أخت زوجي

[nawar1979]

يا بنات انا اليوم صارلي موقف وووايد ضايجني ما ادري هل اللي سويتة واللي فهمتة صح ولا؟؟؟؟؟؟

اول شي بشرح مشكلتي وبعدين بذكر الموقف عشان تفهمون
انا مزوجة من سنتين ونص وماحملت وسوينا فحوصات طلعت المشكلة من ريلي عنده ضعف في الحيوانات المنوية وقالت الدكتورة ما في حل غير أطفال الأنانيب وقررنا انسوي العملية بس اتاجلت عشان ضروف معينة
المهم الموقف:
اليوم انا يالسة أكلم ريلي كنا نتكلم عادي وقالي بقولج شي قلتلة خير (( علما انه ريلي يداوم في البترول بعيد يعني فتره موجود وفترة لا)) قالي أختي اتصلت أتخبرني انه أختي الثانية حامل مع العلم انه أختة صارلها كم شهر مزوجة
انا استغربت أختة مب متعوده تتصل ولا حتى اتكلمة الحين متصلة بس عشان اتقولة اختك حامل أحس ماله داعي هو ولد شو يخصة المفروض اتراعي مشاعره ومشاعري في نفس الوقت
انا الصرحة ما حبيت الموقف احس ما في مراعاة لمشاعر الغير
المهم قلت هالكلام حق ريلي قالي عادي انتي ليش اتفكرين جي قلتلة مب عادي انا الصراحة حز اف خاطري مع العلم اني قلتلة مبروك والله يتم عليها بس اختك ما اله دعي تتصل مايستاهل الموضوع توه
حسيته اضايج وسكر
انا الصرحه أحس انها متصلة بل عمالة عشان اتقول حق أخوها عشان اضايج انا
مع العلم انه علاقتي ابها عادية يعني صار كذا موقف ما حبيتة منهم بس ما جد اضاربت معها انا عايشة معاهم في نفس البيت بس انا برع في قسم بروحي ما أدخل في حد وما أحب حد يدخل في حياتي
يعني كأني في بيت بروحي

يا بنااااات أدري اني طولت عليكم بس أتمنى انكم تقرون موضوعي وتقلللللللللللللون رايكم بكل صراحة

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عفاري80]

تصير هذي الحركات وماعليج من حد دام واثقه من نفسج والله كرييييييييييييييييييم

[الدبه]

الغاليه ماشوف فيها شي يمكن تبا تبشره خاصة انها بجر !!!!!!!!!!!!!!!!!!
انت لو مشيتيها عادي ومبروك وعقبالنا ومن هالسوالف كا نريلج سوا شراتج وبالعكس شجعتيه
بيقول في خاطره عندها امل وجذا ؟؟؟؟؟؟؟؟؟؟؟؟
يمكن ردي مايعيبج بس يتم راي
ودمتي بخير

[أحلام علي]

الغلا مافيها شي

^^

[حبيتهـ ..]

لا تفكرين فيها وايــد
و الله يرزقكم بالذريــــــه الصالحه

=)

[شمس البوادي]

الله يرزقج بالذرية الصاااالحة حبوووبة ولا تحاتين

[عيون قصيد]

الغلا مافيها شي

[عنود الشوق]

فديتج والله .. تراج متحسسه من الموضوع .. وفي المستقبل اي احد يطري موضوع الحمل بتتحسسين منه بعد لانه يضايقــج .. وهذا شي طبيعي و يصير فينا كلنا .. انتي بس لا تسيئي الظن في الناس سبحان الله يمكن ما يقصدونها .. وبعد حتى ما تسوين مشاكل ولا تتضاربين ..
اشوف موقف اخت ريلج وايد عادي .. اخت تبشر اخوها حتى لو ما ترمسه بس تبشره عادي اشوفه

خلج جيه كووول ولا تتضايقيــن ولا تعبين نفسياتج على ناس ما تستاهـل .. وصبري والله بيرزقكم بالذريه الصالحـه ..

[طيب النسايم]

انا اشوف ما فيها شي...
يمكن انتي تحسستي من الموضوع..
واذا هي متعمده... خليج لا مبالية اسفهيها... وكل ما خليتي عمرج ان كل شي عادي عندج هي ما بتتجرا تجرحج...
بالعكس كوني احسن منها... باركيلهم وخلي عمرج متفاءله

عسى الله يرزقج اذرية الصالحة ويرزق امه محمد اجمعين.... اللهم امين

[سكون دبي]

الله يرزقج يا رب

[بنت الاسياد]

انا مااشوف اتصالها فيه شي بالعكس هيه متصله اتبشر اخوها

ولاتكونين حساسه واااايد

[بنت مايد]

حبيبتي ما فيها شي .. انا شراتج من سنتين معرسة وللحين.. دوم يقولون لي فلانة حملت صح يحز بخاطري بس بعد استانس وابارك لهم.. وفي وايد بنات اعرفهم يتعمدون يقولون لي يس اطنش.. خلي ايمانج قوي برب العالمين.. اتصلي فيها باركي لها.. كل شي بيد رب العالمين

[bebymoon]

انا اشوف مافيها شئ لو اتصلت في اخوها يمكن ريلج قريب منهن وااايد عشان جي حبت اتفرحه ..شكلج مستويه حساسه وااايد من هالموضوع غناتي لا تحطين شئ في بالج او في خاطرج الموضوع كله مايرز وان شاءالله
..الله بيرزقكم بالذريه الصالحه اللي تفرح قلوبكم ^_^

[قايدات الريم]

هذااا الي انا مااحبه ..
برايه الخويه .. سويلها اكبر طااف ..
ولا تهتمين برمستها .. الا ربج كاتبه لج بيصير ..
والسموحه ..

[نااعمه]

ما عليج من كلام العذال خليج في حالج وريلج يعرف انه العيب فيه وانه لو غيرج كان ما صبرت لا تتظايجين ولا شي