البنوتات ...السهرانات

[HGLO]

السلام عليكم

خواتي و أنا قاعده خطر فبالي هذا الموضوع
للعازبات

كيف يومج
وشو تسوون فيه


انا من جهتي وااايد ملل
خلصت دراستي و قاعده في البيت ولا متزوجه ولا شيء ، ولا شغله .
ماعندي شيء غير الكمبيوتر و النت و التلفزيون .
و أكره شيء عندي الليل ، احس بوحده وااايد ، لأن الكل ينامون من وقت علشان المدارس و الدوامات و تم بروحي ، اطالع نفسي .




فحبيت أعرف خواتي الحلوات
كيف تقضون وقتكن، حتى تستفيد من بعض ونواسي بعض..



أتمنى تتفاعلون مع الموضوع

المزيد من آخر المواضيع من نفس القسم:

• اهم النصائح التى تساعد المطلقة على إعادة...
• نصائح هامه للفتيات المتاخرات عن الزواج
• نصائح للمرأة المطلقة لتبدأ حياتها من جديد
• رسالة هامة إلى حاملة لقب مطلقة
• اهم نصائح لحل مشكلة المتأخرات عن الزواج
• نصائح هامة لكل مطلقة كوني منطلقة لا مقيدة
• الزواج الثاني للمطلقة وطرق التعامل معه
• اجمل دعاء لتيسير الزواج
• نصائح ذهبية لكل متأخرة فى الزواج
• هل يمكن البدء من جديد بعد الطلاق

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[dala dubai]

انا اداوم خخخ

بس احس الحياه بكبرها ممله مافيها شي جديد الحمدلله على كل حال

بس الحمدلله اصلي قيام الليل وارقد عقب مااخلص من النت وخاصة المنتدى

[NARRY]

انا فالمدرسه
ثانويه عامه
بسير ارقد
ادعولي

[HGLO]

اب اب

[hmo0o0m]

حبيبتي والله حاسه فيييج^^

أنا عندي جامعه الصبح وأنام ع الساعة 11أو12 بالليل ..

حاولي أنج تنامين من وقت وجذي !!
والمسا حاولي تدخلين المنتدى أو تنمين هواية لج ^^

الله يوفقج عزيزتي

[شمسه المرر]

السنه اللي طافت خلصت الثنويه ويالسه في البيت رقاد

واكل ولعب وضحك وسوالف واخوي ايحصلي وظايف وارفسهن شفتي في حياتج بطره اكثر عن جيه

[RoyalDeser]

صج اليل ممل ووحدة فظيعة

[يأرب رحمتك]

و أنا بعد شراتج بطاليه خلصت دراستي ويالسة فالبيت لاشغل ولا مشغله

أكل وراقاد والحياة مستمره صلاه وقرا القرءان والحمدالله على كل حال

يالله ارزقنا بزوج الصالح عاجلآ غير آجلا
اللهم آآآآآآآمين

[سلطة سيزر]

لاتستعيلين علي رزقج وحمدي ربج علي راحة البال ومبين توج صغيره لاحقه عالشقا قضي ليلج بقيام الليل وفرشي سيادتج وصلي وادعي ربج باالتوفيق في اي موضوع وربج مايقصر مع اللي يدعيه

[خاطري أضعف]

جامعية وخريجة من 4 سنوات عاطلة عن العمل وكل سنه أقول أكيد ربي بيفرجها وبشتغل إن شاء الله ولازلت أدعي وما بوقف الدعاء وربج هو الرزاق الكريم


4 سنوات ما حسيت بالملل ولا بالوحده بالعكس أحس أبي وقت أفضى فيه شوي لعمري وأحدد شنو بعد ما سويت من مخططات وأهداف أحس وبخاطري دايما أقول عمري يمر ونا بعد ما أنجزت طموحاتي


وهذي حياتي باختصار خليط من واايد أشياء بس يوم لو مر علي بشكل طبيعي

أقوم الساعه 9 أو 10 الصبح ** أقعد ويا أماية نسولف ونا وهي نحب قناة فتافيت نطالع حورية ههخخ ** بعدها أسويلي عالسريع صمونه بجبنة سلايس عادتي وأقعد شوي لحد 11:30 أو 12 على حسب بعدها أنظف غرفتي خم ومسح ...الخ وأذن الظهر أروح أصلي ورجع لأماية وأشتغل أي شيء بيدي اما كروشية ولا اكتب شيء ...... ما اكون فاضية وما أحس غير الوقت مر الساعه 1 أطبخ لخوي مسوي ريجيم ههه وبعدها تكون الساعه 3 أشوف ون بيس أموووت عليها وااايد أحب الرسوم وايد يقولون لي عندج طفوله متاخره ههههخخخ المهم يجي أخوي أحط له الغداء ويأذن العصر أصلي ومحطية تذكير بأيفوني لا تنسى أبدا ذكر الله أقرأ الأذكار وأقري صفحه من القرآن وبعدها يا أقعد لشغلي الي يختلف حسب شنو أبي ولا شغل خواتي واايد أشياء وما حسيت الا قرب المغرب اروح أسوي عشا لأخوي وبعدها أسبح واريح شويء وما حسيت بالوقت الا والعشا يا أصلي وريح شوي وأشتغل اما كروشية ولا أقعد أكتب مخططاتي بكراسي الخاص فأنا عندي كل كراس مخصص لشيء هذا يومي لأهداف وهذا لأهداف مستقبلليه قاعده أدرس وامشي خطوه خطوه لتحقيقها وغيره من كراسات الكروشية ....الخ ويا الليل وخواتي بسرعه ناموا 9:30 الكل نايم عداي اقعد على النت ومن يومين ادخل هالقسم والكتابة تاخذ وقت واسمع أناشيد ولا أرتب ملفاتي بالاب ولا أدور أشياء أبيها وبعدها تصبحين على خير
وكل يوم يتغير بحسب

أهم شيء اكتشفي في نفسج أشياء تحبينها لين توصلين لمرحله الحب للشغف للوجد وصدقيني ماراح تقدرين تفارقينها بعدها راح تكتشفين انج تقدرين تسوين واااايد أشياء لكن الوقت مب مكفنج ويركض ركييض
هذي هي حياتي وهذي اهتماماتي

[أم خالد الحلو]

يمنع رفع المواضيع القديمة