استمتعي وياه

[ريم الحزوم]

السلام عليكم

هلا خواتي

اليوم كم كلمه خطرت في بالي وقلت بخبركم عنها

اولا للمعرسات يداد وممكن للي من فتره

استمتعي بعلاقتج الحميمه بينج وبين زوجج قد ماتقدرين ولاتقولين استحي -صح الحيا زين ومطلوب -بس في حالات معينه واوقات معينه

يعني مثلا استمتعي بجسمج والبسي كل شي له قبل ما تطرأ بعض التغيرات على جسمج نتيجة
*الحمل والولاده
*والسن طبعا
البسي كل شي يظهر جسمج بكل مناطقه ولاتقولين استحي
البسي الالوان والموديلات باختلافها
استمتعي بالعلاقه الحميمه بينكم وخلي هالاستمتاع يظهر عليج وبينيه لزوجج بكلمه بهمسه او بتأووه
لانه استمتاعج بها بيكون له ردة فعل راائعه من زوجج

لاتقولين هو مايبدأ عادي انتي ابدئي بس بدلال وغنج وحب وشوق
خصصي وقت لزوجج بروحه في اليوم لو ربع ساعه المهم لاتكونين طول الوقت اللي هو في البيت لازقه فيه الا اذا هو يبا هالشي
وانتي ماره حذاله بوسيه عالماشي
امسحيله على راسه وهو يالس على الكمبيوتر او يطالع التلفزيون برفق وحنان وعبريله عن حبج وسعادتج في اللحظه
ودائما اتذكري انج اذا اسعدتيه بتسعدين نفسج ولو في نفس اللحظه حتى الابتسامه لها مفعول السحر
لاتنشغلين بشي وهو معاج
حاولي (ياام العيال ) انج تسوين نظام في البيت وتخلينه يلاحظ انج مرتبه ودقيقه في كل شي
يعني مثلا عودي عيالج على انه فترة الظهر فتره راحه لو مايبون يرقدون فترة راحه لج ولأبوهم -هذا اذا كانوا فوق الست -اذا كلمتيهم يفهمون -قوليلهم من الساعه 3 الى 5 في غرفكم لونوا ارسموا اتكلموا العبوا سو اللي تبونه بس في غرفكم وممكن تكون لها القانون اختراقات لكن عادي نظمي الوقت بطريقتج وباللي تشوفينه مناسب

ممكن في هالفتره اذا زوجج يحب يطالع التلفزيون الظهر جهزيله شاي اخظر في ابريق واكواب حلوين وحطيله شوية بتي فور او قطعتين كيك وايلسي حذاله واتفرجوا على اي شي
واذا متعود يرقد الظهر غيريله مكان السرير من فتره لفتره وغيري الشرشف وغيري روائح العطور
وافرشيله سيادة الصلاه وعطريها اذا يعني رقد وفاتته صلاة العصر وجهزيله في الحجره صينيه فيها دله فيها ماي حار وحطيليه اغراض الكوفي السكر والنسكافيه والنيدو او الكوفي ميت واكواب حلوين وعلبه حلوه فيها بيتي فور وحلويات او حطيله دلال الشاي والقهوه في الحجره

حسسيه باهميته رغم كل شي لاترمسينه عن مشاكل اليهال الا الضروري (الله خلق المرأه سكن للرجل )
وهالحركات مب علشانه هوه بس لا علشانج انتي بعد

خصصي يوم في الاسبوع للعشا لج انتي وهو بس برا او في البيت وما يحتاي تتوصين اتعرفين شو تسوين

دائما دائما خلي شكلج مرتب وانيق مب لازم المبالغه لا بس الترتيب مطلوب والتغير والروائح الرومانسيه

دائما اتذكري يوم بتطلعين وياه اترتبي بس بدون تبرج واذا يحب المكياج اتمكيجي بس اتغشي
دققي في كل شي في ثيابج مكوايه عدل وعباتج وشيلتج حتى نعالج -وانتي بكرامه -خليه يلاحظه
لازم يكون انثوي وااايد وابعدي عن الدفاشه في اللبس

اذا طلعتوا مول لاترمسين عن المشاكل سولفوا واضحكوا واذكروا ايام الملجه والخطوبه وسولفي وياه عن المواضيع اللي يحبها لاتيبين طاري شغلج والا شغله الا اذا هو فتح الموضوع

وللحديث صله

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[شمعة الجـلاس]

yslmooooooooo dear 3la el information

jaaaaaaaaan astfeed wayed

mshkoora 3yoone

[غاوية عشق]

الله يرزقني انا وغيري من الخوات الي مب متزوجات بالزوج الصالح

ونطبق نصايحج الغلا مشكووورة

[عاشقة شقى]

ماشاء الله عليج أختي كفيتي ووفيييتي


وربي يوفقج بالدنيا والآخره إن شاء الله

[فلانة]

ماشاء الله عليج
كفيتي ووفيتي

[عيو دبي ون]

ماااا شاااء الله علييييييييييييييج ..
كنت افكر انزل شرااااات هذااا الموضوع
لان صدق وقته الحرمه تعرف كل شي و تنتبه ..

يزاااااااج الله ألف خيييييييييييييييييييييييييييييير ..

[m@rzouqia]

شكريااااااااااا دبل.. خخخ ^^

متابعة..

[ensana]

مشكوره الغاليه على هالنصايح...........

[غلا البدر]

مشكووووووورة فديتج و بانتظار بقية الموضوع

[ونااااسه]

ايزاج الله خير حبوبه ويسلموووووو على الموضوع التحفه

[هايدي الجميلة]

ما شا ءالله عليج الله يوفقج ونتريا حديثج

[Hno0odah]

ماشاء الله عليج

ربي يوفقج

[غلاي ميمو]

تسلمين الغاليه على جواهرج اللي بنستفيد منها .. يمكن في اشياء بسيطة ما تمر على الوحدة لكن بتغير اشياء وايد في حياة كل عروس ..

[أم مبين]

تسلمين يالغلا علنصائح الثمينة

[موزة سويدان]

كلامج صحيح مليووون بالمية الله يوفق الجميييييييييييع يا رب