انا حااامل ....

**أم شـهـد ^_^** · 2008-11-02, 13:05

مرحبا خواتي انا عندي بنت عمرهاا 10 شهور ويايبتنهااا بعمليه قيصريه والحين انا حامل وزايغه ماعرف بيولدوني طبيعي والا عمليه بعد ....
وشو رايكم في مستشفي النور افكر هالمره اربي عندهم

لا تبخلووون علي بالرد
والله يوفق الجميع

المزيد من آخر المواضيع من نفس القسم:

**أم شـهـد ^_^** · 2008-11-02, 13:10

وينكم يابناااااات

**نسيم المطلعيه** · 2008-11-02, 13:14

الله يتمملج هالحمل على خير ..

بصراحه ماعندي فكره بخصوص المستشفى بس بالنسبه للقيصريه ان شاء الله انج مابتحتاجينها مع العلم بانه اللي تربي بقيصيريه اقل فتره لازم ترتاح فيها سنتين .. بس قدر الله وماشاء فعل .. وربي يسهل عليج وتربين طبيعي .. ^_^

**يدوووه** · 2008-11-02, 13:16

لا تخافين اختي
ربيعتي في حملها الاول سوت قيصريه وحملت بعد ست شهور ويابت الثاني طبيعي
ان شاء الله تربين طبيعي
الله يتمم لج على خير

**قصايد الهاملي** · 2008-11-02, 13:31

مبررررروك وانا بعد ماعندي فكره

**ام علاوووي** · 2008-11-02, 13:34

كل خير ان شاءالله

الله يتمملج هالحمل عالخير..

وانا اعرف وايد بنات اول حمل لهن يابن بالقيصريه وخلاف الحمل الثاني يابن طبيعي ..

بس مستشفى النور ماعرف عنه شى .. ان شاءالله الخوات يفيدونج

**Mis.AD** · 2008-11-02, 14:03

مبروك وان شاء الله يكون من الذرية الصالحة
انا والدة اول ولادة لي قيصرية وحملت بعد اربع شهور وربيت طبيعي طفت علي عشر دكاترة كلهم قالولي عملية بس ثنتين قالولي بعد ست شهورمن العملية القيصرية بنعطي فرصة طبيعي وحالتج قيصري اكيد بس اذا بتخاطرين من عندج والدكتورة جيهان في دار الشفاء قالتي يصير الحمل بعد القيصرية باربع شهور وبعدها الولادة تكون طبيعي وان الدكاترة اللي برع قاسو قوة الجرح بعد اربع شهور هي نفسها قوتها بعد سنتين وهي اشرفت علي اكثر من حالة حملن بعد اربع شهورمن القيصري وقدرن يربن طبيعي ونصحتني ايسر الكونيش لانهم يصبرون علي الوحدة وقالتلي ماعليج من كلامهم اللي يخوف وبتربين طبيعي ان شاء الله وقالتلي الحين العلم تطور وحتي اللي ولادة مرتين قيصري يعطونها فرصة تربي طبيعي في المرة الثالثة فتوكلت علي رب العالمين ولما ياني الطلق مارحت لهم الا بعد خمس ساعات من الويع الشديد ولما سرت كان مفتوح عندي خمسة سانتي والحمدلله ربيت طبيعي نصيحتي توكلي علي الله وها المرة طبيعي اكييييييييييييييييد وعلي فكرة ربيت في النور عند الكتورة نظال العطية .

**الجـــــوهرة** · 2008-11-02, 14:23

مب شرط انه كل مره تربين قيصريه حبيبتي

ومبروك عالحمل والله يتمم حملج على خير حبيبتي

**to_ty_2005** · 2008-11-02, 17:11

اولا الله يثبت لج الحمل ومبروك
ثانيه : انا انصحج بمراجعه الحمل عند الدكتوره ميري في مستشفى لايف لاين ممتازه ممتازه بس عندها زحمه فل
يعني لازم تاخذين موعد قبل اسبوعين
بالنسبة للولاده لاتخافين عادي مب شرط ربيتي في الاول بقيصريه يعني الثاني بعد بقيصيريه لا\
يمكن طبيعي
انا ربيعتي حملت في الاول طبيعي وفي الثاني قيصريه
وحرمت عمي الاول قيصيريه والثاني طبيعي
وحده من اهلي الاول قيصريه الثاني طبيعي
والحينه من قبل 5 ايام ربيعتي ربت طبيعي وفي الاول قيصريه
باقولج لاتخاتين ولا شي بس لاتاكلين وايد واتمين يالسه تراه بيمت البيبي ومابيظهر الا بقيصريه
واااااااااااااااااااايد قلت قيصريه وقيصريه هههههههههههههههههههههههه
السموحه
ربي يسهل عليج ويولدين طبيعي

الموضوع: انا حااامل ....

أدوات الموضوع

عرض

انا حااامل ....

المزيد من آخر المواضيع من نفس القسم:

المواضيع المتشابهه

باركولي أنا حااامل

حااامل ولااا.

انا حااامل بس حد يحسب لي