الثانوية العامة

[أم هديل]

أنا امتحنت
بس الصراحة أصعب من السنة الي طافت
يعني السنة الي طافت امتحنت ومع أني ما درست ولا مادة ولا حتى أعرف شكل الكتب من داخل ورسبت في 4 مواد على الحافة
لكن السنة مع أني درست حسيت أنه الأسئلة صعبة وايد وأتوقع عندي رسوب في مواد زيادة عن المرة الي طافت
الله يعينا ذلينا ليش احن منازل

المزيد من آخر المواضيع من نفس القسم:

• مادة تربية جنسية
• اعادة ثانوية العامة في الامارات
• اتمنى لجيمع الطلاب التوفيق في الامتحانات...
• معلمة فلسطينية
• بنات ساعدوني هل اقدر أعيد ثانوية العامة ؟
• اعادة ثانوية العامة في الامارات
• ادور على مدرسة
• أسويلكم بحوث تقارير وغيره
• ايش رأيكم في مدرسة الدوحة؟
• بحوثات وتقارير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[MISS SHJ]

ها المره مع تغير النظام وااااايد ناس رسبوا

يعني انا وحده اعرف شاطره ماشاءلله عليها وبعد رسبت في مادة وحده الله يعين اخر السنة

ونفس الشي بنات ثانيات اعرفهم راسببين في كمن مادة اذا في في الامتحان في درجة نهاية الفصل

مجموع درجتين الامتحان والتقويم

[بلادي الامارات]

الصراحة الامتحانات وايد يايتنهم صعبة
ومع ذلك مب عاطينهم وقت كافي يحلون فيه
والتقارير إلي هدت حيلهم
والموجهين مايراعون في التصحيح
اعرف وحدة قالتها المدرسة انه الصف مافي رسوب
ويتهم الموجهة وراجعت ورقة ورقة في الرياضيات واي غلط بسيط في المسألة تحطيلهم صفر
وما ارتاحت لين ما رسبت نص الصف
الله يعينهم وينجحم في الكورس الياي ................

[Bint_uae]

هلا رزوس انا عمتي فالثانوية’’’

سألتها قالت صحيح انه واايد هلكنا لكن النظام في صالح الطالبات
وعلامتها ما شا الله ارتفعت فوق ما تتصورون ,,,

بس العقده كان الانجليزي كان 17 ورقه ,,, وصعب
واكثر البنات راسيبين فيه,,,,

بس كانت الامتحانات اتقول حلووة ,,,,

يعني في اشياء حلوة واشياء مالها داعي,,,

,,بنت الإمارات,,,

[شموخ الإمارات]

ولا والمصيبه المعلمات مستغلات الخمسين درجة اللي فيديهن و يلعبن بهن على كيفهن اذا يتج معلمه وغده عادي عندها ترسب البنات اللي ما تدانيهن...طبعا مب الكل...

الله يعينهم يا رب و ينجحهم مساكين...

[المطر]

انزيت الحين كيف توزيع الدرجات انا ما فهمت عليهم .. امتحانات التقويم الأول + الثاني + النشاطات= 25و امتحانات المنتصف 25 .. فيطلع هاكله 50 ... و النص الثاني 50 .. صح و لا .. و ضحولي لو سمحتوا ؟

[مياسة العود]

اختي مدرسه وتقول ان وايد بنات راسبات في الثانويه

[خيالة العنود]

مساكين طلبة الثانوية العامة

الله يعينهم

[شعشبونة العين]

الصراحة مب حلو النظام
احسه وايد تعب مشاريه وهالسوالف وامتحانات صعبة
زين يوم تخرجت قبل
النظاااااااااااااااااااااام وايد صعب

[دلع بوظبي]

انا ماجربت النظام اليديد لاني من زمان امخلصه

بس بصراحه بيفيدهم هالنظام مابعد الثانويه .. يعني بعد ما يخلصون الي بيروح الجامعه او التقنيه بيكون اتعودوا اشوي على التقارير والبحوث .. وعلى الضغوطات ..

وصحيح الرسوب وايد ... ترى الدفعه الاولى من النظام اليديد يعتبرون ضحيه .. وان شاء الله الاجييال اليايه بتتعود على هالنظام..


تحياتي لكم

[هامورة]

هلا خواتي انا طالبه ثانويه
احس انه النظام اليديد احسن بوااايد من اللولي
كل البنات اللي اعرفهم يقولون درجه التقويم رافعتنهم
يعني لو بدون تقويم جان درجاتنا في القاع
صح انه الامتحانات كانت وايد صعبه وخاصه الانجليزي كلنا طالعين نقول سهل ويوم جفنا الدرجات انصعقنا كانت وايد نازله وغير متوقعه بس ان شاء الله الكورس الثاني يكون اسهل واحسن

[لمعة ألماسة]

هلا

أنا من وجهة نظري هذا النظام اليديد له ايجابيات وله سلبيات

من ايجابياته مثل ما قالت الاخت "دلع أبوظبي" بنات الثانوية ما بيحسون بقيمة النظام إلا بعد ما يتخرجون بعد ما يروحون الكلية بيكونون متعودين ع التقارير والبحوث اللي كارفينه فيه يعني بيكون سهل عليهم
وبالنسبة لامتحان الانجليزي ان الاجوبة في ورقة ثانية بعد عشان يعودونكم ع نظام الكليات والجامعات وما تنصدمون لما تدخلون الكلية أو الجامعة وتحسون ان الوقت ما يكفيكم ع الاقل بتتعودون اهني ع تنظيم وقتكم حزة الامتحان بحيث تسد ان تحلون الامتحان وبعدين تنقلون الاجوبة في ورقة answer
sheet

أما سلبياته:
الصراحة بنات المنازل والجمعيات أحسهم مظلمون وبالذات اللي عندهم عيال وصدعة راس والمنازل
لان المنازل يعتمدون ع أعمارهم في المذاكرة تخيلو عدد الكتب والصفحات اللي المفروض الطالبة هي بروحها لازم تذاكرهم وعلى حد علمي ما عندهم لا بحوث ولا تقارير بس درجاتهم في الامتحانات مضاعفة( هذا اللي سمعته..مو متأكدة)

هذا رايي وما أدري اذا في حد يوافقني الراي ولا لأ

تحياتي:
لمعة ألماسة =)

[هامورة]

هلا اختي لمعه الماسه
رايج وكلماج عين العقل
بس صدقوني النظام اليديد له ايجابيات اكثر من سلبياته وهو احسن عن النظام الجديم بواااااااااااااااااااايد