رأي

[أمووون]

هيه هالشي هب لغة القرآن هب لغة اجدادناااااا وهب لغتنا الأصليه ..


تعبت صراااااااااااحه ماعرف ارمس انجليزي.؟.؟


لو ندرس بالجامعه بالعربي بيكون هالشي سهل علينــــــــا يوم ندرس الطلاب والطالبات..



شويعني بدال ما نقول امايه نقووول مام والا بريذر؟؟


صعب صراحــــــــــه ..

اسمحولي بس الموضوع وايد ضيج بي ..لأنــــــــــي احس التطور هب بهالصوره والله..


أنا آسفـــــــه

شيخة بوظبي... القرآن محفوظ... و كلام الأخت واضح و اقتراحها أوضح... و بعدين البيت له دور مهم في الحفاظ على القرآن.... مب المدرسة بس..

و بعدين اللغة الانجليزية مش تطور... هالشي واقع ملموس و ما نقدر نستغني عنه..

تقدرين يوم تسافرين ترمسنهم بالعربي و تصرين على لغتج و تطلبين منهم كل شي بالعربي؟؟

مستحيل..

اللغة بتفيد الشخص مب بس في دراسته... في سفره في عمله.. في الترويج لدولته

كيف الواحد بيمثل بلاده في مؤتمر في دولة اجنبية ان كان مش متقن للغة الانجليزية.. محد بيفهم عليه.. و لا هو بيفهم على حد...

التطور مب بس نقول مامي و دادي يا بنت الحلال...

دام انه عندنا الوسيلة ليش ما نطور من اعمارنا؟؟ ليش ما نستفيد من كل شي متاح.. انا كان خاطري اتعلم فرنسي... مب عسب اقول ميغسي بكوه و هالسوالف.. لأ.. بس لأني اسافر بلدان فيها اللغة الفرنسية... فليش مال اتعلم لي كم كلمة تنفعني...

نفس الشي الدراسة... اللي يدرسون في مدارس خاصة مستواهم أحسن في اللغة من المدارس الحكومية..
و نفس الشي اللي عايشين برع و عيالهم يدرسون مناهج أجنبية..

مناهجنا اسلوبها اكثر شي التلقين و الحفظ.. بدون تفكير و ابداع.. مافيها شي لو كانت المناهج باللغة الانجليزية.. بيسهل واااااايد أمور علينا

كل انسان يعتز بلغته مهما تعلم لغات ثانية.. الا اللي ما عندهم انتماء و ولاء لدينهم و لغتهم و بلدهم

انا دارسة في أمريكا و اربع سنين برع و كله ويا امريكان... هل تجردت من ديني و تقاليدي و ايلس ازاقر امي مامي ؟؟ لأ طبعا لأ

يوم سرت اضطريت اني ادرس في معهد لغه سنة و نص.. مع انه البنات اللي مخلصات من مدارس خاصة يخلصن في هالسنة و نص على الأٌقل 15 ساعة اكاديمية.. و انا بعدني احيج بالمعهد.. و بالطبع بيترتب عليه انهم يتخرجون قبلي.. يعني لو انا كنت مأسسة زين ما كنت طوفت السنة و نص بس لغة..

مرة من المرات انا رادة من ألمانيا و يلست عيوز عدالي.. و يلسنا نسولف و بعدين سألتني انتي من وين..قلتها من الامارات.. و انتي؟ جان تقول لي انا المانية و من ديسيلدورف.. قلتلها غريبة كنت اتحرا انه الالمان ما يعرفون انجليزي .. قالت لأ.. احنا نتعلمه من يوم يهال... لكن بعض الناس ما يحبون يتكلمون انجليزي لكن كلللللللللللهم يعرفون... يعني لو احتاجوه في اي وقت تراه موجود.. لكن نحن الناس ما تعرف... و لو لا قدر الله صار شي بيتوهقون..

احنا ما نقدر ننكر أهمية اللغة الانجليزية في حياتنا

و بعيد عن التشدد و العصبية يا شيخة بوظبي نحن في هالمنتدى نقول راينا.. و لا تضيجين و لا شي.. و يوم بتعرسين مب مجبورة تدرسين عيالج منهج انجليزي.. لكن بيي يوم بينفرض هالشي علينا فرض.. فلازم الواحد يتقبله قبل ما ينجبر عليه...

و الله يسهل

المزيد من آخر المواضيع من نفس القسم:

• أسباب خوف الأطفال من المدرسة
• اسباب خوف الطفل من المدرسة
• سلبيات التحذيرات الزائدة في المدرسة على طفلك
• علامات جديدة على إصابة الأطفال بكورونا
• التعلم عن بعد تحديات وحلول
• خطوات لتعليم طفلك تحمل المسؤولية
• نصائح لتجنب الأساليب الخاطئة في تربية الاطفال
• خطوات لتحضير حقيبة المدرسة للأطفال
• علاج خوف الأطفال من المدرسة
• اسباب قلة تركيز الاطفال في الامتحانات