مدرسة الحكمة بعيمان

**النساية** · 2008-11-10, 21:04

ابغى اسال عن مدرسة الحكمة ؟الادارة اذا حازمة ويا الاولاد ! والمعلمين كيفة تدريسهم للمنهج؟

يعنى يعتمد الطالب على المعلم بالشرح !ولا يوم يرجع البيت انا اللى اشرح كل شي ؟لانى اعانى من مدرسة الاولاد بكل شي ؟استهتار معلمين وادارة ما عندها اي سلطة باي شي؟الله المستعان

اولادى بالصف التاسع والسادس ,,,,,,,,,, تنصحونى اسجلهم فهاي المدرسة لا تبخلون علي بادق التفاصيل وجزاكم الله خير

المزيد من آخر المواضيع من نفس القسم:

***أم غلاية*** · 2008-11-10, 21:46

والله ماعندي فكرة...

بس فيه ناس يقوووولون انهااا موووووول مب شي ,,,

وناس ثانيه يقووولون تأسيسهااا وااااايد اوكي,,,

بصراحه انا موديه بنتي مدرسة الكمال الخاصة فالشارجه... وبعد ماعرف اذا هي اوكي ولا؟؟؟؟؟

ان شاء الله البنات يفيدوونج ويفيدوووني انا بعد...

**الحلاكلة** · 2008-11-10, 21:52

هلا يالغالية انا خواني من الاول الابتدائي يدرسون عندهم الصراحة قبل دراستهم تمام بس احين للاسف لا واحتمال على الفصل الثاني انطلعهم وننقلهم اي مكان ثاني
موفقين يالغالية

**همس السحر** · 2008-11-10, 22:56

أنا مع الأخت الحلا كله للأسف كانت زمان شئ بس صدقيني هي أحسن السئ وبيني وبينك المدارس الخاصة الحين صارت كلها تجارية وهمها الفلوس وبس يا خسارة العلم

**النساية** · 2008-11-10, 23:49

جزاكم الله خير ..........واتمنى الخوات يعطونا ارائهم

**umsawaaaf** · 2008-11-11, 11:13

اللي اعرفه ان المدرسة مب شي بس مدحولي مدرسة العمداء والله انا محتارة مثلج ما اعرف وين انقلهم الله المستعان

**AL WAFA** · 2008-11-12, 12:55

مدرسة العمداء ما أنصحج فيها بنتي كانت فيها السنة الماضية وطلعت منها ميح كل دراستهم على أوراق والكتب نصهم غير محلولين

**اام مازن** · 2008-11-12, 13:21

للررررفع

اتمنى البنات يفيدوونج

**bissanza** · 2008-11-12, 13:26

والله ما عندي فكرة اولادي بعدهم صغار بس ما حبيت اطلع من غير ما اشااااارك وان شاء الله استفيد منكم للمستقبل...

**سويتي** · 2008-11-14, 00:26

هلا الغاليه نصيحه وهاي للكل خواتي درسوا فيها والله مول ممب شي وتعاملهم مول ممب شي وشي تحيز للي يبوله عندهم تفرقه قويه الا هاي بنت المديره وهاي بنت الاخصائيه يعني تفرقه في تفرقه والله المستعان

**اخت اخوي** · 2009-01-06, 16:46

ما عندي فكرة..

**رؤى11** · 2009-01-07, 10:05

العمداء مستواها جدا ضعيف

**twinckle** · 2009-01-07, 10:13

أختي نصيحتي لج... وديهم مدرسة الابداع العلمي الشارجه,,, الله يوفقهم

**شوكليت** · 2009-01-07, 10:27

شيكي على الخاص الغاليه

**أم مياسة** · 2009-01-07, 11:07

هلا الغالية

بصراحة أنا بناتي يدرسون في الحكمة الصف الرابع الحين ،، لما كانوا في الأول الابتدائي لين ثالث أوكيه ومرتاحه منهم، بس الصف الرابع أبدا أبدا مب شيء صعبين جدا جدا ومديرة الرابع أبدا مب متعاونه طلبت كم مره أكلمها عن حالة بنتي بس للأسف ما ترد على مكالماتي ولما زرتهم في نص اليوم الدراسي قالوا لي الحين ما تقدرين اتقابلين المدرسات لأنهن في الصفوف قالوا لي تعالي آخر الدوام بتشوفين كل المدرسات و لما سرت لهم آخر الدوام شفت كم وحده من المدرسات وقالوا لي الباقيات محد روحن ولما بغيت أكلم المديرة قالت أنا مستعيله وبسير لأن بنتي تترياني في السيارة وعطتني رقم موبايلها وقالت أنا أهتم بهذي الحالات وأحب أتابعها وكلميني على الموبايل وبتابع معاج ولليوم ماسمعت صوتها مع إني دقيت لها وايد وايد وكلمت سكرتيرتها قالت والله هي مشغوله ،، بصراحة أبدا ماشيء اهتمام،،
وأنا أعرف مدرسات طفرانات من الأسلوب إلي يتعاملون به في المدرسة

وشي ثاني ومهم،، أنا بنتي مستواها مب هالكثر يعني لما عندها امتحان لازم حد يقرا لها السؤال عشان تستوعبه وتحل ،، ووقت امتحانات التقويم مب الفترة إتيي المدرسة وتعق على الطالبات ورقة الامتحان وتروح وإلي تراقب عليهم مدرسه ما يعرفونها ولا حد يقرا لهم الامتحان،، تخيلي طالبه طالعة من ثالث ابتدائي عمرها ما شافت هالأسلوب في الامتحان كيف بتكون إجاباتها (( سقطت تقريبا في كل الامتحانات)) يعني موووتي ولا حد يساعد، أنا خلاص قررت أطلع بناتي من هالمدرسة المتعبة لا تواصل مثل الناس ولا اهتمام ومساكين بعض المدرسات يعانون أكثر، والله على ما أقول شهيد

الموضوع: مدرسة الحكمة بعيمان

أدوات الموضوع

عرض

مدرسة الحكمة بعيمان

المزيد من آخر المواضيع من نفس القسم:

المواضيع المتشابهه

مدرسة الحكمة الخاصة ... قسم الجرف

مدرسة الحكمة بعجمان

من بنتها في مدرسة شيخة بنت سعيد بعيمان

أي مدرسة أفضل للأولاد بعيمان؟؟؟؟؟؟؟؟؟؟؟؟

مدرسة الحكمة