ؟؟.. انتوا ما تقدرون تسيطرون على اعيالكم !!! .. يا سبحان الله ..!! تعرفين حتى لو أعيالج أشقياء .. بس بتقدرين تسيطرين عليهم .. تقربي من اعيالج و لا تهملينهم بس لان ابوهم يشتغل في إماره ثانية ... بالعكس ها الشيء خليه دافع لج بأن تربينهم أحسن تربية كأن أبوهم موجود ..

النقطة الثانية ::

شوفي يالغالية ... الريال ما يحب اللي يحن و يرن 24 ساعة .. و مثل ما كتبت قبل في مواضيع جديمة .. ساعات الريال علشان يطلع و يفتك من الموضوع يقول أي شيء ..بس علشان الحرمة تسكت عنه !! هو ما يقصد الكلمة !! و أنا أأكد لج ها الشيء . من طبيعة الريال يحب الحرمة اللي تمشي معاه على نفس الوتيره .. نفس الخط .. مو تحن و ترن على نفس الموضوع كل يوم .. الصراحة أنا كبنت ما أداااااااااني احد يحن عليّ بموضوع واحد ما يتغير أبد.. فما بالج بالريال ؟؟؟

خلاص هو قال لج شو نقطة ضعفه في الموضوع و انتي ممكن تتفهمينها و تتقبلينها لأن الصراحة ربع ها الزمان صعب الواحد يحصلهم بسهوله ..

و يمكن أنتي تنتقلين معاه لو هو يشتغل في الجيش لان البيوت هناك ببلاش و تتطلع بسرعه !!

في الاخير انتي كتبتي ::

............على طول بنااات انا نفسيتي وايد تعبانه لاني قتله اذا انته ما تباني مره انا ما ابغيك الف مره شوروا علي شو الحل اعيش طول حياتي انا واولادي او اشتكي عند اهلي موب عارفة :

يالله منكم .. شو دخل الأهل في ها المواضيع .. ليش كل شيء يصير بين الحرمة و الريال تدخلون الأهل !! حبيبتي هذي حياتج و لازم تحلينها بينكم .. لازم أحد الطرفين يتنازل .. مهما صار بينكم ترى بالأخير في واحد منكم بيقتنع بها الشيء .. و أصلا الكلمة اللي قلتيها لريلج يحتاج منج موقف قوي .. اعتذري منه و صفي النفوس و عيشي حياتج بسرور.. لأن صدقيني في شخص بيتنازل بالأخير .. يا هو يقول أنه بينقل شغله و بيتحمل !! يا أنتي تتحملين ها الشيء !!..

آآآآآآآآخر شيء بخبرج سر حلو ..

من فوايد أن الريال يرجع بيته في الويك أند ..
الريال لما يرجع لعائلته .. يكون مشتاق أكثر و يحب يقعد و يطلع أعياله و يحس بقيمة اللي هو يسويه .. و ثاني شيء حبيتي ها الفتره اللي يغيبها الريال تجملي و تعدلي و سوي كل ما بدى لج علشان تجابلينه بأحلى حله و طله .. و الصراحة فترة 4 او 5 ايام بإمكانج تفاجأينه بأشياء حلوه بالغرفة .. تستقبلينه بشيء مميز ..(( ما ابغي ادش بها الموضوع واايد بس أكيد انتي فهمتي قصدي ))...










الله يوفقج و يصالح بالج وبال ريلج ...و يوفقكم ان شاء الله


دمتي بــــــــــود

[شيخه الغيد]

ختيه لا تضغطين ع ريلج مب زين جذا ..

خليه ع راحته ... مب لازم تجبرينه .. و هو من نفسه بيرد لج و لعياله