حسره عليه ..

[أسومي]

بسم الله الرحمن الرحيم
السلام عليكم يا شعب منتدى سيدات الإمارات


كيف أصبحتوا ..؟

اليوم الصبح وأنا يايه الدوام .. كنت أتفكر في حال وحده ربيعتي
وأكتشفت أن حالها يشبهه حال بنات وحريم أنا أعرفهم

وااايد يحبن يتحسرن على حالهن
ودائماً هم الضحية في هالدنيا .. وأنهم مغلوبين ع حالهم ..
بالمختصر هم في الفيلم يمثلون دور سندريلا ..

أسمع وحده تقول.. ما شاء الله شوفي أبوها شو يسويلها حسره عليه ..
أفكر أنا في بالي وأقول في ناس ما عرفوا أبهاتهم وناس أباهتهم ماتوا
وأنتي أبوج بخير وتتحسرين ..؟!!!!

واللي تتشكى من ريلها .. أنا ما أقول أن كل الأزواج ملائكة ..
لكن في حريم يحبن يتحرطمن عن رياييلهم جنه اللي ما خذتنه ولد إبليس ..!!
ومع الوقت تكتشفين منها هي أن ريلها يحبها ومب مقصر عليها ..بس هو ما يظهرها كل يوم..؟!!!!!!!

ليش جيه يتحسرن ..؟

واللي تقول شغلي مب مرتاحه فيه .. ويتمن يتحسرن ..

إنزين بدل ما تتحسرين يا أختي فكري بحل ..
ناقشي مع اللي تحبينهم بعقلانيه بعيد عن العواطف السلبية الجياشة ..

أحس اللي يتحسرن ويقعدن يقارنون نفسهم بالناس
يزرعون النقص في نفسهم ..
وقلوبهم تتعلم الحسد ..

الوحدة منا لازم تشكر الله ع النعم اللي هي فيها
ياللي ما عندج أبو حنون .. ترى في ناس أبهاتهم ماتت ومات الأمان معاه
وياللي تتحسر على أخوانها الشباب أنهم مب حنونين معاها ... ترى في ناس ما عندهم أخوان
وياللي تتحسرين ع الزواج .. ترى في حريم في المحاكم يطالبون بالطلاق ..

أحمدوا الله يا جماعة ..
ترى يمكن الوحدة تكون في نعمة وهي تتحرى عمرها في نقمه
لازم نؤمن بالقدر خيره وشره ..
لازم نؤمن بأن الله هو اللي خلقنا وهو متكلف بالأرزاق ..

وتذكروا ..
(وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ)(البقرة: من الآية216)

قال الحسن رحمه الله :" من رضي بما قسم الله له وسعه وبارك الله له فيه , ومن لم يرض لم يسعه ولم يبارك له ".

وجاء في الحديث :" إذا أراد الله بعبده خيراً أرضاه بما قسم له وبارك له فيه , وإذا لم يرد به خيراً لم يرضه بما قسم له ولم يبارك له فيه ".

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[دموع النور]

السلام عليكم ورحمة الله وبركاته

محد يحس بالنعمه إلا عند زوالها


الحمد لله حمدا كثيرا على كل النعم التى انعمها علينا... مشكوووره اختي. ...

[~UAE_LaDy ~]

يزاج الله خير الغالية على هالكلام الجميل.... وصدقتي في كل كلمة قلتيها...والواحد لازم يشكر ربه على النعمه اللي فيها... و الحمد والشكرلله على كل شي...

[أم حوور]

اللهم لك الحمد والشكر على كل النعم

[المدامع]

يااااارب لك الحمد كما ينبغي لجلال وجهك وعظيم سلطانك

[شيخه الغيد]

انا معاااج ختيه 100% ..

و كلامج صح ..

و ان شكرتم لازيدنكم ..

بس وين حريم هالايااام فالحه ترمس عن ريلها و بس ..

[زلال2008]

موووضوووووع اكثر من رااااائع وماايحس بالنعمه الافاقدهاااا

[عيون_الورد]

تسلمين اختي

والحمدالله على كل حاال

[Hno0odah]

الحمد لله على النعمه اللي انا فيها

الحمد لله الف مره

[ونااااسه]

بس وين حريم هالايااام فالحه ترمس عن ريلها و بس ..

هههههه ويااااااااااااااكثرهم سندريلات وايدات مظلومات بس عاد كل مره حد يظلمهم الحمدلله رب العالمين والله يكتبنا من الراضين ويرضى علينا يااااااااااااااارب يسلموااااا الغلا على الموضوع

[bellegirl]

الحمد والشكرلله على كل شي... موووضوووووع اكثر من رااااائع
يزاج الله خير الغالية

[الصهبا]

يااااارب لك الحمد كما ينبغي لجلال وجهك وعظيم سلطانك

يزااج الله خير اختي

[وردة الجاردينيا]

القناعه كنز لا يفنى

لو كل وحده قنعت باللي عندها بتعيش فسعاده

[وردة راك]

محد يحس بالنعمه إلا عند زوالها...
مشكوووره اختي...

[gabgirl]

الحمد لله حمدا كثيرا على كل النعم التى انعمها علينا