شو رايكم في .......

**بلقيس1** · 2008-11-21, 13:12

اخواتي اريد كل وحدة تعطينا رايها في موضوع الغيرة و الحسد من صديقاتها او زوجات اخوة ريلها المهم نساء مثلها و شو الشيئ الي تغار منو مثلا المستوى التعليمي او عملها او حب زوجها او اي الشيئ

المزيد من آخر المواضيع من نفس القسم:

برهومه ^_* · 2008-11-21, 13:14

انا وحده ماغار من اي شئ

اهم شئ عندي كيف علاقتي وياه وكيف ادير بالي عليه واحفظة من الحسد وكل شئ

اما المستوى الدراسي بالنسبه لاخته او وحده .. بيفيدها هيه مابيفيدني بشئ ..

السموحه

**بهلولة** · 2008-11-21, 13:20

انا احس ان الغيره شي طبيعي...وهي تعطينا روح للتنافس للوصول للأفضل
وبصراحة انا اغار مرات...واحب اني اكون بافضل شكل وهيئة
وريلي ما يشوف مني الاكل شي حلو...واغار لو يشوف غيري احسن عني

بس اهم شي ما يوصل الموضوع لين الحقد والحسد..وهنية تكون المشكلة
ابدا ما اتمنى زوال النعمة عن غيري...وابدا ما اتمنى السؤ لاحد..لان هاي اسوأخصلة

وللأسف ان تعرضت لهالشي من بنات كنت اعتقد انهم ربيعاتي
بس رب العالمين دوم يكشف الحق قدامي
ومن تبقى من ربيعاتي فهم اللي يستاهلون كلمة ربيعة

ويارب لا تحرمني من ريلي وعيالي واهلي وربيعاتي
ويارب يحفظ الناس اللي تحبونهم

**بلقيس1** · 2008-11-21, 13:27

شكرا اخواتي انا اغار ولا احسد لانو يوجد فرق كبير بينهم اغار من الي زوجها يوفر لها كل شيئ يعني مش هيا الي تشتغل عشان توفر لنفسها

**um_shahd** · 2008-11-21, 14:59

ليش اغااااااااار عسى الله يوفقهاا ويرزقهاا ....

بس لو شفت وحده تتودد لريلي ولازقه فيه ودق سوااااااااالف احاول بطريقتي من غير ماحد ينتبه ابعده لاني ماحب

اما وسخ الدنيا فهو زااااااااااااااااائل

والقناعه كنز لايفنى ..

**ام_شذى** · 2008-11-21, 15:21

للرفع

الغيرة تقتل قلبج ..
استغفري وادعي من رب العالمين انه يوفقج في كل شي
من راقب النااااااااااااااااااس مات هما

**غلا الوصل** · 2008-11-21, 15:29

الله يهدي الجميع

**حزن قلبي** · 2008-11-22, 00:33

انا ما اغار، بس مرات يوم حد يقول لي عن الاماكن الحلوة اللي ساروها ما ادري شو يصيبني، إلا اسير، و ريلي يوديني ما يقصر. ما اعرف اذا هذي غيرة.؟

**مزمزنه** · 2008-11-22, 02:14

ما اغار لأن كل شي عندي و لله الحمد بس اغار لما اشوف ريلي عينه ع الحريم .. بس قمت اكره اللي يتخققون قدامي اونهم سوا كذا و راحوا كذا و قالوا كذا و اكره اللي طايحه فيني ريلي ريلي و عيالي عيالي لأن هالصفات اكتشفتها في اقرب صديقه لي بس هي ما كانت كذا احسها بدت اتغار و شوي شوي بان

**نااعمه** · 2008-11-22, 13:11

الغيره غير عن الحسد في غيره انج تتمنين تكونين مثل فلانه وما تتمنين لهالشخص اي سوء بالعكس غيرتج تكون دافع لج انج تجتهدين عشان تحققين هدف معين مثلا بس اني احقد على شخص لانه دارس اكثر او في وظيفه افضل او عندها زوج زين مستحيل كل شي قسمه ونصيب

**حلا حلا** · 2008-11-22, 13:47

الحمدلله انا اعلى مستوي من سلفاتي كلهم معاي بكالريوس وهم لسى يدرسون اماخوات زوجي لسى صغار وللأسف سلفاتي يغارون مني بس مادري ليش الله يهديهم

الموضوع: شو رايكم في .......

أدوات الموضوع

عرض

شو رايكم في .......

المزيد من آخر المواضيع من نفس القسم:

المواضيع المتشابهه

رايكم يهمني...بجامات ام امنة..اتفضلوا وقولوا رايكم بصراحه

شو رايكم بهالمثل.. مقتنعين فيه ولا... .؟ اختلفنا فيها انا وربيعتي.. رايكم يهمني

عاجل رايكم يهمني عطوني رايكم باسرع وقت لاني بحجز عندها

خالة تاخذ ابيض كيف جي ..؟؟ عرفنا رايكم لكن شو رايكم نعرف راي الدين