إللي عرسها شهر 5 - 2009 .. تعالو نتزهب مع بعض!

**مياو_مياو** · 2008-11-16, 15:47

هلا بنات
ترددت واايد قبل لا أفتح ها الموضوع....

أنا أكبر بنت من خواتي و ماما عندها نونو منشغله وياها (الله يخليها لنا إن شا الله) يعني ما عندها وقت حقي... و أهلي كل وحده ف حالها..وخواتي مشغولين ف الدراسه =_= يعني إذا بتحظر بتحظر بروحي

... وأنا مووول ما عرف شي.. مع إني والحمد الله ذويقة و ممكن إنه أعتمد ع نفسي في المشترى

.. بس متشتته و دايخه... أنا قلت ما بكثر و ما بتخبل... و ما بسوي جلاليب و مغربيات واايد لأني ما ألبس.. حراام أخسر

بس أنا من راك و صعبه أروح بروحي دبي و بوظبي...

فقلت ليش ما أفتح ها الموضوع على الأقل أتشجع و أشجع إللي معاي يمكن نتشرا مع بعض أو على الأقل نبدا خطوه بخطوه مع بعض... في النهاية ما بخسر شي....

مهري 100 ألف والحمد الله على كل شي مع إنه بابا قال ما يبا شي غير انه أكون ف عيون ريلي (المستقبل) ههه ...

الحمد الله حجزت حق مكياج العرس بما انهم حددوا العرس.. بس لين ألحين ما حددوا الملجه...
عشان جيه أبا أبدا من الصفر...

منو بتبدا معااااي ترفع إيدها يالله !!! =] خلنا نسوي قروب شوبينق!!!

وإذا ما عندها مانع ممكن إنه نظهر مع بعض نتشرا ليش لا ههههه بس لازم نكون نفس الستايل عشان ما نتظارب في المولات هيه فصوب و أنا فصووب ههههه

أحسه موضوع عبيط.. إن شا الله ألقى تفاعل يارب ><

المزيد من آخر المواضيع من نفس القسم:

**سفيرة الفقراء** · 2008-11-16, 15:58

بالعكس موضوعج حلو..

بس بالنسة للطلعات احس صعبة عسب لازم يكون في بينكم معرفة مسبقة والأهل لازم يدرون ويكون معاكمـ ريال يعني صعبة..

وبالنسبة لمشترياتج خلج مرتاحة بتخلصي قبل الموعد وبتملي وبتقولي متى العرس ^^

شوفي شو تحبي من اللبس لا تتصنعي خلج نفس ما كنتي ببيتكمـ عسب ما تكوني متضايقة وتقولي بغير وجيه..

أغراض الزواج معروفة يمكن الي تغير بمشترياتج فقط ملابس النوم بتكون غير..

أنا زهبت ومليت من الزهاب وخلصت ..

وربي يوفقج الغالية ويسعدج.

**كش ملك** · 2008-11-16, 16:45

حبوبه دشي معانا في هذربة العرايس...

بتستفيدين وااااااايد .... وما شاء الله العرايس تراهن يزيدن... حدري معانا ولا تستحين يا حلوه...

والله يتمملج على خير...

**مياو_مياو** · 2008-11-16, 18:30

مشكورين يا بنات على الردود ولو انه كان ودي ردود أكثر =( ههه بس تسلمون ^^

**fatat.zayed** · 2008-11-16, 18:44

موفقة يارب

**فتاة حالمة** · 2008-11-16, 18:59

موضوعج روعة
انا من راك ونفسج تقريبا..
ممم.. خواتي تقريبا كلهم معرسات ولله الحمد ماعدا اختي اللي اصغر عني تدرس دبلوم ومشغولة بالدراسة
كل وحدة فبيت ريلها وفي حياتها الخاصة
عرسي ان شاءالله في شهر 7 مب اكيد.. وللحين مابديت بالزهبة ..
ماعرف كيف ووين ابدأ.. وراك ماتشجع بالمووول

اشتريت تيشيرتات في محل في مركز منار مسوي ديسكاونت بالقو .. المحل اللي عدال الجعيدي اسمه UC
فيه اشياء وايد حلوة وسعر مغري بعد التخفيض (مسوي تصفية).. اشتريت منه يمكن 4 تشيرتات ..
هذا من اسبوعين ..

**أم حمـد .** · 2008-11-16, 19:07

الله يعينج حبوبة ..
انزين تعآلي زهبي من ستي عيمآن مايقصر ترى

**مياو_مياو** · 2008-11-16, 19:10

المشاركة الأصلية كتبت بواسطة فتاة حالمة

موضوعج روعة
انا من راك ونفسج تقريبا..
ممم.. خواتي تقريبا كلهم معرسات ولله الحمد ماعدا اختي اللي اصغر عني تدرس دبلوم ومشغولة بالدراسة
كل وحدة فبيت ريلها وفي حياتها الخاصة
عرسي ان شاءالله في شهر 7 مب اكيد.. وللحين مابديت بالزهبة ..
ماعرف كيف ووين ابدأ.. وراك ماتشجع بالمووول

اشتريت تيشيرتات في محل في مركز منار مسوي ديسكاونت بالقو .. المحل اللي عدال الجعيدي اسمه UC
فيه اشياء وايد حلوة وسعر مغري بعد التخفيض (مسوي تصفية).. اشتريت منه يمكن 4 تشيرتات ..
هذا من اسبوعين ..

اللـــــه !! جان أسنتانس

قولي حق ريلج يجدم العرس لين 5 عشان نعرس رباعه خخخخخ
بس أنا ترا بعدني ما ملجت يعني أزهب ححق الاثنين بس الملجه ما أحاتيها واايد

أنا سرت معرض ف دبي حصلت عنده دراعات عربيات حلوه (مع اني ما ألبس وااايد) بس خذيتلي 2 احطيات خفت ما أحصل .ونعال حلو و راقي من ألدو حسيته بيروح علي لو ما خذيته.... وبس ها إللي خذيته...
نصيحه !! من تعرفين التواريخ ععلى طوول ابدي تحجزين مكياج و شعر
أنا حجزت مكياج عند رحاب .. ترا ما أحب الثجيل واايد... و الشعر لين ألحين ما حددت بسوي بروفات أول.... لأنه شعري واايد خفيف و أحاتي
متى ناويه تبدين؟
أنا ناويه أبدا عقب العيد أو الملجه على طول لأنه الملجه على ما أعتقد شهر 2 إن شا الله...

**فتاة حالمة** · 2008-11-16, 19:18

البداية الجادة ان شاءالله في الاجازة الشتوية مادري متى بتبدأ؟؟ خخ
اما الحين يمكن افكر اشتري الذهب من داماس والجاز بشوفهم في مركز منار
بشتري شي خفيف ورقيق ماحب الثقيل والدفش
ان شالله احصل شي زين وبسعر حلو ..
وصح القرية العالمية فتحت..افكر اتحوط يمكن اشوف شي حلو وسعر رخيص وتكون فرصة ماتتفوت فيمكن اشتري من هناك
بس هذا اذا حصلت مواصلات خخ

**مياو_مياو** · 2008-11-16, 19:21

نفس الحاله !! ... أنا بسير ان شا الله ها الأسبوع حق الذهب ف المنار و بعد الذهب سمعت نازل يعني فرصتنا...
أنا بعد أحب الخفيف و ما أحب الثجيل لأنه ستايلي ناعم و خفيف و كيوت ههه... عندي أهم شي السوع و الخواتم يمكن لأنهم يوم تلبسين العباه هم يبانون أكثر شي..

و كم وحده قالتلي عليج بالعباه الكاشخه و الجنطة الماركة أو الحلوه.. و الساعة و الخاتم .. و النعال بعد... هم أكثر شي يبانون خخخخ... مادري

**مياو_مياو** · 2008-11-16, 19:23

بلالنسبة للقرية أنا قلت ما بسير من ألحين لأنه نحن عرسنا وين هواه بعده.. أخاف تنزل موضات يديده... عشان جيه بأخر السيره... بعد مشكله المواصلات خخخ شكلنا بنأجر باص هههههههههههه

**al-raheel** · 2008-11-16, 20:00

اولا ربي يوفقج فديتج

ويسهل امرج وتظهرين احلى عرووووووووووووس غناتي

لا تحاتين غلاي نحن اهنا كلنا خوات وماشالله عل بنات اتحسينهم على قلب واحد

يعني صدق لاتحاتين .............

حياتي لازم اتسوين لج جدول تمشين عليه وتجسمين بيزاتج ...عسب ماينقصج شي وتندمين

وانا حاطه موضوع يمكن يفيدج ...

انا انصحج حبيبتي انج تبدين اولا بالذهب وتستغلين الفرصه دام الذهب نازل قبل مايرتفع لأني سمعت انه بيرتفع شرات قبل ........واذا حابه اتعرفين سعر الذهب اول بأول تابعي موضوع ام بدر بقسم العروس

وبعد تقدرين تاخذين قمصان النوم من ألحينه لأنها ماتمشي عل موضه وخذي الاندر وير ....وانصحج اتسيرين القريه الصراحه .........اربيعتي العام ساومت على قميص نوم اخباااااااااااااااال من القريه قال لها 600 بس ماخذته قالت يمكن اشوف احلى منه ...المهم سرت وياها بمركز المنال للي بدبي شفنا نفسه عاد قولي كم عطانا 1500

غلاي حاولي تاخذين الاشيا للي ماتمشي عل موضه اولا ........

وبعدين اتجهي للمخاوير والعبي والشنط

واذا عندج اي سؤال نحن زاهبين

**مياو_مياو** · 2008-11-16, 20:05

المشاركة الأصلية كتبت بواسطة al-raheel

اولا ربي يوفقج فديتج

ويسهل امرج وتظهرين احلى عرووووووووووووس غناتي

لا تحاتين غلاي نحن اهنا كلنا خوات وماشالله عل بنات اتحسينهم على قلب واحد

يعني صدق لاتحاتين .............

حياتي لازم اتسوين لج جدول تمشين عليه وتجسمين بيزاتج ...عسب ماينقصج شي وتندمين

وانا حاطه موضوع يمكن يفيدج ...

انا انصحج حبيبتي انج تبدين اولا بالذهب وتستغلين الفرصه دام الذهب نازل قبل مايرتفع لأني سمعت انه بيرتفع شرات قبل ........واذا حابه اتعرفين سعر الذهب اول بأول تابعي موضوع ام بدر بقسم العروس

وبعد تقدرين تاخذين قمصان النوم من ألحينه لأنها ماتمشي عل موضه وخذي الاندر وير ....وانصحج اتسيرين القريه الصراحه .........اربيعتي العام ساومت على قميص نوم اخباااااااااااااااال من القريه قال لها 600 بس ماخذته قالت يمكن اشوف احلى منه ...المهم سرت وياها بمركز المنال للي بدبي شفنا نفسه عاد قولي كم عطانا 1500

غلاي حاولي تاخذين الاشيا للي ماتمشي عل موضه اولا ........

وبعدين اتجهي للمخاوير والعبي والشنط

واذا عندج اي سؤال نحن زاهبين

حبيبتي والله تسلمينلي...
خلاص ان شا الله أنا من أحصل فرصة جريبه بسير سوق الذهب.. و إذا سرت القرية بسير صوب قمصان النوم.. هه بس أي قرية فيها قمصان نوم راقيه؟؟

**الرحاله** · 2008-11-16, 20:11

موفقه الغلا

**فتاة حالمة** · 2008-11-16, 20:15

مياو مياو
يمدحون القرية اللبنانية .. مادري والله
صعب نسير كل القرى بمووت ريولي بتتكسر خخخ
ساعات اتشاور اقعد على السلة ويدزوني ههههههه

الموضوع: إللي عرسها شهر 5 - 2009 .. تعالو نتزهب مع بعض!

أدوات الموضوع

عرض