مدرستنا فيها تسيب فظيع

**روح ريلها** · 2008-11-17, 17:45

السلام عليكم ورحمة الله وبركاته

بنات المدرسة اللي انا فيها فيها تسيب كبير....المدرسات يغيبون بالاسابيع وما يحسبون غيابهم لانهم مرابعات المديرة والوكيلة...والطلاب دومهم برا الصف ..وغير عن التحرشات الجنسية والتدخين..المديرة مول ما تحضر المدرسة وما يهمها مشاكل الاولاد أهم شي مشاريعها مع المنطقة طبعا مافي شي ينفذ من المشاريع كله حبر على ورق وصور...

انا غامضيني الاولاد حتى عيالي ما خيتهم يدرسون في هاي المدرسة ...

شو الحل؟!!

اشتكينا على المديرة وايد عليها شكاوي بس ما تغير شي..يقولون عندها واسطه قوية...شو رايكم خواتي والله ضميري يأنبني على الاولاد أحس انهم أمانه عندنا بس مافي توجيه احنا عيزنا من زود ما نوجه بس الادارة ول مب واقفة وايانا ؟!!!
تصدقون خواتي الاولاد قايمين يمدون ايدهم على المدرسات والاداراة ولا تسوي شي...!!!بس يقولون لو شو انتو ما يحق لكم تمدون ايدكم عليهم؟!!

خواتي ترى انا ماخذة النك مال اختي من ضيقي أبا حل ؟!!

...

المزيد من آخر المواضيع من نفس القسم:

**مدرسة حزينة** · 2008-11-17, 17:57

نفس اللي عندنا في المدرسة بالضبط...تسيب كبيييييييييييييييييييييييييييييييييييييييييييييييي ييير

والمديرة

والوكيلة

والاخصائية نفس الشي كلهم...

والمديرة 24 ساع تشيت ع النت ...والا انها ترمس في التلفون ...واتينا المدرسة عشان بس تسوي عرض ازياء واللي في المدرسة ما يهمونها مولية!!!

مديرات اخر زمن..عيايز ويتشببن

**همس السحر** · 2008-11-17, 21:01

والله أشياء عجيبة هذا يحصل في هالبلاد ؟؟؟؟؟؟؟؟!!!!!!!!!!!!!!!حبيبتي شدي حيلك انت وباقي المعلمات وما تسكتي نهائي وابذلي قصارى جهدك للتغيير واحكي مع الوزارة والله لو وصلت للوزير ما يهم المهم ا؟لأولاد وشئ ثاني ما تقولي حكينا واشتكينا وما نفع اتكلمي مع أولياء الأمور الله أكبر حتى أولياء الأمور ما يتكلمون شئ عجيب والله

**أم نجيب** · 2008-11-17, 21:08

ما أدري شو أقول والله من ال صدمة التي قلتيلنا عليه..
بس لاحول ولا قوة...
أهم شيء انش ما تسكتين اكتبي خطاب وطرشيه للوزارة إذا مو بوظبي طرشيه دبي المهم حاولي ولاتسكتين
حرام والله حد يداوم وملتزم وحد منطش والعيال ضايعين من بينهم
الله يصبرج الغالية ولج اجرش عند ربج

**قصص** · 2008-11-17, 22:26

افضحيهم في البث المباشر

ما شي غير هالحل

التعليم امانه وهاذيل خاينين الامانه

**اام مازن** · 2008-11-17, 23:26

اي مدرسة هاي

**ام أماني** · 2008-11-17, 23:51

اف خيييييييييييييييييييييييييييييييييبه صدق مديرات اخر زمن وينهن من عذاب ربي

الجازي*** · 2008-11-17, 23:59

حبيبتي صوري يلي يحصل من مشاغبات و المكاتب الفاضيه عشان تكون عندج ادله وما يكذبونج

وبعدين اتفقي مع المعلمات ع كتاب خطاب لوزارة العين او دبي بينفعونج بعد

ورسلي لهم اذ قالت عنج كذابه طلعي لهم الصور

والاهمال والشغب والتدخين

وربج فوق وياج لا تخافين

**كريزي مون** · 2008-11-18, 00:06

خييييييبه اي اماره هاي.؟

**روح ريلها** · 2008-11-18, 15:22

أولياء الأمور عيزوا من زود ما يشتكون...والمصيبة خبرناهم عن الزجاير وهم يدرون بس يابوا الاولاد ورمسوهم أنا اخاف الأولاد بعدهم مستمرين في هالشي...طلبت أرقام أولياء الامور مب راضيين يعطوني أبا أكلمهم عن تصرفات عيالهم...قالوا هم برمسونهم ماشوف شي استوى!!
اليوم يت وحده وتهدد تشتكي عند المنطقة مادري شو مستوي بولدها ؟!!وفي أولياء أمور اشتكوا على الولد اللي يتحرش بعيالهم ..أنا ارتحت المهم اشتكوا ..والله يلست أشيش الاولاد وأقول لهم لازم تشتكون والله ما تهمني سمعة المدرسة المهم الاولاد..هذولي بيخدمون الوطن..في المستقبل..وسووا الأولاد اللي قلت لهم عليه كانوا خايفين من الولد اللي يهددهم ...

والله يستر ..مديرتنا كلش مب مال ادارة مادري كيف صارت مديرة ؟!!!!
الله لا يسامحها اذا متعمده تهمل الاولاد

**روح ريلها** · 2008-11-18, 15:23

خواتي شكلي خلاص بطرش الوزارة كل اللي يصير في المدرسة ..مدرسات يسافرن بالاسابيع ونشوفهم في الكمبيوتر محضرات..

**أم وديمة26** · 2008-11-18, 15:33

الحمدالله
والله المستعان؟؟؟

**همس السحر** · 2008-11-18, 18:48

طمنينا عليك شو يصير معك شئ جديد

**همســة** · 2008-11-18, 20:20

لا حول ولا قوة الا بالله
الله يهديهم ويفكنا من هالأشكال ياااارب

**LDEHX** · 2008-11-18, 21:43

لا حول ولا قوة الا بالله

الموضوع: مدرستنا فيها تسيب فظيع

أدوات الموضوع

عرض

مدرستنا فيها تسيب فظيع

المزيد من آخر المواضيع من نفس القسم:

المواضيع المتشابهه

مدرستنا الثانوية الانجليزية

شو رايكم في مدرستنا الثانوية الانجليزية في الفجيرة

باب مدرستنا الخربان خخخخخخ

دورة DeheN 3ooD في مدرستنا

ألحقو عليي انفجار في مدرستنا .... شو أسوي