مطرب مشهور

**عطش الصّحاري** · 2008-11-02, 20:11

..السلام عليكم..
خواتي أنا أول مره أشترك في هالمنتدى و بغيت آخذ رايكم في مشكله كبيرة صايره في البيت
المشكله هي إنه اختي خطبها مطرب إماراتي مشهور وايد في الساحة الفنية و كل أهلي مستانسين وطايرين من الفرحه بهذا النسيب المشؤوم بما فيهم العروس ..إلا أنا لأنه اللي أعرفه واللي يعرفونه كل الناس أنه فلوس الغناء حراااااااااااااااام 100%..
فكيف أرضى على نفسي أنه اختي تبدا حياتها بفلوس حرام ..
يقول الرسول صلى الله عليه وسلم: (إذا جاءكم من ترضون دينه وأمانته فزوجوه) و هو بصراحه أخلاقه زينه ومحترم بس إذابني عند نقطة الدين لازم نوقف لأنه إذا هو عادي عنده ياكل حرااام عادي عنده يسوي وايد أشيا ..وأنا ما أشكك في دينه ولا إيمانه بس خايفه على اختي
ويوم أتكلم في هالموضوع اللي يقولي سيري لااااااه واللي يقول ماعندج سالفه واللي يقول لا تلعبين علينا دور المفتي واللي يقول غيرانه ...... إلخ
والموضوع طويل وكبير بس متلخبطه ومب عارفه شو اسةي وشو أقول
افتوني و انصحوني شو اسوي في موضوع عريس الغفله

المزيد من آخر المواضيع من نفس القسم:

**ام زايد9** · 2008-11-02, 20:17

صدقج أختي فلوس الغناء حرام وتكون نار يوم القيامةفي بطن من ياكلها

**لحن الطفوله** · 2008-11-02, 20:21

حاولي تنصحين اختج انها اذا خذته رب العالمين ما بيوفقها فحياتها لان عيشتها كلها بتكون حراااااااااااااااام
وكلها مشاكل وربج كريم

**ظبيانيه_قمررر** · 2008-11-02, 20:21

صدق حرام والله ..

**لحظات عابرة** · 2008-11-02, 20:21

صدقج أختي فلوس الغناء حرام وتكون نار يوم القيامة في بطن من ياكلها
عليج بالنصيحة وانتي ما تقدري تفرضين رايج على اهلج دامهم طايرين في الريال
ان شاء الله رب العالمين ينور بصيرتهم ويهدي الخاطب للحق

**غــ مرحوم ـلا** · 2008-11-03, 02:39

اخت اربيعتي ماخذه مطرب امارتي مشهوور والبنات يتخبلون عليه طبعا حياته ملها سفر يمنعها من وايد اماكن ويوم يطلعون مع بعض عيون الناس ماتخليهم ف حالهم ..غير هذا الفلوس الحرام اختج لازم اتفكر عدل وخليها اتصلي استخاره ..واهللج ع شوو مستانسين ياحظي لو هلي بيرغونه من الباب

**فطمطم** · 2008-11-02, 20:22

والله يالغاليه بتتغربل وياه اكيد لها معجبات ومعجبين وسوالف وايد وهيه في الاخير هيه بتتعب

**الريـم** · 2008-11-02, 20:23

الله يهديهم

**موزانه3** · 2008-11-02, 20:23

صدقج فلوس الغنا حراام
ما عليج إلا انج تنصحينها
و الله يسهل اموركم

**عمري زايد** · 2008-11-02, 20:23

الله المستعان ..

**بثـينه** · 2008-11-02, 20:29

استغفر الله العظيم

صار اللي يتكلم بالحق هو الغلط !!

الغاليه حاولي ولا تيئسين أبداا من نصحيتج لأهلج ولأختج بعد ...

أولا الغناء حرااام و أكيد فلوسه حرام بلا جدااال ... وغير جذه عالم وحياة المطربين كلهم حياة ملذات و سهرات و رفاهية و سفرات ... يعني مب مال أسرة وبيت و أخلاق ودين ولا لهم أي علاقة بعالمنا ....

باجر يوم بتشوفه في فيديو كليب مبتسم و حاضن له وحده بايده اليمين و وحده بايده اليسار بتعرف انه هالمجتمع اللوث ما يناسبها ..
و بتعرف انه اختيارها خطا و بتندم أشد الندم لأنها ضيعت سمعتها وياااه ...

و الله ينور بصيرتهم قبل لا يطيح الفاااس بالراس ..

**خالتي قماشة** · 2008-11-02, 20:33

انا اتوقع مطرب في بالي هو اللي خاطب اختج ^.^واذا هو اللي في بالي فهو انسان ما في منه حبووووب وريال زين حتى ما عنده فيديو كليبات ماجنة شرات الباقين..

انا شخصيا ضد الغناء يا اختي بس لي راي ثاني!!!

بغض النظر انه مطرب ويغني...بس سبحان الله ما تعرفين يمكن هدايته تكون على ايد اختج وتكسب فيه الأجر!

عندج اكبر مثال محمد المازم شوفيه الحينه صار ينشد بعد ماكان يغني وفيديو كليبات ويا البنات ..الخ
حتى ما قاموا يحطون اغانيه في التلفزيون واتوقع بناءا على طلبه

والمطرب اللي في بالي أتوقع في يوم من الأيام بنسمع انه اعتزل الغناء

بس اذا كان اللي ياي يخطب اختج مطرب وفيديو كليبات ويا البنات فأنا أقولج تمسكي بوجهة نظرج وان شاءالله بييها اللي أحسن منه

وخلها تستخير ربها وان شاءالله الله ينور بصيرتها للصواب

**maithooo** · 2008-11-02, 20:34

حني عليها..وقوليلها من ترك شيئا لله , عوضه الله بخير منه, رب العالمين بيعوضها بأخير عنه ..والله ماوراه غير عوار الراس هالطريق!! ويمكن عيالها يمشون على نهجه ويستوون مطربين ..وهني عاده الطامة الكبرى! يعني لا ريل عدل ولا عيال ماشين على الدين

**meme2000** · 2008-11-02, 20:45

إختي قولي لإختج إن عالم الفن والفنانين ملياااااااااان بلاوي ويمكن هالشخص قاعد يتظاهر بأنه زين بس عشان توافقون عليه....
كم سمعنا عن الفنانين اللي يسكرون تالي الليل واللي علاقات ويا البنات واللي واللي واللي ......
ما أنصحها ترتبط فيه وتبعد عن الشر أحسن لها....
وبعدين تسأل نفسها ( أنا أرتبط ب..... مطرب؟؟؟!!!؟؟؟ )

**طيرالحبارى** · 2008-11-02, 20:48

لا حول ولا قوة الا بالله ....

انتو اشترطوا ع الريال انه يبتعد عن الغناء و يتوب ..

الموضوع: مطرب مشهور

أدوات الموضوع

عرض

العرض المتطور

مطرب مشهور

المزيد من آخر المواضيع من نفس القسم:

المواضيع المتشابهه

توبة مطرب الصومال عبد الله زلفي

اخوي مطرب .. شو أسوي

::::::::::::: مطرب مصري مشهور يطلب السماح له بالغناء في الحرم النبوي

مشكلتي .....مطرب مشهور