المشاريع المنزلية وايدة ...وفايدتها

[الجوهرة]

افكارج حلوة
مشكورة يالغالية

المزيد من آخر المواضيع من نفس القسم:

• نصائح هامة قبل فتح محفظة اسهم
• استراتيجيات تداول الاسهم
• ما هي مواصفات الاسهم الحلال الأمريكية
• أفضل طرق تجارة الاسهم
• كيف تختار افضل شركة وساطة
• صناديق توزيعات شهرية
• استراتيجيات التداول عند الهوامير
• عمولة بيع الاسهم في الراجحي
• كيف اعرف اسهمي القديمه
• منصات التداول الموثوقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم خالد]

مشكوره ويزاج الله خير......

[*أم اسمـــا*]

مشكورة حبيبتي شمسة

[أم عبد الله]

أفكارج حلوة يا شمسة ,,,

وتسلمين الغالية على الأفكار ...

وأنا حبيت أضيف لكم شي ... أن في تشجيع من غرفة تجارة وصناعة أبوظبي

من تفتح مشروع في بيتها في رخصة تجارية إسمها مبدعة .. وكل وحدة عندها مشروع في البيت لازم تكون لها هذي الرخصة بس مأدري نزلت ولا لا ...

[صدى حنيني]

مشكورة حبيبتي ...

[ام محمد الخلطات]

مشكوره على افكارك

انا عن نفسي اميل الخلط الكريمات واسوي خلطات طبيعيه اجربها فتره طويله قبل لاعرضها
هذا مجالي وان شاء الله استمر عليه

[ظبية بوظبي]

تسلمين الغاليه على هالمشاركه

وبالفعل لازم كل وحده فينا اطلع الابداعات اللي عندها وتستفيد منها

والله يوفق الجميع

[عالية المقـام]

مشكوووووووووووره الغلا ^_^

[زكية الذكية]

اختي شمسه .. يزاج الله خير على طرح هذا الموضوع ...

فعلا .. العمل مهما كان نشاطه ... بيدك .. سبحان الله يكون فيه بركه .. وفيه لذه غريبه ..
تحسين انج سويتي شي وايد حلو .. وبيزاته سبحانه الله ما تروح بسرعه ... تكون مباركه ..

واذا بتكلم عن تجربة شخصيه .. فأنا عندي شهاده قويه .. ولي فرص عمل كثيره ..
لكني اخترت العمل الحر لحلاوته ..

ومن الأعمال الناجحه :

خبيرة مكياج وبشرة ..

مصممه أزياء

مصممه اكسسوار ..

تصميم وتنفيذ اكسسوارات المنزل ..

هدايا وحلويات ... ممكن بالنسبه للبنات اللي يتنفنن بالشوكولا .. يسوون كمن قالب بنكهات مبتكرة .. ويحطونه فهداياهم .. ويبيعونه .. فكرة حلوة .. وفالمحلات مكلفه .. ولو بنانتنا طبقن هالفكرة أنا أول وحده بشتري لأن هالاشيا مستويه ناار فالسوق ...

مصممه بطاقات للمناسبات

مصممة كوش وزينه طاولات الأفراح --- حدث ولا حرج فالربح

مصممه مسكات عرايس

عمل العطور والدخون

بيع ملابس الأطفال ...


وكلها تقريبا أشيا مش متعبه ومسليه ..
حتى لو ما كانت علاقاتج وايد .. ربيعتج تخبر ربيعتها .. وربيعتها تخبر ربيعتها وبيعرفونج ..


بس وصاتي عشان تربحين أكثر وأكثر ...

طلعي من تجارتج وكل شي تبيعينه مبلغ للصدقه حتى لو رمزي وبسيط ... وبتشوفين كيف ربحج بيزيد ...


بالتوفيج الغاليات ...

[أم عــبـد الرحمن السلفيه]

السلام عليكم

اختي شمسه يزاج الله خير

زكيه الذكيه

مشكوره الله يوفقج دوم

وعندي سؤال واريد استفيد من خبراتكن في هذا المجال

كيف كانت البدايه يعني ما شعرتن بالاحراج وسط الاهل والصديقات

بصراحة انا ابى ابتدي وعندي الإمكانيه بس اخاف من تعليقات الاهل والصديقات وخاصة

انه كنت مدرسه سابقا ... فشو تنصحوني وكيف ابتدي.

وتحياتي

[feelingsSilent]

ما شا الله افكار روعه و المفروض الوحده تفكر تستغل وقتها

بس المشكله يوم ما يكون فيه تشجيع

وسالفت الاحراج مثل ما ذكرت الاخت ام اعبد الرحمن

والله يوفقج يا شمس الشموس

[شهد للعطور]

تسلمين الغاليه على الافكار الحلوه

[¨°o.O الدلوعـه O.o°¨]

تسلمين الغاليه ..

[Farouha]

مشكوورة اختي فعلا افكارك حلوة

و انا سبق و كلمتني صديقة عندي اني اسوي طبخ من عندي و امول صديقاتي

لكن مااكذب عليك تنقصني الارادة و التشجيع

[ملكة سبأ]

الله يجزيك كل خير أخت شمسة ...أنا أعرفك من كذا منتدى ما شاء الله على نشاطك والله يوفقك ...

بحكي عن تجربتي ... كنت أظن اني بنجح بحاجة أحبها من الصغر بديت بتصميم الازياء بس فشلت ، نقلت للمكياج وتعلمت بحيث اني أقدر اسوي اي مكياج اشوفه بس ما كان فيه طلب ( لكني استفدت شخصيا ) ...

ومن باب الفضول كنت اتفرج على واحد يسوي اكسسوارات وانا من النوع للي يحفظ بسرعة ، مع كم سؤال الأخ ما قصر وأخذت الفكرة ...عرفت ان في أشياء سعرها 120 درهم(أساور) خبرني اللي صممها ان رأس مالها 20 درهم فقط ...تخيلوا :1 (6):

المهم اشتريت كم شغلة تساعدني بالبداية ... وعلى حسابي عشان محد يحاسبني اذا فشلت ... وكانت البداية مع جارتي سويت لها حلقان بسيطة لمناسبة وعجبتها لأنها كانت مستعجلة وما عندها وقت تروح السوق ...
اعجابها خلاني أكمل ، وسويت كم طقم ألبسه أو ألبس اختي ... يعجب الأهل بس مجرد كلمة حلو ومحد طلب شي ... ومر حوالي سنه وانا مازلت كل فترة أخلص شي واشتري شغلات جديدة أضيفها عشان أحسن الاكسسوارات واحيانا أقلد اللي بالمجلات ...ومحد مقتنع ...

المهم اني تعلمت وأتقنت المهنة وصرت أسوي اللي ببالي من أفكار أو من عروض الأزياء ، والحين والحمدلله الطلب كبيييييييييييير من الأهل و أصحابهم ... بالعكس يتوسطون لصاحباتهم :1 (23): ...
والأحلى صار البعض يطلب بكميات وينصحون بالمشاركة بمعارض ، والمحرج اني التقيت بأحد مدرساتي زمان وقالت انها شافت احد اكسسواراتي ( روعة الموقف بس وين شافته الله أعلم) وطلبت اكسسوارات موبايل وشنط للمدرسات ... شفو الشهرة وبدون غرور بس من فخري بنفسي ... اني اعتمد على نفسي وما أحس بملل البطالة لأني ما لقيت شغل صدقوني ضيعت كم سنة وأنا أدور شغل حكومي بس ما انكتب لي ....

الحمدلله الوقت نعمة ، نعمة كبيرة وصدقوني أهم من انك تتفشلي كوني مقتنعة وراضية من داخلك انك سويت شي ... وكلمة اعجاب صادقة بتفرح بتحسسك بالرضا ... يعني لمن أهلي حسوا ان اكسسواراتي حلوة عن جد وتستحق المناسبة كانوا أول من شجعني ... يمكن كانت بالبداية حلوة بس ما فيها الشي اللي يميزها ... والحين وبكل ثقة صرت أسوي للعراوس حتى ...
لكن حاليا واقفة لأني نويت أشارك بمعرض الأسر المنتجة بإذن الله يكون لي نصيب ...
أشجع كل من حبت تشتغل بمنزلها لأن بهالفترة الشغل المنزلي مطلوب أكثر من السوق ...
اعذروني على الاطالة
وهذي صور لشغلي بس محد يطلب هي للعرض فقط (السموحة)