انجليزي و سكرتاريه

[عيمانيه]

السلام عليكم

بنات مثل ما أتعرفون الحينه اجازه ، و لازم نستغل الاجازه بشي مفيد

أنا طبعا أحب كل سنه آخذ لي كمن شهاده :22 (22):

فممكن تساعدوني باسم معهد يكون اوكيه

أقدر أدرس فيه انجليزي يعني توفل مثلا او ايلس

و سكرتاريه

اللي يدخلون الموضوع و ما يعرفون على الاقل ابا دعوه حلوه:22 (5):

أشوفكم على خير حبايبي

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[سما دبي 2]

هلا اختيه في معهد بعيمان اسمه نيو ادمز يمدحونه

[saasmo]

فعلا تفكيرج صح حبوبه

[كيوت مره]

حتى انا والله العظيم فخاطري استغل الغجازه هذي بشي مفيد

وياليت إلي تعرف معهد حلو وفنان في العين باخذ سكرتاريه شامله

وبالتوفيق للجميع

[هنوده1985]

أنا حاليا أخذ دوره

[عيمانيه]

أختي سما دبي ان شاء الله بتصل المعهد و بسالهم و بشوف اذا يناسبني او لا

و الاخت saasmo مشكوره على المرور

و كيوت مره ان شاء الله اتحصلين معهد اوكيه على اساس تدرسين فيه

و هنوده1985 ممكن اعرف فاي معهد تدرسين الحينه و هل هو اوكيه ولا؟

[Mazyoonaa]

حتى انا اخذ دورة انجليش على اساس اخذ توفل وانا ادرس في معهد بيرلتز في الشارجة والصراحة ماعليه كلام بالنسبة لي

[عيمانيه]

أختي المزيونه بغيت أعرف عندهم أوقات معينه تبدا فيها كورساتهم ولا اقدر اسجل فاي شهر

[Mazyoonaa]

الغالية تقدرين تسجلين اي شهر بس يطولون شوي عسب يكملون الصف واذا تبين تدرسين روحج طبعا بيكون اغلى بس المدرس بيكون عندج كانه درس خصوصي ويبدون وياج بسرعه بس اذا تبين ويا قروب بيتاخرون شوي بس مش وايد لين ما يمعون الجروب من مستواج طبعا اقصد المستوى الدراسي واكيد اذا شي طلاب مب من نفس عمرج وايد فرق من بينكم بعد ما بيخلونج وياهم واذا حابة تستفسرين اكثر اتصلي فيهم لاني انا وايد مرتاحة عندهم والي يدرسني مدرس امريكي يعني مستحيل ترمسين عربي واذا عندج اي استفسار يالغالية بنكون في الخدمة D:

[عيمانيه]

تسلمين أختي المزيونه و ان شاء الله بحاول أتصل بهم و استفسر أكثر عن الموضوع