من تكون انته ...

[كفاني جرحك]

السلام عليكم حبيباتي ...

هااااااي القصيدة اهداء لكم .. تعيبني .. هي من روايع الشيخ محمد بن راشد .. الله يطول بعمره ...

لاني اليوم ضاااايجه من الخاطر ف قلت بقراها وبطرشا حق اللي مضايجيني عشان ابرد فوادي

القصيده لها معاني كثيرة .. اقروها بتمعن ...


من تكون انته تعذبني واسامح ..؟
من تكون انته تخاصمني واصالح ..؟
انته واحد بين الاف العيون
ليش انا ارضى بعذابك من تكون ..؟
ياللي قلبك ماعرف طعم الهوى
ماهوى ولا حب يوم ولا انكوى
هل حياتي عندك وموتي سوى .. ؟
من تكون انته من تكون انته من .. ؟
من يحس بلوعتي ووجدي ودموعي
يدري حجم النار ليه تسكن ضلوعي
رغم هذا لك انا معلن خضوعي
صامدا في وجه رمشك والعيون
انته واحد بين الاف العيون
ليش انا ارضى بعذابك من تكون ..؟
من تكون انته تحكم في مصيري
وليش اضيع بعينك خط سيري
اخضع لامرك عجب وانته اسيري
تاركني بين اوهام وظنون
انته واحد بين الاف العيون
ليش انا ارضى بعذابك من تكون ..؟
ياللي قلبك ماعرف طعم الهوى
ماهوى ولا حب يوم ولا انكوى
هل حياتي عندك وموتي سوى .. ؟
من تكون انته من تكون انته من .. ؟

............................

اتمنى ان تنال اعجابكن

تحياتي لكن ...

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الماركة]

اليوم ضربتي فيني على الوتر الحساس
مشكورة

[كفاني جرحك]

اليوم ضربتي فيني على الوتر الحساس
مشكورة

العفو فديتج ...

صح لسان صاحب السمو الشيخ محمد بن راشد آل مكتوم

تسلمين أختي كفاني جرحك

وتسلم إيدج على النقل

صح ابدنج فديتج

[لؤلؤة البحر]

مشكووره ع القصيدة الروووعه
أنا كان عندي مقطع منها مسجل ،،،،
و خاطري أسمعها كاملة،،،،،،،،،،،
إذا عندج ممكن تنزليها....
و السموحه ع الإزعاج^^

[عين البلاد]

رووووووووووووووووووعه
جان استانس واسيفها

[رويــانــة]

صح لسانه بو راشد ويعل عمره طويل يارب

وتسلم يمناج كفاني جرحـك وربي يبعد عنج كل ضيقة عزيزتي

والسموحة

[سراب الشارجه]

يسلم سمو الشيخ محمد بن راشد

ومشكوووره على اختيارج

[حلا الرياض]

مشكوره