موضوع مايستاهل!!

[ميره المهيري]

اول موضوع ليه اتمنى انه ماينحذف وياخذ حقه من النقاش

من اول ماشاركت في المنتدى لين اليوم

امر على كل الاقسام والقسم اللي يؤلمني قسم المشاكل

بعض المشاكل اتمنى لو كنت اقدر افدي اصحابها بعيوني

بعض المشاكل حسيت ان سببها قلة الوعي

بعض المشاكل حسيت انها تنحل بس يبالها حكمه

بس عمري ماشفت ان المشاكل اللي تنكتب تافهه

ودوم اقول في خاطريه لو الشخص شايف انه المشكله بسيطه ماكان طلب الحل

والمشكله مب هنيه

المشكله يوم اتيي اخت من العضوات اتحط مشكلتها

واللي حولها يستتفهن المشكله

ويردن عليها :

عادي .. هاي مشكله الله يهديج .. هذا فبيتكم شو نسوييلج .. حلي امورج .. مشكلتج تضحك هههه

انتي مكبره الموضوع .. نزين شو المشكله احينه؟؟ .. مابا اضحك .. الله يهديج شو هالموضوع .. الخ

المشاكل تتفاوت :

فيه البسيطه

فيه الوسط

وفيه المشاكل اللي تعتبر كارثه


ما لنا حق نحكم من خلال السطور ان الشي تافه لانه نحن ما حضرناه

ولان يمكن تكون المشكله عوده بس خانها التعبير البنت ماعرفت تعبر

يمكن ماتبا تطول علينا اختصرت مشكلتها في سطور

يمكن البنت من القهر مالاحظت انه المشكله هينه بالنسبه لمشاكل الناس حولها

ف ليش نستتفه الناس نحسسهم انهم دون وانهم يبالغون

انا من رايي :

اللي تشوف انه المشكله اللي تقراها ماتستحق النشر تظهر لها بدعوه حلوه للبنت عسب تكون في

ميزانها وعسب تكسب لها مثل اللي دعته للبنت

لو مانملك لهالبنت الحل .. لو مستخسرين ندعي لها

لاتستهين في اللي تكتبه

محد عارف شوو نفسيتها وهي تكتب


(احب لاخيك ماتحب لنفسك) ف مثل ما انتي ماتحبين حد يستتفه امورج الناس اكيد بعد نفس الشي

هذي مجرد ملاحظه في قسم المشاكل اتمنى الكل يتقبلها

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر