انامخطوبه!!!

[*عســـولة*]

حبيت افيدج بفكرة عيبتني..

قبل دخولج للقاعة..

حطي الشبطة والذهب ع قارب صغير من الخشب

وحطي صوت بحر وخلي اي بنت صغيرة او ولد يلبس وزار البحارة مع فانيلا بيضا ويلفون له الغترة نفس ايام قبل

ويتم يلف القارب عالمعازيم عشان يراويهم الذهب ^_^

وربي يوفقج وخبرينا شو بتسوين في الملجة^^

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[وديما]

بدورلج افكار..

لي عوده..

[ام ضرار]

انا مع الاخت فديتج خلي الاشياء والحلوه للعرس احلى لانه كل المعازيم بيحضرون وبيشوفون التباتيك

الله يسعدج ويهنيج ان شاءالله

[مــــيره دبــي]

تم نقل الموضوع....


وعسى الله يبارك لج ف حياااتج اليديده

[الورقة الخضرا]

مبروك

[ام لولو وحمود]

ان شاء الله تطلعين احلى ملاك

[حصووووه]

في فكره في بالي بسويها في عرسي

بشتري الكلينكس الملون بس بختار بكون لون واحد و مافيه رسومات (كلينكس مال الحفلات اللي تتوزع بالحبه) و اللون اللي بختاره هو نفسه اللون اللي بسويه للكوشه و للقاعه المهم بوديها المطبعه و بخليها يطبعون على كل حبة كلينكس بالخط العريض افراح الفلان و الفلاني طبعا هذا ما بيكلفني شي بس كحركه،،،،

[بدويه_كلي فخر]

مبروووووووووووووووك والله يهنيج ويسعدج .......

انا عندي فكره حق الشبكه حطيهن في مخدات مخمل وفيهن طرابيش وخلي خواتج يدورن و يراون المعازيم.....

[أم كنه]

نحن مانسوي حفله الا للملجه (عقد القران ) والعرس والخطوبه تكون الناس اللي ايون يخطبون البنت عباره عن زياره وعشى يعني مافيها حركات فالملجه ممكن شي مبسط والحركات الاكثر فالعرس ..انا بخبرج عن ملجتي انا وخواتي كانت فالبيت ومقتصره ع اهل المعرس امه وخواته واهلي من امي وخواتي وخالاتي بس والرياييل نفس الشي بس بخصوص المكان اللي فيه الحريم نحنا مسوين ورد طبيعي ع الدري عشان يوم تنزل العروس ونحنا الورد يكون نفس لون فستانها ومسكتها ونطلب بوفيه طاولات وكراسي للحريم ونحط مفارش وديكور مثل شموع وورد فنص الطاولات والعشى طبعا يكون من المطعم من كل الاصناف ..ونطلب فلبينيات يخدمن من ناحيه تقديم العصاير ويقهوين الحريم ويوزعن حلاوه ويكون المكان اللي يقعدن فيه الحريم الميلس قبل والصياني والدلاال والفنايين كلهن بلون واحد وصياني الحلاوه بعد ونطلب كيكه للمعاريس واكواب العصاير للمعاريس تكون مزينه وتحت الدري حاطين كوشه بسيطه عباره عن كرسي كبير مال البيت ونفر عليه مفارش بنفس لون الطاولات ومخدات ونحط حذاله الشبكه مثل ستاند او شو الفكره اللي نحن مسوينها ..ونسوي توزيعات للمعازيم ونطلب مصوره تصورنا صور فنيه ..نتصور قبل الحفله واتم تصور صاحبه الحفله وبعدين تصور العرسان وقت التلبيس ..وتنتهي الحفله ..انا كنت مختاره لون بنفسجي واخضر للحفله واختي اصفر واختي الثانيه ازرق والثالثه ناويه وردي والحمدلله فالبيت يطلع شغلنا مرتب ..

[بنت رفيعه]

للرفع

لان حبيبتي فالامارت ناادر ما نسوي حفلات خطووبه ^^

بس مجرد سوالف و عشا يعني ما عندنا حفله كبيره لهامناسبه ^^