((مــــلف الــــــــقرية الــــــــــــــــــعالمية))

**ام رشوودي** · 2009-12-11, 21:05

بس هذه السنة الالعاب وااااايدة ومتجددة

**ويلاه121** · 2009-12-12, 00:40

انا كل يومين اسير القرية الصراحة استمتع بجوها احس فيها العالم بكبره واخذ زيارة على القرى ومن القرية الباكستانيه اشتريب سجادة ومن القرية الصينيه خذت لوحات ومن القرية السعودية خذت تموووور ومن القرية ماذكرها بس خذت سوالف لبنه وزعتر من ام حمزة هاي لازم سنوياً اخذ من عندها ....واحين مستعيله عقب بخبركم التفاصيل

**نوااره** · 2009-12-13, 10:45

انا رحت بعد العيد باسبوع

وكان الجو حار مع اني كنت مشتية عيالي

المهم انها وايد حلوه احلى عن السنه الي طافت

اليمنية طبعا بهارات صحيحه ، عين جمل ، عسل ملكي ، قهوه يمنية

الباكستانية قطع مع شيلها قطن حلوه الوحده ب 35 درهم ، وعندهم طوس حلوه حق المناسبات تحطين الفحم بالنص داخل الطاسة والاكل يتم حار بس ما اعرف كم سعرها كانوا الباكستانيين زحمه عليها

العمانية لبان بالورد ريحته حلوه

الايرانية بصراحه شي ، خذيت رهش وحلويات وبسكوت بالسمسم حلو حق الشاي ب 20 درهم ، وزعفران ب 45 درهم ، واكسير الزعفران مغلينه هالسنه اشتريته ب 100 والسنه الي طافت كان ب 60 درهم على قولتهم ان الزعفران غلى ، وعندهم براويز قمه في الروعه وغالية وايد الوحده ب 4000 درهم

الاوروبي خذيت منه بناطلين اشكال والوان الواحد ب 50 درهم

الصينية خذيت من عندهم توك حق بنتي وايد حلوه كلها فصوص الوحده ب 20 درهم ، وخذيت قطاعه بصل ب 20 درهم سريعه بس البصل ما يكون شكله مرتب نفس تقطيع اليد

التركي ياي ع الخواتم الي عندهم حلو وغالية بس بالنسبة لاسعار تركيا اغلى خذيت بس خاتم واحد ب 250 درهم

ريلي خذ من واحد مسرحية طارق العلي اليديدة ب 130 درهم والله انها مب لهناك

الجناح الكويتي مسكتني وحده ما خليتني مولية زن زن زن ع الراس مال الاعشاب وخذيت عنها الي تضعف وقال انها مب ملين ومن اول يوم شربتها وانا لثاني يوم ما رحت بعيد عن الحمام

ها اول يوم ، وان شالله بكمل لكم اليوم الثاني شو خذيت

**ام بدر** · 2009-12-13, 10:48

بنات شفت في القريه العالمية ((عروسه لعبه )) صغيره

وكل عروسه يختلف ويها عن الثانية

وحده تبتسم وحده تصيح جي يعني

الي تشوفها تخبرني باي قريه لاني ناسية

واريد اشتريها

**لمياء2007** · 2009-12-13, 15:07

هذا ملف قديم مال السنه الماضيه ليش تكتبون فيه ؟؟

**هوى الروح** · 2009-12-13, 17:14

المشاركة الأصلية كتبت بواسطة ام بدر

بنات شفت في القريه العالمية ((عروسه لعبه )) صغيره

وكل عروسه يختلف ويها عن الثانية

وحده تبتسم وحده تصيح جي يعني

الي تشوفها تخبرني باي قريه لاني ناسية

واريد اشتريها

احيد شايفتنهم في الصينيه

**ام بدر** · 2009-12-13, 23:54

هوى الروح

مشكورة فديتج

**حـياتي أنـت** · 2009-12-17, 18:47

بنات ابا الموضوع اليديد اللي نزلته وحدة من العضوات ضروري

**توته الحلوه** · 2009-12-17, 23:40

ادخي قسم ساعدوني فيه ملف مثبت

**حـياتي أنـت** · 2009-12-18, 02:00

لا ابا الموضوع للي منزلتنه عضوة
اظن عنوانه شو اللي ماتستغنون عنه في او من القريه العالمية

**سكون الليل** · 2009-12-18, 04:38

ان شالله بنزورها باكر

**بسمه امل** · 2009-12-21, 02:43

فدييييتكم بغيييت اعرف ف القرية العالمية وييين اقدر احصل منتجات البحر الميت مثلا الصوابين والكريمات للجسم والويه ..

**توته الحلوه** · 2009-12-21, 05:43

الاردنيه على ما اضن

الموضوع: ((مــــلف الــــــــقرية الــــــــــــــــــعالمية))

أدوات الموضوع

عرض