قصة ولادتي !!

**دلوو ووعة** · 2008-11-09, 14:18

شحالكن حريم اخباركن
انا كان موعد ولادتي مش ثابت كانو عاطيني 7/11 و 27/10 بس ربيت ب 11/10 قبل الموعد
قبله بيوم الخميس كان عرس ربيعني ماسرت لاني وايد اتعايز واحس بعظام حوضي يتناقع من الالم!!
الفليل ما ادري شو ياني لاني وايد حساسة تضاربت مع ريلي ما اذكر السبب الظاهر الهرومونات زادت نسبة العصبية
لان فترة احمل الاولى قلتله تحمل لان الهرمونات تخليني اتنرفز والمسكين صبر 9 شهور ما ادري ليش استويت عصبية!!
المهم الخميس الفليل بعد الضرابة رحت انسدح ورقدت لاني تعبت وايد
نشيت الفير واحس بأوياع فضيعة ما قدرت ارقد
يوم الجمعة:
بعدين رقدت شوي من التعب ونشيت الساعه 11 رحت الحمام وشفت شوي دم نازل
خفت!!! سرت اوعي ريلي قلتله دم نزل!!! والحبيب راقد قالي بعدين صبري!!!
رقدت ونشيت الساعه 3 رحت الحمام نفس الشي وعيته قلتله دم ما وقف!!
نش ما عرف شو يسوي! عاد انا شربت خروع وماي زعفران و وايد اشياء شربتها ما اذكرها؟
وحليله لازم ريلي يروح المستشفى لان ابوه مسوي عملية قصطرة بالقلب ولازم يروح والكل عمووو وحميياتي الكل ببوظبي وانا وريلي الوحيدين في البيت كنا مخططين نطلع العصر!!!
العصر يوم الجمعة طلعنا المستشفى بس خطفني طلبلي عصير اناناس فرش!!! صراحة عيبني طعمه وايد من فورتي فروتي هههههههههههه قاعده اسويلكن دعايا!!

المهم كنت احس بالام ما اعرف شو هايّّ!!!
وداني المستشفى ودخلوني عطول غرفة التوليد قالتلي الدكتورة انتي بعدج مطولة!!! اشوفج تضحكين! اقوللها تراج انتي تضحكيني!!! مستهبلة وايد!!! ما ادري السالفة جد
قالت صبري بتوصلين لرقم 10 وبتصيحين! قلتلها مستحيل اوني قوية!!!
شو اسوي ترا امايا تقولي الربا الا قرصة سمسوووووم!!! وانا ما كنت ادري هالسمسوووم وله قرصة عقرب!
شيكت عالنفس قالتي مفتوح بس 2 سم
انحبطت وايد قالت طلعي وتمشي تميت اتمشى طلعنا نمشي بالوادي ساعتين ورديت مرة ثانية شيكت اونه تبطلت نص!!!
ما عرفت شو اسوي!!!
تميت كله امشي وامشي!!
على فكرة شو سبب اني ربيت بسرعه كنت اهمل نفسي واحوط بالمولات فوق 5 ساعات!! كنت احس بتعب بس كله فوق وناستي!

المهم يت عمتي عندنا ساعه 4 ونص الفير يوم السبت وتمت معاي نمشي!!! بالمستشفى
ساعه 11 يت امي قعدت معاي!!! اسمعهن يسولفن وانا تيني الويعه ويقوللي حطي الاوكسجين!!
العصر كنت احس بويعات تروح وترد
وتيي الدكتورة عندي وتشيك شافت بس 5 سم
بغيت اصيح قلتلها مش قادرة اتحمل
وتميت عالحالة امشي بالغرفة واسير الحمام
يتني دكتورة اجنبية وقالت بنفتح الماي!!! عاد انا سالتها يعور قالت لا
بطلت الماي وكنت خايفة انه البيبي اييه جفاف
وقعدت كانت الويعات تروح كل ربع ساعه بعدين كل 5 دقايق وتميت اصيح بس محد شافني لاني قلت ما بصيح
بعدين زادت الويعات كل دقيقة!!قلت للدكتورة بصوت عالي بسييييييير الحمام!!! بسير الحمام ما استحمل
قالتلي لا تسيرين
قلتلها لو سويت شيء انتي السبب! قالت برايه شو شغلتهن النرسااااات وتميت امشي يتني دوخة ما قدرت امشي بغا يغما علي من الالم مسكتني وودتي السرير وعطول زقرت النرسات وشيكت عالنفس صرحت عليها يعورني ونادت النرسات خلاص بتربي!!!
تميت اتوايع وايد وسمع وحده تقول ضغطي يوم بتيح اليوعة وكان التنفس عدالي دخت عليهم 3 مرات اسودت الدنيا بويهي!!! وتميت اصييييييييييييييييييح جد وقلت ياربي شو هالسمسووووم اللي تقول عنه امايا
وتميت اقوووول سامحوني بمووووت خلاص سامحوني بموووووت
وامايا تقولي قولي يارب لا تقولين بموت!!!
قلت لمايا اذا خلصت اريد ماكدونلز!!!يوعانه!!! ويضحكن علي
ما ادري شو اقول لاني ما كنت بوعيي!!!
المهم ربيت الساعه 7 وشفت خلودي فديته شلوه عني لانه طلع وايد صغير وااااااااايد
دشن خواتي الصغار غرفة الولاده ما ادري كيف دشن ولمحت ريلي قاعد عن الولد عن الليتات وانا قاعدين سوولي خياطه!!! غفت عيني ونمت دقايق
ابطل عيوني الا ريلي فوق راسي باسلي راسي وانا كنت خايفة وايد انهم سمعوا صريخ من صريخي
المهم حطوني بكرسي متحرك ويا خلودي وسرنا الغرفة بعد ما تميت ساعتين بغرفة الولاده خافوا ترتفع حرارتي او اييني نزيف!!!

طلع وايد صغير وكنت خايفة اشله!!!
والحمدالله على كل شي
بس من طلعت من المستشفى سرت بيت اهلي يت خلودي حمى عطول وديته الطواري ان كنت ما اقدر امشي بس ما ادري كيف مشيت
ونوموه 10 ايام بالمستشفى سوووله فحوصات وايده وانا حالتي النفسية وايد تعبانة وريووولي شفتهن متنفخاااات لا اعرف ارضعه وكله اصيح
بس الحمدالله طلعنا والحمدالله كلنا بخير!!!

هذي قصة ولادتي
بليز لا تستعيلون على عماركم انا حسيتو انزل الماي والويعه تروح وترد سيري المستشفى مب شراتي ما اعرف عطول رحت المستشفى!!!

المزيد من آخر المواضيع من نفس القسم:

**ثمرة حبنا** · 2008-11-09, 14:29

الحمد لله على السلامة ومبروووووووك ما ياج يتربى بعزكم ان شاء الله

**ام غريبه** · 2008-11-09, 14:36

الحمدالله على السلامه و مبروك ما ياج

**ريم الريف** · 2008-11-09, 15:05

ولادتج مؤثرة الصراحة.... ولكن الف الحمد لله على السلامة ... ومبروك ما ياج ويتربى بعزكم ان شاء الله ..

**Me&U** · 2008-11-09, 15:16

قصتج حلوة ومؤثرة وايد
حسيت اني كنت معاج

تستاهلين سلامتج وسلامت ولدج حبيبتي
وعقبال حريم اخواني واختي يا رب الله يسهل عليهم كلهم بشهر وايد
وخالتي وربيعتي <<< كلهم بالقسم يحوطون على الموضيع لوول
بس عيبتني سالفة السمسووووووووووومة والله مت ضحكككككككككك

بخلي اختي تقرى قصة ولادتج مع انها شايفتنا بال3 ولادات وانا اولد واصرخ ههههههههههههههه

**أحلا بنوتة** · 2008-11-09, 15:56

الحمدلله على سلامتج دلوووعة

ومبرووووووك ماياااااااج ويتربى في عزكم ان شاء الله

**tiger girl** · 2008-11-09, 16:09

الحمدالله ع سلااااااااااااااااااااااااااااااااامتج و مبروووك ماياج..

**أم سيفان** · 2008-11-09, 16:16

الحمدلله ع السلامة ياام خالد .. مبروك ماياج و يتربى بعزكم ان شاء الله

ضحكتيني انا مثلج كله اقول بموووت وامي تقول لا تقولين جيه قولي يارب

وسالفة السمسوم ذكرتني ببنت عمي يوم تسال امها عن ليلة الدخلة قالتلها لاتخافين شرات قرصة السمسوم

**أم شـهـد ^_^** · 2008-11-09, 16:20

الحمدلله ع سلامتج
يتربي بعزكم انشاءالله

**slafah** · 2008-11-09, 16:43

al7mdllah 3la slamtch ya om 5alled

**زوجه الياسي** · 2008-11-09, 16:50

مبروك حبيبتي عقباال البااجين ان شااء الله

**شوااقي** · 2008-11-09, 16:51

الحمدلله على سلامتج دلوووعة

ومبرووووووك ماياااااااج ويتربى في عزكم ان شاء الله

وعقبلنااا ان شاء الله

**الدمعة** · 2008-11-09, 17:22

الحمدلله على سلامتج دلوووعة

ومبرووووووك ماياااااااج ويتربى في عزكم ان شاء الله

**قصايد الهاملي** · 2008-11-09, 17:28

الحمدلله على سلامتج دلوووعة

ومبرووووووك ماياااااااج ويتربى في عزكم ان شاء الله

**دلوو ووعة** · 2008-11-09, 17:36

الله يباركلكن يارب والله يسهل على الباجيات

الموضوع: قصة ولادتي !!

أدوات الموضوع

عرض

قصة ولادتي !!

المزيد من آخر المواضيع من نفس القسم:

المواضيع المتشابهه

قصة ولادتي ...قصدي معركة ولادتي بدندونة فديتها...

قصة ولادتي

قصة ولادتي

قصة ولادتي الكاذبه و ولادتي الحقيقيه !!!!!