وجهة نظر لا غير ................

[اليافعيه]

عندي موضوع مهم لاحظته فقسم المشاكل من اغلب ردود العضوات على بعض المشاكل
يعني يوم وحده تدش تشتكي انه ريلها خانها او يكلم وحده او يشوف صور خليعه والعياذ بالله اشوف اغلب الردود تحملها الغلط وانها هي الي مقصره وانه الريال ما يشوف برع الا لو الوحده مقصره ولا كان الانسان الي نفسه دنيئه ما يتغير حتى لو شو ما سوت
والي يقهرني اكثر الي يقولون اغلب الرياييل جيه
يعني شوه الوحده تصبر وتسكت
لين متى الوحده بتسكت الين ما يتمادى
الي يبدى بالصغيره بيكمل بالكبيره
المفروض ان الاغلبيه يعرف انه هالمنتدى مفتوح يعني اي حد يقدر يتصفح فيه حتى لو مب مسجل والاكيد انه شي رياييل وايد يتصفحونه ويقروون اراء الحريم ومشاكلهم من باب الفضول مثلا
وطبعا يوم يشوفون افكار الحريم جيه شو بتكون ردة فعلهم اكيد بيعممون الفكره
وهالشيء بيخلي الاغلبيه يتمادون
حلو انه الوحده تشكي او تفضفض او تستشير بس الواحد يوم ينصح يحاول يرد بشي مقنع وعملي
مب اقول الرياييل جيه او كلهم يرمسون والله عادي الوحده تشك فريلها وهو ما سوى شي


لحد يزعل بس حبيت اوضح هالنقطه عسب الرياييل ما يصدقون عمارهم يوم يقروون مثل هالردود

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غلاي ميمو]

الموضوع يرجع للشخص نفسه سواء كانت الزوجة أو الزوج ..

أحيانا تكون الزوجة في نظرها مب مقصرة تماما لكن في اشياء مهمة عند الزوج وهي مب موفرت له إياها ..

و من ناحية ثانية الزوج يمكن في نظره مب مقصر في شي ابدا لكن الزوجة تكون محتاجة لشيء الزوج ما يدور على باله انه يكون بهذي الاهمية لها ( الزوجة ) ..

الله يبعد المشاكل و الله يهني الجميع ..

[بنت الاسياد]

صح كلااااااااااامج

[lona81]

ولله مب كل ماراح الريال يغلط ولا يربع ولا الخرابيط كانت السبب الحرمه فيه نسبه لكن مش قاعده وانقهر من اللي تقو العكس

مشكوره اختي

[الدهيميه]

والله فديتج نحن مانقدر نعطي اي راي او نصيحه الا من خلال طرح صاحبة الموضوع للمشكله يعني نحكم من خلال المشكله ،،، مانقدر نقول الحرمه غلطانه او مقصره وكذلك مانقدر نقول الريال غلطان او مقصر ،،، لان الاثنين يكملون بعض في المشكله ،، فعشان جيه نحن نحكم من خلال المشكله ،، واتمنى ان ماحد يزعل من الكلام لان نحن بقدر مانستطيع ان نعطي ولو نصيحه او راي لصاحبة الموضوع ... واتمنى ان الكل مايبخل علينا من نصايحهم او رايهم من خلال تجاربهم او خبرتهم ...

[رويــانــة]

ماعرف شو اقولج

فيه مشاكل ممكن تنقال وفيه مشاكل صعب تنقال

انا دوووم اقول الوحدة قبل لازم تلجأ لخواتها او صديقاتها او أي شخص تثق فيه.. بس يمكن البعض يفضل انه يفضفض لناس ما يعرفهم .. يمكن اعترض بس مب من حقي أهين راعية المشكلة .. وواجبي أطيب خاطرها أو أسكت اذا ما عيبني الموضوع

ذكرتيني بموضوع وحدة طلبت راي وبعض الخوات من اللي ما عيبهن راينا قالن دعوا الخلق للخالق ولا تتفلسفن .. طيب هي طلبت الراي ونحن ردينا بأمانه فكيف حد يطلب رايج وتطنشينه !!!

عموما الله يوفجنا يميع يارب للخير ومشكــــــــووووووورة

[اليافعيه]

ماعرف شو اقولج

فيه مشاكل ممكن تنقال وفيه مشاكل صعب تنقال

انا دوووم اقول الوحدة قبل لازم تلجأ لخواتها او صديقاتها او أي شخص تثق فيه.. بس يمكن البعض يفضل انه يفضفض لناس ما يعرفهم .. يمكن اعترض بس مب من حقي أهين راعية المشكلة .. وواجبي أطيب خاطرها أو أسكت اذا ما عيبني الموضوع

ذكرتيني بموضوع وحدة طلبت راي وبعض الخوات من اللي ما عيبهن راينا قالن دعوا الخلق للخالق ولا تتفلسفن .. طيب هي طلبت الراي ونحن ردينا بأمانه فكيف حد يطلب رايج وتطنشينه !!!

عموما الله يوفجنا يميع يارب للخير ومشكــــــــووووووورة

الغاليه يمكن ما فهمتي قصدي
انا اتكلم عن بعض الردود الي تقهر
يعني مافيها اي حل مجرد اقناع صاحبة المشكله بانه هالشي عادي وطبيعي
يعني مره وحده كتبت مشكله انها اكتشفت انه ريلها يرمس بنات
تخيلي اغلب الردود كانت انه هالشي عادي والرياييل كلهم جيه
ووحده كان ردها مميز تعرفين
تقولها احمدي ربج هاذا الزين بينهم
يعني تحمد ربها انه ريلها بس يرمس ما يسوي شي ثاني
شو ها الردود الي ما تجدم ولا تاخر بالعكس تخلي الرياييل يتمادون
انا بغيت اوضح ان هالمنتدى يتصفحه اي حد يعني في كثير رياييل طبعا يتفحونه وانا متاكده انه الاغلبيه يدخلون قسم المشاكل
وصدقيني الي بيقرا هالردود بيعتقد انه الحريم متقبلات هالوضع وان نحن مقتنعات بان هالوضع طبيعي
صراحه ماعرف بس هاي وجهة نظري المتواضعه

[جمال إنسانة]

والله ، بالنسبة لي، احس مااااا يستوي إن انفضل الريال على الحرمة ، بمعنى، مااا يستوي نعطي للرياال chances
والحرمة لا...

انا عندي مبدأ المساواة ، ولا أؤمن إن الرييال لازم ان ينسكت عنه و الحرمة لو تغلط أي غلطه (تنلام و ما ينعطى لها فرصة اتصلح)


أكيد الصبر له فوائد و لكن اختلاف الموااازين ما يستوي، موب عدل...

هذا اللي يسموننه مجتمع "ذكووري" ما أطيقه ، ولا أؤمن بكل من يتصرف بهذي الطريقة المتعجرفة

[رويــانــة]

فهمت عليج حبيبتي والله بس حبيت اقول اللي فخاطري ^^

وانا معاج خصووووووووصا مع الرد اللي يقول " أغلب الرياييل جذه" عقدونا هههه .. نبا نعرس ومتروعين نواجه نفس المصير هههه

الله يعين ومشكـووووورة فديتج ع الموضوع والسمـــوووحه

[shawwagah]

همممم

وجهة نظرج حلوة

بس مابا اتفلسف وايد فالموضوع لووول ،،

السالفة في نظري مجرد شخصيات ،، وغلط .. اكبر غلط انقول للحرمة انتي مقصرة عشان جي هو شاف برا البيت


يمكن هو عينه زايغة

يمكن هو هب حشيم ؟!

يمكن هو مافيه مذهب ولا حيا .!

وايد حالات مرت علي شفت فيها هالنوع من الرياييل ،، والله لو حرمته ملكة جمال ومافي مثلها في الاهتمام فالبيت والاولاد ,,,, بعد ايطالع برا


فـ ما ايصير نعمم ،،

لكن يصير نبهها ،، انخليها اتشوف اذا هي فعلا منقصة شي والا شي ،،

ترى نحن ما نشوف كل جوانب المشكلة ... نسمع طرف واحد بس .. ومن هالطرف لازم نطلع الحل الصح للمشكلة ،،

و الله كريم

[Class Lady]

صدقتي اختي

[عبرااتي]

صدقتي الغلا


وجهة نظرج صحيحه 100 بـــ 100

ويمكن كان ردهن من خوفهن انه يفتعلن مشكله بين الحرمة وريلها ويكونن هن السبب فيعطن ردود حيادية وممكن اتكون ظالمة في بعض الأحيان وهن مب حاسات

بس الحرمه اذا ريلها غلط صبرت عليه وهذا غلط لازم تتخذ موقف من ريلها واتحارب المشكله او انه اطنش وتسكت ع الموضوع وتعيش حياتها كلها كدر ف كدر وهذا بعد أكبر غلط

ليش الحواار غايب من بين الأزواج؟؟؟ هذا هو حل للكثير من المشاكل الزوجية)

[نااعمه]

كلامج صح فديتج بس مرات في حالات مافي منهم فايده الريايل لو الوحده ماديا مقتدره انا اايدها تتطلق بس لو ما تروم مافي غير الصبر وانا انصح كل بنت تكمل دراستها وتتسلح بالشهاده حتى لو زوجها مثالي لانه الامور تتغير محد ظامن حد هالايام

[cute uae]

كلامج صحيح 100%

[cute lady]

الله المستعااااااان