لـزقة ..

[جميلة الجمال]

مرحبا
الله يسلمكم ربيعتي صارلها فترة معرسة مال 3 شهور
المهم وهي وريلها وايد يحبون بعض
وهي من النوع اذا حبت شخص تعطي كل شي حب واهتمام وكل شي عندها
مب بس وياريلها حتى ربيعاتها اللي تعزهم واهلها
المهم تقولي ريلي هالفترة كله يقوللها انتي لزقة خليني شوي اعيش في هدوء
تقولي انا حاولت اطنشة بس ماقدر اطنشه واتغلى عليه
شو الحل فنظركم
انا قلتلها اتغلي عليه لاتلزقين فالريال بيمل
اتقولي احاول
بس انسى .. ويوم يقولي ياللزقة اتذكر كلامج..

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[little lulu]

الصراحة ربيعتج غلطانه المفروض ما تلزق بريلها واااايد

يعني اتسير عند اهلها تيلس عندهم و اتبات عندهم بعد عشان يتوله عليها و خليها تطلع ويا ربيعاتها

خلي هو يركض وراها

[غـــــــالية]

الحال من بعضه..
هذا قلب مب درب ..
غصب عنا ..
ياويلي ..
جبتها ع الجرح..
غــــــــالية

[غـــــــالية]

سلمي عليها واااايد اهئ

[فنكي]

الله يعينها انا مثل طبع الربيعتج و عطيت اربيعاتي كل شي كل شي و اخر شي خليها على الله
انا حاسه فيها و صعب انها تتغلى و جيه لاني نفسها بس خليها اتحاول والله كريم

[حزن قلبي]

الله يعينها و يعينا، بس الريال وايد يمل من الحرمة اللي تلزق فيه، تحاول تخصص فترة حق اهلها و تزور ربيعاتها احسن لها، لازم الريال ما يكون محور حياتها، و تحسسه انها ما تقدر تعيش بدونه، الريال بيختنق.
و هذه فترة و بتروح لانها في بداية زواجها و يبالها فترة لين ما تتعود على بعده.

[dark nigh]

الله يعنيييييييينها والله

[HABOBA-22]

لا تركض وراه و لا يركض وراها خل يعيشون مرتاحين و حياه عاديه لا تتغلى و لا يتغلى ...

خل تسير بيت اهلها ترقد وياهم شوي تيلس ويا اربيعاتها شوي ع النت شوي ع التي في مب كله لازقه فالريال ..

يعني خل تعيش عااااادي جي ريلها شوي بيمل ...

حتى يوم بتيلس وياه خل تغير اسلوبها يعني تسويله حركات سوالف ع طريقتها ...

[أم توتة]

..هي مثلي .. انا ابي اتغلى ماقدر اكثر عن يومين ... شو اسوي ما اشوفه وااايد ...كله مشغول..

بس الحمدلله ما قالي لزقة فديته ... ^_^

[زلال2008]

انا لو قالي لزقه ويهي بيعورني بفج عنه يومين وبرد اوني مفتشله^_^

اختي قوليلهااا خليه هو يلزق فيهاا مب هي تخليه ع راحته ....

تعيش حياتهااا وتخصص لهااا وقت ويا خواتها وربيعاتهااا

صدقيني انه بيطفر منهااا

[...(مريّة)...]

يعني مهما كانت الزوجة تحب ريلها وتودّه وتسعى لرضاه ،
ما توصل لدرجة إنها تحاوطه من كل صوب وتلصق فيه
24 ساعة ! المفروض شويّ تعطيه مساحة خاصة بنفسه ،
يمكن لريال شويّ يحب ييلس بروحه ، يحب يطلع ويا ربعه
أو يزور حد أو يسير سناتر أو يزور أهله ، ما يحب تلصق
به الحرمة دوم حتى لو ميتة عليه !
.
.
.
بس بعد هذا مب عذر لريلها يقول لها : لزقة !!! لا مب
حلوة الصراحة من الريال يقول هالكلمة لحرمته ! جيه
ما تحس هي يعني ؟ <--- خيبة . . اشتطيت
خليها تخف شويّه . . قولي لها باجر يوم بيمل منج
وبيسير ينفّه عن نفسه برع البيت وبيطوّل برع ما
بتقدرين عليه

[ونااااسه]

بليييييييييين لزقه مره وحده !!!!!!!!! لا وبعدهم ثلاث شهور يادري النصيبه ؟!! غناتي قولي لها تخف على الريال ولاتستوي جي عيب خلها تثقل شويه اكيد صدق ملعوزتنه والا مابيقول هالرمسه وهم توهم معاريس يداد خلها تدور لها شغله تلهى بها عنه فديتج وربي يسعدها ويسعد الكل يااااااااااااارب

[نوره أم شرف]

ههههه ذكرتيني بوحده ريلها هو اللزقه

انتي قوليلها ما تثقل عليه بالاتصالات والسؤال تراه بيمل عقب وبتندم

دامه يحبها وواثقه فيه خليها تخليه يشتاقلها اذا تمت تلاحقه بيمل وما بيشتاق صدقيني

[أم وردتين]

انا ريلي يقولي هالكلمه يوم احشره بأتصالاتي خخخخخخخخخخ
يقولي انتي شو فيج لزقه .. بس شو اسوي انا جيه ..
بس اخليه يطلع ويسير عند ربعه عادي وانا اسير بيت اهلي او بيت اهله .. بس كل شويه اتصل به ..

[cutyah.87]

الله يعيييييينها