مبتدئة في ..........

[perfect]

السلام عليكم أخواتي

أنا يديدة في عالم السواقة

بديت أتعلم الأساسيات من زوجي الله يحفظه لي....

وأبي أعرف من الألف لليائ كيف ممكن أحصل على ليسن بسهولة ....

بليز وحدة تكون متفيجة تقولي كيف أبدي هالعالم.....


للعلم أنا ما سجلت في أي مكان ومثل ما قلت بس زوجي يعلمني....بليز خبروني شو أسوي

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[بثـينه]

الغاليه أول شي ... أقولج ... خطوه ايجابيه وموفقه باذن الله ...
وحلو انج تتدربين ويا ريلج ...
وكل اللي عليج احين تتشجعين و تبدين الخطوه الأولى ..
قدمي على الاختبار المبدئي ... و هو تراه سهل ..
من تسيري تقدمي يعطونج كتاب فيه الاشارات مال الشوارع .. ويحددون لج يوم للامتحان التحريري ..
تين يوم الامتحان وتحلين عاد ... و الاختبار يكون كله صور وتحت كل صوره خيارات تختارين الاسم او التصرف الصحيح ... وتراه سهل وان شاء الله بتنجحين فيه دايركت ..
وعقب عاد تقدمين على الحصص مال الباركنج والجسر ...
وبالعاده ما تاخذ منج اسبوع ... لانها كل بس سوي جذه ولفي جذه ...خخخ
والتطبيق هو المهم في هالمرحله ومب مهم اتقانج للسواقه ...
والخطوه المهمه هي الاخيره ... المديـــنه أو الشـوارع ...
اهني عاااد لازم تختارين المدربه الممتاااازه بكل معنى الكلمه ..
يعني من الحصه الاولى او الثانيه اذا حسيتي انج ما استفدتي من المدربه غيريها على طوووول ...
و لا تحددين لعمرج وقت معين ... تدربي لين تتقنين السواقه حتى لو خذتي سنه تدريب ...
وحلو انج تتدربين ويا مدربه وبنفس الوقت تطلعين ويا ريلج يدربج ..
جذه بتاخذ ايدج على السواقه اكثر ...
انا جذه كنت اسوي ..
اتدرب ويا مدربه و ويا ريلي بعد ...
معلومه من المدربه ومعلومه من ريلي ...
والحمدالله اموري ماشيه تمام التمااام ...

بس هذا عندنا في الشارجه ... لانه ما طبقوا نظام المعهد والحصص ..
هذيل عاااد ما ادريبهم ...

[perfect]

أشكرج أختي

يعني على طول أسير أسجل في معهد الإمارات....

بس قالو لي أنهم يطولون وتكون ليتة هنود جدامي ولين ما أيي أسمي بالدور في التدريب صح هالكلام وإلا؟؟؟