الله يخليكم دشوووا

[بنت الميرRAK]

السلام عليكم ورحمة الله وبركاته
...هاي مشكلة ربيعتي حليلها اتصلت وهي شبه منهاره ومحتاره بين زوجها واخوها ..المشكله ان اخوها يداوم فدبي وطبعا ياي عندها البيت على اساس بيتم ابيتها وهو من الفجيره وفي نهاية الاسبوع بيرد المهم ريلها قال ياانا يااخوووووج صح اني بسكت يوم يومين بس شهر اسمحيلي لواخوج ماطلع انا طالع وهي محتاره ماتعرف كيف اتقوووول لاخوهاااااا

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[m@rzouqia]

يا الله..

الله يعينهاااااااااا..

موقف صعب..

بس ليج ريلهاااااااا جي؟

حراااااااام.. مهما يكوووووووون ما بييلس وياهم في الرووم؟!!

اللهم في بيته..

ولووووو الريااال ما يحترم أهل الحرمة ولا يستلطفهم.. تراه شرات الشي يكون ويا حرمته ..!!!

الله يعيييينها..

بس موقفها صعب.. ..

مادري شو أنصحها^^

[بنت بألف ريال]

اسمحيلي بس ريلها واحد عديم احساس عنبوك هذا أخوها دمها ولحمها يخيرها بين وجوده وطلعت جنابه لاحول موقف صعب

[ms.goldy]

الله يهدي ريلها وطبع الشباب اصلا ما يلسوون فالبيت يحاااوطوون لين نص الليل ويردون يرقدون وينشون على الدوام


وحرااام عليه يعني اخووها شو بتقووله مهما يكوون بتتلوم منه وبيسوي حساسيه من بينهم

[برقع وردي]

احسه قرار وايد صعب ويعتمد عليها يعني لو انا مستحيل اطرد أخوي عشان خاطر عيونه لان الاخ مايتعوض ابدا هذا اذا صار الموقف لي بس عاد هي الله ويصبرها ويعتمد عليها وان شاء الله تنحل المشكله

[النرجس]

موقف صعب جدا

خلها تدعي الله يهدي ريلها وربي يسهل امورها

سبحان الله يمكن ريلها يقتنع والا يمكن اخوها روحه ما يتم عندها وايد

ربج ما يظلم عبده خلها توكل امرها لله

[أم ذيـاب]

الله يعينها والله ..
وايد صعب ع الحرمة انها تقول لأخوها اطلع من بيتي .. ريلي ما يباك
لو أنا مكانها ... بقول له :
وأنا اطالع بعيونه .. مع ابتسامه لها مغزى :
هذا أخوي .. وصعب اني اطرده من بيتي
وأصلا ً ما أقدر انطقها جدامه ..
بس يوم انك ما احترمتني .. ولا احترمت أخوي ..
فأنا للحين أحترمك .. ولا أبغي أخوي يقل من احترامك جدامي
عقب اللي بيسمعه ..
ويوم إنك اعتبرت هالبيت بيتك بروحك ..
فأحسن حل إنك تقول له بنفسك ..
ايي منك .. ولا ايي مني
لأني ما أقدر أطرد أخوي ..
وياخذ علي موقف طول عمره ..

واطلعي من عنده .. خليه يفكر بالموضوع

[شرينه وبس]

الله يعينها

[بنت الميرRAK]

والله مشكورين وااااااااااااااااااايد ياحلوات بصراحه اخوها طلع واتقول ان شكله كان حاس من تصرفات زوجها المهم اتخيلوا الحقير شو قال لها يوم عرف ان اخوها طلع (بلاه اخوج ماسلم علي امس يوم شافني صعد فوق على الاقل يحترمني لا وبعد يقول من باب الاحترام!!!!!! ويبرر موقفه اونه انا ابي اخذ راحتي وياج وابا استانس جذاااااااااب هو اصلا روحه مايلس فالبيت دوم مطيح فالديوانيه ويا ربعه
والله يحليلها شوي وبتصيح اتخيلوا يوم اهله ايون اشكثر تحترمهم وانا بصراحه قلتلها طنشي اهله يوم بيزورونج عشان يحس على دمه

[بنوتة80]

كنت بقولج ان اخوها بيحس من معاملة ريلها

الحمدلله يت على جذيه .... الله يهديه ان شاء الله

[ميثة بنتي]

قوليله اتصلبه وقوله ولا اتي منج وغريبة ليش ريلج جي هل يمكن ان يكون بينه وبين اخوج مشكله مستوية؟؟؟؟ الله يعينها طمنينا عليها اذا قدرتي

[أحلى غراام]

أمحق سنه

يباها تروووووغ اخوهاا


عيييييب والله


اسمحيلي ماعرف انصحها لأني مااحب هالنوعيه من الناس احس مافيهم خيير