أبا أغير شخصيتي

[عاشقة الغلا]

السلام عليكم

بدش على موضوع على طول
انا ابي اغير شخصيتي ..وايد مستوية هادية بشكل فظيع ، ووايد افكر ..
قبل ما كنت جي ...كنت احب اسولف بس الحينه لا..يعني مثلا يوم نطلع رحلة او جي اتم هاادية ..وما احب اتنااقش ويا حد ،، حتى لو كنت معترضة على شي اسكت ..!
وايد تنازلت عن حقوقي ..

ما عرف كيف اطور من شخصيتي ...
ساعدوني بالحلول

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[هدوء20]

كل شي بالعزم يستوي
اهم شي انج اتكوني واثقه بعمرج

[love rak]

فديتج أنا عندي نفس المشكله صارت لي المشكله بعد ما إتخرجت من الجامعه ويلست فالبيت
ما أدري شو إشتوى إنقلبت شخصيتي فوق تحت أول كنت مرحه وأضحك وأحين كله ساكته ومول ما أتكلم إلا إذا حد كلمني وحتى الضحكة ما تطلع شرات قبل وأهلي وايد مظايجين من جذا وحاولوا وياي وما نفع ...حتى كنت إجتماعيه إستويت مول ما أحب أتعرف
بحاول أستفيد من النصايح إلي بيعطوها لج البنات
أنا بإعتقادي إن الحاله صابتني لاني كنت متملله وايد ..يعني إذا بطع السوق أو بيت الأهل ..وفكرت ساعات آخذ دورات ما خليت دورة إلا خذيتها تتحسن نفسيتي إشوي يوم أطلع من أرد أيلس فالبيت ما أدري شو يستوي ترد لي حالة الصمت ...ويمكن لانه أنا بدون شغل بطاليه
أحسن شي إشغلي وقتج وإذكري ربج أنا الصراحه داومت عالإستغفار وقرآة القرآن والرياضه أحس نفسيتي تحسنت وااااااااااااايد ..يعني أكون مستانسه بس بعدني هاديه
مع إنه الحمد الله ما حد إظايقني فالبيت وععندي ربيعات لكن ما أعرف ليش ؟؟؟
وبعد تعرفيني شو إستوى فيني إستويت خجوله لدرجه ما تتخيلينها ..أستحي من خواتي من إخوانتي من أبوي وأمي وإذا سرت السوق وي إختي ما أرمس موليه وأستحي من إلي طايف وإلي راد
لين ألحين هالحاله ما أعرف شو أسوي ؟؟
من بنات المنتدى نستفيد

[راعية الود]

لازم تعاشرين الناس عسب تتغير شخصيتج لان الشخصية الانطوائية مب حلوة بتمين دوم هادية وتفكرين لييش خالطي الناس شغلي وقتج باي شي انتي تحبينه وان شاء الله بتتغيرين للاحسن

[عطر الربيع]

يا حبيبتي حاولي تطلعين من العزله اللي أنتي حطيتي نفسج فيها ، حاولي تثقين بنفسج ، وتسولفين وتضحكين بس مب على كل شيء ، خلج عادية على طبيعتج مع الناس بدون تصنع.

[عضوةUAE]

عزيزتي ليش ماتعرضين نفس للدكتور احمد النجار...
لايروح بالج بعيد وتشكين بعمرج لا بس هو دكتور فنان ..
ويساعدج على التغيير..
موفقة

[عاشقة الغلا]

mashkooren

[جوري احمر]

خلاص وانا عندي حل فتاك بعطيج لساني اللي ما يتعب والله يخليج عطيني هدوئج والله ان ما اطوف موقف مب معلقة عليه واقول فيه الصراحة .

[Back 2 Home]

up up up

[غرنوقة بوظبي]

انا جربت ايام المدرسه كنت وايد اسولف واضحك بس عقب تميت في البيت تقريبا اربع سنوات صادني اكتاب وما اعرف شو اسوي وقت فراغ وايد وملل بس الحينه الحمدالله اشتغلت وبيمرون عليه ناس وايد يعني شخصيتي بتتحسن وبرد احسن من قبل ان شاءالله انا اقول اذا انتي ماتشتغلين حاولي تشغلين وقتج ابشي مفيد مثل القرءة والاطلاع او هواياتج طبعا خلج قريبه من رب العالمين والله بتتحسنين وبتحسين ابراحه نفسيه وبتحسين ابرضى ...

[عاشقة الغلا]

mashkoreen 3l na9aye7

[بنت الوصل]

ما قصرن الاخوات
انا بعد ابا استفيد من ردودهن