كاسره خاطري والله

[مشكلتي_دلوعه]

السلام عليكم

شخباركم عساكم بخير

بنات بليز ابي دواء علاج اي شي طبيعي اعشاب اي شي

امي مريضه وكاسره خاطري واخاف يستويبها شي

عندها ربووووو وعندها تضخم في الغده الدرقيه مع انها مسويه عمليه قبل بس ردت مره ثانيه

قبل امس فجأه في الليل ياها ضيق تنفس عندها جهاز الاوكسجين في البيت حطينا لها ومافاد

المهم وديناها المستشفى احس انها كانت بتروح فيها لانها ماكانت تقدر تتحرك ولا شي

لو رفعت ايدها بس ماتروم تتنفس لو مشت شوي تتعب

المهم ودينها الطوارئ عطوها اوكسجين وعطوها ابره وخفت شوي الحمدلله عقب الدكتور قال نسوي

ليها اشعه حق الغده .... لان احتمال الغده تكون ضاغطه على القصبه الهوائيه يوم سو الاشعه

ما طلع في شي كل تمام ...

المهم طلعت من المستشفى ... والحين اوكي بس من اقل شي تتعب حتى لورمست شوي تتعب وما

تقدر تتنفس وتحس ان بطنها منتفخ ...

صدق اني احاتيها وخايفه عليها وايد حتى نوم ورقاد ماقمت ارقد

واحس اني صرت اوسوس من كثر الخوووووف

كل مره اسالها شو تحسين شي يعورج تقول لي لاء بس احس بكتمه في صدري وبلغم

عطيناها ادويه وعطينها اعشاب مابقى شي

والله اني خايفه وميته خووووووووووووف

مانعرف وين نسير وشو نسوي الدكتور يقول مافي شي ... احترنا

بليز دلوني على شي اي شي

المزيد من آخر المواضيع من نفس القسم:

• اهم اسباب حساسية الطعام وطرق علاجها
• اهم اعراض قصور عضلة القلب وطرق علاجه
• اهم أسباب واعراض التهاب المفاصل وطرق علاجها
• اهم الأعراض وطرق الوقاية من الجلطات
• شو علاج عرق النسا نهائيا بدون عمليات في حد...
• اهم الفوائد الصحية للشوكولاتة الداكنة
• اهم لقاحات كورونا المنتظرة خلال الفترة...
• تطبيق جديد على الهاتف سيكشف إصابتك بفيروس...
• اهم أعراض الانزلاق الغضروفي والأسباب...
• طرق علاج غازات البطن وطرق الوقاية

[الضعيفونه]

الله يشفيها يارب
وان شا الله البنات يفيدونج

[نسيم الشراتي]

عليج بقيام الليل اختي .. و دعواتج بحراااره ف هالصلاااااه

و الله يشفيها ياااااارب

[ام سووومي]

سلامه الوالده وما تشوف شر
إختي انا من راي تودونها لعياده الطب الصيني تراهم وايد شطار

[عيات الهبايب]

الله يشفيها ان شاء الله اختي في خلطه عصير بصل مع عسل اعتقد

اتأكدي من المقادير ومن الخلطه .... سوي سيرج في النت .... يقولون وايد زينه حق الربو حرمه امجربتنها حق عيالها بس المشكله ماعرف رقم الحرمه وما اتينا وايد ولا بسألها

[عيات الهبايب]

يبتلج المعلومه صح خفت انه الخلطه اتكون غلط

الربو:

يشرب فنجان صباحاً ومساء من مزيج العسل وعصير البصل، ويستمر على ذلك لمدة شهر فإنه مفيد للغاية ومجرب من قبل.

التهابات الرئة:

توضع لبخة بصل مسخن فوق الصدر والظهر مع لفها بقماش وذلك قبل النوم يومياً فإنه علاج عجيب للقضاء على الالتهاب الرئوى