مشكله ربيعتي

[عذبه الروح]

السلام عليكم ورحمه الله

حبيت اخبركم مشكله ربيعتي يمكن القى حل عندكم وتساعدونها لاني يأست كيف اساعدها

المشكله انها متزوجه من سنتين تقريبا من ولد عمها بعد ما استخارت رب العالمين اكثر من مره ولما تزوجته كانت عايشه حياه واااايد حلوة طلعات ودخلات ومايخليها بروحها في البيت يروح الدوام وبرد ولو طلع مع ربعه يتم ساعه بالكثير ويرد وكان مريحها ومدلعها ومتفهم معاها ماكانت مقصره بحقه ابدا تنظف له البيت والثياب وتطبخ له يعني بالمختصر ربه بيت وقايمة بواجباتها هي مايابت عيال مع انها مافيها شي ولا هو ومع هذا تتعالج عشانه بس في الفتره الاخيره يعني من رمضان تقريبا تغير عليها موووول ماصار يقعد معاها يحب يقعد بروحه مايتقبل قربها حتى الفراش ما ييها تخيلوو ولا صار يطلعها مثل قبل الا لبيت اهلها او العياده وبس كل ما حاولت تتقرب منه يقولها روحي عني متى بتكبرين للعلم انها صغيره تقريبا 19 سنه وهو 30 سنه ودوم يقولها انتي ياهل ومتى بتعقلين مع ان وربي شاهد انها رزينه وعاقله تقولي ما عارفه شو فيه مايطيق قربها حاولت تفهم منه يقول ماشي

شو تسوي قولولها هي تعودت على قربه وحنانه وفجاه تغير عليها

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر