ما اكلمة من اسبوع....

[سالفة]

شحالكم وشخباركم ....

بنات انا ما اكلم ريلي من اسبوع والسبب لقيت عنده هدية من وحدة واول شي نكر وعقب اعترفلي بس المشكلة مد ايدة علي واخر سي طرش مسج يتاسف وانا ما رضيت



شسوي وهل انا اللي اسوية صح ؟؟؟؟؟؟؟؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[زلال2008]

اكيد صح يغازل ويضربج وتشااورين اذا تزعلين ولالا؟؟؟؟

[بلا عنوان]

الله يعينج صراحه خاصة انه مد ايده
انا ماريد اشحنج اكثر ع زوجج
ولكن خليه يحس شوي بخطأه.. وبعد ان ترجعين للبيت لازم تتناقشون بالموضوع و

[الأصالة]

اتصلي ع مركز الافتاء واسالي الشيخ صدقيني كلامهم واايد يريح

اذا تبين قوليلي ع الخاص

[بتونيا76]

السلام عليكم .. اختى أنا مب متزوجة بس صدقيني من الي اشوفه ..
مع ربيعاتي والأهل .. إنه ما فيه ريال متزوج ما يتعرف علي بنات ..
أنا ما أقول انه كل ريال لازم يتعرف بس هذا الشي موجود ..
حبيبتي لج كل الحق انج تزعلي وتروحي بيت أهلج بس بعد ..
" وإن كيدهن لعظيم " مثل ما هي عرفت تلفت انتباه ريلج ..
أتمنى انج تقدري تأخذي كل انتباهه واحساسه لج مرة ثانية ..
يمكن إنتي مب مقصرة وياه بس حاولي تدوري أكثر من طريقة ووسيلة انج تجذبين فيها ريلج
الزعل حلو ... بس اذا طوول صدقيني الريال يمل ويقول بترد بروحها بعدين ..
إرضي عليه بس بشرووطج ..
والسموحة منج اختى .. يمكن مالي خبرة بالحياة الزوجية بس هذا رايي..
وربي يوفقج ان شاء الله وييسر من بينكم

[عمري زايد]

الله يسر امرج

[ميثانو]

مدام اعتذر وعر غلطه خلاص بس اهم شي ما يكررها والريال ما يمد ايده الا اذا طلع من طوووره
ودي لريلج ولاتخسرينه تراه في حريم مثل الذيابه يترصدون للريال ويعرفون يسحبونه من باب انهم توووب في الرومانسيه والحياه الزوجيه عظي ريلج بظروسج واتمسكي فيه والله يخليكم لبعض

[...(مريّة)...]

الله يهديه لج يا رب

[ام راشـد]

الله يهديه ويرده لج يارب

[سالفة]

حبيباتي مشكورات على الردود
بس انا في بيتي ما رحت بيت هلي ولا حد يدري عن الموضوع وانام في نفس الغرفة بس ما اكلمة


وجزاكن الله الف خير

[dark nigh]

الله يعينج ختيه..

و يهدي ريلج

[Miss Cavalli]

الله يعينج ان شاء الله و يصبرج ..

اكيد الشعور وايد يضيج و يقهر .. شعورج بوجود وحده ثانيه في حياته ..

بس اذا هو استلم هديه من وحده ها مب معناه انه في علاقه معاها او شي ... عادي يعني فلانه بطرش هديه حق فلان و هو بيستقبلها ... ما يعرف يمكن شو السالفه .. و خلاها عنده .. تدرين الرسول امرنا بالظن الحسن .. يعني لازم تلتمسين له الف عذر .. و تتغاضين عن اخطائه .. الرسول امرنا بهالشي .. يعني لا تخلين حياتج الزوجية هشه .. اي شي يكسرها .. لا خليها مثل الالماس .. قوي قوي .. ما ينكسر موول ..

مادري يمكن هو يعرفها .. بس ممممم ماعرف كيف انصحج .. بس اللي اعرفه انه التجاهل ما يفيد .. النقاش اهم شي ..

وايد رمست و يمكن طلعت بره الموضوع بس الله يهديه و و يرده لج ...

[nuha_9]

lماشاء الله عليك احسن انك قاعده ابيتك لانك لو طلعتي وانتشر الخبر ماعاد بيستحي ولا يهتم

والناس بتحط لك ولك عراقيل مالها اول ولا تالي

خليه فتره يحس بغلطته

ولازم تناقشيه فالموضوع من كل النواحي

واحذري بس من بعيد راقبيه لا تحسسينه انك شاكه فيه

[عيو دبي ون]

الله يهديه يااا رب ويبعد عنكم المشااكل ..

[دريمه]

تغلي زياده ولا ترضين بسهوله عسب مايستسهل الشي واذا بغا يسويه مره ثانيه يحسب له الف حساب
ولا تحسين بتانيب الضمير لانه لو وحده غيرج يمكن اطلعت من البيت وسوت له سالفه .. الي سواه مب شوي بس انت حسسيه بحجم الي سواه وبعدين سامحيه وعطيه فرصه ثانيه