فضفضة قلب

**شعر حرير** · 2008-10-18, 21:36

خواتي الغاليات
هذا اول موضوع اكتبه
وهو شاغل بالي وايد
لاني بصراحه تعبت نفسيا وايد
لين متى بتم اشوف نظرات الشفقه حوالي والله تعبت
أنا عمري 31 وتزوجت وانا صغيرة وبعد سنه اطلقت لاسباب وايده
منها انه كان زوجي له علاقات محرمه وكنت اخاف ع عمري من الامراض
وغيرها من الاسباب
بس اللي قاهرني اني مااتزوجت للحين
ماادري ليش
رحت مره عند مطوعه قرت علي تميت ارتجف واصيح
والله دايما اسمع الناس يقولون فلانه حلوه ليش مااتزوجت للحين
ودايما انقهر يوم اسمع او اشوف المعرسات كيف متهنيات
بس مب حسد والله اني اتمنى الخير للكل
شي بنات معرسات يتعمدن احراجي جدام الكل لاني مب معرسه وانا اكبر عنهن
انا مااتوهم
يوم وحده اتقول لي جدام الكل اتغارين لاني معرسه وعندي عيال جدام الكل، وتنغزج ف الرمسه
وانتي مايخصج حتى ماطريتي العرس جدامها، شو معناته
واللي يقهر اكثر يوم تكون من اقرب الناس
شو اسوي مليت من هالعيشه
خاطري بريل ايدلعني ويحسسني بطعم الحياة
خاطري بياهل احضنه واحس بمعنى الامومه
يكفي العذاب اللي شفته ف طفولتي
لا وبعد يوم عرست خذت واحد الله لايبلي اي بنت بواحد مثله من البدايه جذاب ومخادع
واتطلقت قلت يمكن اللي ياي احسن
كنت دايما اسمع اللي تتعذب وهي صغيره ترتاح يوم تكبر
وانا اشوف العكس
صح يمكن انا عندي شي المعرسات ماعندهن اياه
بس بعد انا ابا حقي ف الحياة
لين متى بتريا
خلاص مابقى ف العمر كثر اللي راح
ويا كل دوره احس اني خلاص عيزت
بنات ادعوا لي يزاكن الله الف خير
والله انه شي بنات وايد يكلموني عن اشخاص يبون يخطبوني واقول لهم انا موافقه
وبعدها لا حس ولاخبر
شو يستوي بعدها ماادري
حتى عرفت انه كم واحد كانوا وياي ف الشغل كانوا يبون يتقدمون لي بس مااعرف شو اللي ايخليهم يتغيرون
وانا مااسوي سالفه حق حد من الشباب اللي وياي مب تكبر الكل ايعرف اني محترمه نفسي
بس مااعرف شو القصه
الغاليات لاتنسوني ادعوا لي ولكل وحده ف مثل حالتي بالزوج الصالح
عاجلا غير آجلا
والله يستر علي وعلى كل البنات
ادري طولت عليكن بس لاتنسوني
أختكم المحبه في الله شعر حرير

الموضوع: فضفضة قلب

أدوات الموضوع

عرض

مشاهدة المواضيع

فضفضة قلب

المزيد من آخر المواضيع من نفس القسم:

المواضيع المتشابهه

فضفضة

فضفضة نفس؟!!!

فضفضة

فضفضة وبس