دراسة الماستر

**salam** · 2007-01-23, 21:43

السلام عليكم خواتي

حبيت آخذ رايكم في موضوع جدا مهم
زميلتكم اللي هي أنا:22 (5): حاملة شهادة بكالوريوس لغة عربية
وحابة أكمل الدراسات العليا

فمن رايكم أكمل على نفس تخصصي
أو أغير لتخصص مثل MBA أو الجودة
أو من رايكم تخصص غيرهم
وياليت تعطوني أسماء الجامعات والكليات اللي تعطي برامج لغير تخصصج

ساعدوني لأني في حيرة من أمري

والسموحة

المزيد من آخر المواضيع من نفس القسم:

**عيمانيه** · 2007-01-23, 22:44

أختي شوفي جامعة كامبردج البريطانيه و جامعة ولونغونغ الاستراليه هلهنتين فدبي

و جامعة الحصن على ما أعتقد فبوظبي و جامعة الشارجه و جامعة عيمان

**أمووون** · 2007-01-24, 14:54

هلا اختي... الله يوفقج ان شاءالله

بما انه تخصصج لغة عربية اذا ييتي تدرسين تخصص غير تخصصج لازم تاخذين كم مادة من مواد الباكالوريوس عسب تاخذين خلفية عن التخصص...

الـ MBA حلوو .. ومطلوب في بعض الأماكن .. بس مشكلة خلفيتج انها لغة عربية يمكن تحصلين صعوبات اذا كنتي ما تشتغلين... ولا تنسين انه مطلوب منج امتحان الـ GMAT.. ومن كلام ربيعاتي اللي ماخذين هالامتحان انهم هلكوا فيه ومب اي حد يقدر اييب الدرجة اللي طالبينها.. انا مابا احبط منج بس اخبرج شو استوى مع ربيعاتي...

انتي فكري.. وتخيلي نفسج من مواد اللغة العربية إلى مواد ادارة الاعمال تراه مب الشي الهين...

ثانيا ليش ما فكرتي بمجال قريب من اللغة العربية بما انج مب حابة نفس التخصص.. ليش ما تاخذين ترجمة.. انجليزي... تراه بيكمل على تخصصج من ناحية عملج كمترجمة أو مصححة لغوية.. بالإضافة إلى انج بترومين تشتغلين في الاعلام اذا كنتي مب حابة تدرسين الاعلام.. مع انه بعد بيكمل على تخصصج... انا متأكدة انج بتحبين الاعلام لأنه مجالاته واسعة...

انزين جربتي تكتبين في الجرايد وتحاولين يكون لج عمود اسبوعي في جريدة من الجرايد اذا كنتي حابة هالمجال... خصوصا جريدة الخليج... ربيعتي ماشاءالله دكتورة.. الباكلوريوس لغة عربية بس الماستر والدكتوراه خذتهم من أمريكا مناهج طرق تدريس... بس ماشاءالله كتاباتها روعة... كانت تكتب في الخليج بس بعدين انشغلت بالعام الدراسي الله يسهل عليها..

همممممممممممم... مادري شو بعد ممكن انصحج.. بس انا دارسة ماستر في الاعلام... في امريكا.. وااااايد حبيته... والبرنامج اللي في جامعة الشارجة زين.. انا شفت بعض من مواد متشابهة مع موادي اللي خذتها في امريكا...

الجامعات متروسة في البلاد.. بس انتي حددي شو تبين وبعدين قرري اي جامعة,,, تراه بعد يعتمد على رغبتج شوو..

ماقول غير الله يوفقج... واي شي تبينه انا حاظرة

**salam** · 2007-01-24, 17:58

مشكورة اختي عيمانية على الرد
جامعة ولونغونغ هي اللي فكرت فيها لأن أخو ربيعتي يدرس فيها وهو ماخذ تربية إسلامية وبعد قالوا عن كم شخص يدرس فيها
ولكن قلت بسأل قبل وبشوف الردود
أما جامعة كامبردج فما عندي فكرة إذا في مجال أكمل وأنا عندي لغة عربية
فإن شاء الله بتصل الجامعة وبسأل عن نظام الدراسة فيها

الأخت أموون
مشكورة على الرد والاهتمام فيه
بصراحة أنا حابة أغير من التخصص اللي درسته
لأن سوق العمل مثل ما تعرفين يتطلب تخصصات غير العربي
وما جربت أكتب في الجرايد
والسبب في إن الكتابة يتطلب تفكير من أول خطوة حتى بعد النهاية
تفكير في الموضوع، تفكير في كل كلمة تكتبينها ، تراعين فيها المتلقي ، وأنا أعرف نفسي بكون على أعصابي حتى بعد الكتابة،
وهذا حالي في التقارير اللي تطلبها الكلية منا
والمشكلةهي فيّ أنا ، لأني ما أستقر على راي ، وأكون محتارة في كل نقطة وأيلس أشاور اللي حواليني كلهم، ما أدري صح أنا ولا لأ ، لكن هذي طبيعتي، وإن شاء الله ما خاب من استشار

ومشكورات خواتي وما قصرتوا أبدا
ويزاكم الله خير

:22 (14): :22 (14): :22 (14): :22 (14): :22 (14):

**Um_BirGa3_NIKE** · 2007-01-24, 18:01

new york institue
حق تاخذين ماستر في غير تخصصج....

**أمووون** · 2007-01-24, 21:10

بس لا تنسين تتأكدين من اعتراف وزارة التعليم العالي بأي جامعة بتدرسين بها

الموضوع: دراسة الماستر

أدوات الموضوع

عرض