جنس المولود

**ام zozo** · 2008-10-19, 03:24

حبيت اعرف رايكم في شي انا اول ما حملت بالتحديد بالشهر الثاني دكتورة نادية في بوظبي قالتي احتمال الجنين يكون ولد ولما كنت بالرابع دكتورة نوال الخالدي قالتلي ولد بس ما اكدت لي و فالخامس دكتورة سوسن اللي تشتغل مع دكتورة نادية في مركز نادية الطبي قالتلي بنوته فسؤالي احين منو اصدق او خلاص اقتنع انها بنت وانا بصراحة ابا بنوته لان عندي ولد الله يخليه

المزيد من آخر المواضيع من نفس القسم:

**Al_Dloo3aa** · 2008-10-19, 03:31

حبيبتي مستحيل يتعرف جنسه فالشهر الثاني

يعني تعرفين فالخامس اوضح شي

ف اكيد بنت واتأكدي اكثر فالشهر السابع

**ام zozo** · 2008-10-19, 03:42

حتى انا تفاجأت وهي تقولي بالشهر الثاني ع قولتها خبرة وجي ع كل حال مشكورة فديتج

**غلا بن شامس** · 2008-10-19, 04:43

أنا قالولي بأول الرابع ولد وبالخامس قالولي بنيه وبالسادس تأكدت قالولي بنيه
وبالنهايه فديت روحها طلعت بنيه
بالثاني مستحيل تعرف ولا يبين
انتي ممكن تعرفين اذا تغير وحامج عن الولد بتعرفين انها بنيه
بس كل شي يتأكد بالسادس يبين أكثر
وربي يتمم عليج

**كرررووزة** · 2008-10-19, 09:45

انا مثلج ... في بداية الرابع قالولي ولد ... وتقولي 99 % ولد وراوتني ...

وآخر الرابع قالولي بنت هههههههههههههه ... والحين انا مب متأكده ولد ولا بنت ؟؟؟؟

كلهم حلوين ... بس انا عندي ولد ... ويوم قالولي بنت سيده تميت اشوف فسشاتين البنات واغراض البنوتات البينك ... وايد كيوووووووووووتات والله ... وحتى خلودي كيوت فديته بس ابا اجرب البنات هالمره .....

شو رايكم ؟؟؟

**مهرووووووه** · 2008-10-19, 09:58

هاي ناديه تتفلسف ولا محد يعرف فالثاني اصلا مايبين شي لأن مايكون متكون بعد!!!

صدق فيلسوفه اونها عاااااااااد خبره

انا اصلا ماادانيها

**فله** · 2008-10-19, 10:07

يبين أكثر شي في الخامس فأكيد بنت

**مضــــاوي** · 2008-10-19, 10:11

سبحان الله .. انا بعد صار لي نفس الموقف .. عاد انا كنت امسوية يولة في البيت امسمية الولد وحاشرة الدنيا ازقروني ام فلان .. اخر شيء طلعت ابنية .. الحمدالله ..

**شيخه الغيــد** · 2008-10-19, 10:12

انا بنت خالي ف الشهر الثاني قالتلها ناديه ولد تعرف من دقات قلب البيبي وبعدين قالولها بنت و الشهر الثامن قالو ولد ويابت ولد

**عيو دبي ون** · 2008-10-19, 10:22

في الثاااااااني مستحييييييييل ..

أتأكدي ع الموعد اليااااااااااااي ..

**cocochanel** · 2008-10-19, 10:28

كيف يعني دقات القلب؟؟كيف تفرق دقات الولد عن البنت؟؟

**om yazooy** · 2008-10-19, 16:35

يقولون دقات قلب الولد اسرع من البنت ... اذا الدكتوره شاطره تعرف جنس الجنين من دقات القلب

**Me&U** · 2008-10-19, 16:41

الله يعطيج اللي تبينه حبيبتي

**BinKhadim** · 2008-10-19, 16:48

حبيبتي ... وحدة من اهل ريلي قالو الها انها بتيب بنت ... وما خلت فستان وردي ما اشترته حتى السرير والتوزيعات كل شي جاهز ... لانه بجرها ... وكانت متخبلة ... وتنومت آخر 3 شهور في المستشفى وجهاز التصوير عند راسها وكل يوم يصورون البيبي ويقولون الها بنت ... ويوم ياها الطلق وربت ... طلع ولد
وتمت اتلبسة ملابس البنات اول كمن يوم لين ما سارو خواتها اشترو كل شي من اول ويديد ...

**BinKhadim** · 2008-10-19, 16:51

والمعروف ان البنت اتكون امصكرة ريلة وضامتنها ( اونها مستحية)
اما الولد لالالا يكون عادي عندة فاتح ريلة وكل شي يبين ...
وتقدرين اتعرفين من حركة البيبي ... اذا تحرك بسرعه يكون ولد واذا تأخرت تكون بنت ...

الموضوع: جنس المولود

أدوات الموضوع

عرض