الحمل والبندول

[سراب الشارجه]

السلام عليكم ورحمة الله وبركاته


خواتي في فترة الوحام يزيد الصداع عند الحرمه

بغيت اعرف اضرار البندول

وخاصه اللي مدمنه على بندول اكسترا

البندول الاحمر

اللي عندها اي شي بديل لصداع في فترة الوحام تفيدنا

ويزاها الله خير

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

[أحلا بنوتة]

حبوبة البنادول الاحمر واايد قوي

خذي الازرق او أدول

انا في بداية حملي كان ظهري وااااااايد يعورني وكل ما اسير العيادات والمستشفيات يعطوني يا البنادول الازرق او أدول لانه اخف على الحامل حتى الدكتورة نبهتني على هالشيء وقالتلي خذي الازررررق بس..

وماتشوفين شر ان شاء الله

[BenToooH]

سألت دكتورتي عن البندول وقالت لي انه مايضر دام اني أستخدمه بحدود المعقول
يعني نفس اللي مكتوب فالورقة اللي ويا الدوا ما أكثر منه ....

[غلا المرقاب]

الله يعافيكم أن شاء الله

[الحلوووه19]

الاحمر وااايد قووووي


انا أول فتره حملي كنت بموووووووت من الصدااااااااااااااااااااااااااااااااع

بس ما اكلت بندوووووووول

معنى انااا مدمنه بندول .. يوم اتيني الدوره أكلهااا و يوم أصدع أكلهااا

يس فتره الوحاااام ما كلتهااا والله من خوفي عالبيبي معنى الدكتوره قالت عاادي

بس انا خفت لان فتره تكون الجنييين

انتي كلي بحدود معقووووله


و أهم شي ارقدي و خلي احد يدلك لج رااااسج


والله ذكرتيني بكره أيااااااااام


اللله يعنييييييييييييييييييييج و يسهل عليييييييييييييييج

[سراب الشارجه]

أحلا بنوتة //BenToooH//غلا المرقاب//الحلوووه19

الله يعطيكم العافيه خواتي واشكركم على ردودكم الطيبه

[عيون غزلان]

البندول الازرق عادي لكن الاحمر وايد قوي

[ام_شذى]

لااااااااااااااااااااااااااااااااا

موزين الازرق ولا الاحمر فترة الحمل خاااااااااااااصه الاربع ول 3 اشهوووووووووووووووووووووور عقب عادي ما يضر؟؟؟؟؟

بالخامس و السادس .......................

[ونااااسه]

هلا وغلا سراب اختي البندول مب زين للبيبي ممكن يأثر عليه حتى بعد الولاده احسن ابتعدي عنه غناتي عليج بالفكس خخخخخخ وربطه الراس وربي يسهل عليج وعلى كل حامل ياااااااااااااااااااارب

[سرب المعاني]

ا نا كل حد يقولي عادي البندول الازرق لانه اخف او البندول بس البندول الاحمر خذي حبه وحده مش حبتين

[Dr.5o5aH]

حبيت افيدكم بنات عن البندول بأنواعه .. لانه وايد أواجه هذا السؤال من مرضاي ..
paracetamol) (acetaminophen), (apap)الأسم الطبي للبندول او الأدول أو الفيفادول
يعتبر هذا الدوا مسكن للآلام ومضاد للاحتقان والحرارة وهو من أفضل الأدوية في هالمجال ..
أما تأثيره على الحمل . فحسب الدراسات اللي مسوينها في منظمة الأدوية العالمية FDA صنف من الفئة B حسب خطورته في الحمل وهذا يعني انه آمن .. بس هو صنف من هذي الفئة لانه الدراسات ماكانت واسعة على الجنس البشري وكانت أغلبها على الحيوان طبعا هذا اذا استخدم في حدود المعقول على حسب ماهو موصوف لج من الطبيب أو الجرعة المتعارف عليها 1gm كل أربع ساعات اذا استلزم الموضوع .. بس اللي تدمن على البندول ممكن يأثر هذا على الجنين بأثر سلبي لانه الدوا يمر عبر المشيمة للجنين ويصير هو في نفس الوقت مدمن وانا اطري الإدمان أقصد انها تستخدمه كل يوم من غير توقف ... أما بندول اكسترا أو الأحمر فهو عبارة عن بندول عادي وكافيين (اللي موجود بالقهوة والشاي) ونفس الدراسة مسووينها على الدوا وتصنف نفس التصنيف .. بس بالنسبة للي عندهم تاريخ مرضي لإرتفاع ضغط الدم يفضل انه يبتعدون عنه لانه يأثر .. بس عموماً البندول من أفضل الأدوية وأسلمها في كل أوقات الحمل ... هذا والله أعلم ..

أتمنى اني افدتكم ..

[مهرووووووه]

الحمدلله للحين ماخذت بندوووووووووول


يسلموو حبوووبه

[أم غلا34]

أنا عن نفسي يوم كنت حامل ضرسي واايد كان يعورني قالت الدكتورة خذي بندول الازرق
لكن الله مارزقني بلي في بطني في الشهر الرابع اجهضت أنا عن نفسي ماانصحج تأخذين
البندول ***** الله الله يثبت حملج يااااااااااارب العالمين سوي مساج حطي رأسج وأرقدي أحسن

[أم وردتين]

أنا أحاول قد ما أقدر اني ما استخدم البندوول الا اذا شفت عمري مب رايمه من الصدااع يعني طوول الحمل يمكن أخذ حبتين او 3 لا أكثر ..
وف حملي هذا وانا ف الشهر الخامس ماخذتها غير مره وحده لني كنت وايد مريضه وفيني حمى ..
والله يعافيج اختي ولاتحاولين تكثرين من البندووول وايد ..
خذيه وقت الضرووره بس يعني يوم بتشوفين عمرج هلكانه مب رايمه تقاومين الصداع ..
والله يقومج بالسلامه يارب

[أم سالم]

هلا حبيبتي سراب
الله يعطيج العافية
انت في الأيام العادية أبد ماتقصرين تبلعين بلع الله يعينج في الحمل
ابتعدي عنه أبرك لج وللجنين
صدقيني أنه أبد ماينفع لا في الحمل ولا في غيره
استوي مثلي لا تبلعين أي حبوب أو دواء لا في الحمل ولا في المرض

الله يبعد عنج المرض ويكمل لج على خير ويقومج بالسلامه