تجمع مغتربات استراليــــــا ّّّالجزء الثانيّّّ

[Bride2007]

هلا صديقاتي ... شخباركم اليوم ..

مغتربة مكتوب بيتوفر على نص نوفمبر .. ونحنا بنسلم الشقة على نهاية نوفمبر وبنيلس في holiday apartment ...أخاف يستوي تأخير في الديليفري خاصة بيكون جريب الكريسمس وفي ضغط على البوست أوفيس .. أنا حصلت موقع ثاني يبيع نفسه ..نفس البراند واتوقع أرخص 21 دولار .. إنتي تحيدين بكم كان في الموقع لأن الحين ماشي السعر ؟!!

شوفي في ها اللينك :
http://www.gear4baby.com.au/p/470854...organiser.html

في عندهم عرض في الموقع إذا شريتي إب 80 دولار وطالع الديليفري فري .. أنا باخذ منه 4 يمكن ...

بس من البامبيني ويب سايت .. خذت نفس شنطتج ووحدة ثانيه حق إختي الأبيض المنقط بالاسود .. وخذيت قراضة الأضافر عيبتني كيوت ..خخخخخ .. وخذيت الدمية (الولد والبنت الاثنينه ) اللي حق سبوح البيبي .. مبقعة أونه إب وساخة من ما إتحطينها في الماي تنظف الدمية .. أستانست عليها واااااايد أحس اليهال بيحبونها ...













كنت شكلي بشخط بالفيزا شخاااااااط مبارحة .. بس قلت حق عمري ستوووووووووووووووووب ...

خخخخخخخخخخ ... شو رايكم بمشترياتي ؟!!!!

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Bride2007]

روز ... مشكورة إختي على الموقع .. في ميزان حسناتج إن شاء الله


سنيوورتي .. هذي البيتزا اللي أٌقولج عنها ..في الصورة طالعة ضعيفة شوي بس في الطبيعة أمتن بوااااايد .. لازم تجربينها .. بس عاد دوريها في أي سكة من السكيك هناك ...خخخخخخخخخ

[IMG][/IMG]
وهذي الفواكه .. يم يم يميييييييييييييييييي.. مادري جان بتحصلينها في الشتاء ولا لا !!!!!

[IMG][/IMG]

[مغتربة2]

هلا برايد،،
بالنسبة للسعر كان 23 دولار اتوقع..
وحلوة الشغلات اللي طلبتيها وخاصة الولد كيوووووت..

بالنسبة للموقع اللي حطيتيه كيف التوصيل دور تو دور ؟ واسعاره ارخص شوي
عيبتني الشنط بس غالية شوي..

وياسلام شو هالصور روعة!!
انا ودي اسير سويسرا خلاص غيرت ابا اسير ايطاليا ..

عجبتني حركة الفواكة ممكن الوحدة تسويها فالبيت و تقدمها للضيوف!! عملية..

[Bride2007]

مممممممم... مغتربة مادري والله .. بس حلو إنه إذا إنتي بتطلبين من برع أستراليا ما يحسبون قيمة التاكس ... بس مكتوب يوصلون عن طريق أستراليا بوست ..
أنا اول مرة أطلب أون لاين من أستراليا .. ما عرف شو الاجراءات ...

مممم بس مكتوب التوقيع مطلوب عند الاستلام يعني أتصور درو تو دور !!!

http://www.gear4baby.com.au/g/9050/customer-info.html

[Bride2007]

مغتربه .. كلهم حذال بعض .. نحنا سرنا فرنسا .. سويسرا وإيطاليا بالسيارة .. طلعيلج شينغن فيزا وصيعي في أوروبا كلها بالسيارة .. تعرفين .. ما بتملين موول بالسيارة الجو حلو وإتشوفين مناظر حلوة وتجنن في الدرب .. حتى أذكر من ما طلعنا من سويسرا ودخلنا حدود إيطاليا سبحان الله بتلاحظين ها الشي من لون الجبال والخضرة حتى طوب البيوت لونه غيييييييير ...

سويسرا أحلى شي فيها ريفها .. تخبللللللللللللت .. والله تقولين هايدي بتفاصيلها السحاب النازل سبحان الله .. أقول حق بعلي ييبلي كوخ هناك وبقرة ومابى شي في الدنيا ..خخخخخخخخخخخ

جنيف موول ما حبيتها ..حتى في جزء منها وسخة .. مادري وين إنخشينا يوم كنا نتمشى صوب البحيرة مالتهم وإنصدمت !!! بنزلج صوره السحاب عشان تشوفين الجووووووو ..

[Bride2007]

مغ مغ .. نسيت أقولج نحنا يوم سيرنا سويسرا سكنا في جنيف بس .. وتحسرت ليش ما حجزنا في الريف .. إذا إنتي من عشاق الطبيعة وسرتي إن شاء الله حجزي هناك أحلى .. جنيف بس مشي على البحيرة وشوفه أمة العرب هناكي وشوبينغ عادي .. أنا أوافق سموي ويعبيني في السفر أسير أشوف معالم وطبيعة البلد أكثر من التسوق .. لاعت جبدنا من الشوبينغ والمولات في دبي ... خخخخخخخ

مقارنة في أستراليا .. نحنا شهر 7 سرنا سيدني .. كانبرا وملبورن بعد بالسيارة .. ما يسوى مووووول الصراحة الشوارع مب مريحه أونه خط سريع .. عادي تعلقين فيه من أعمال الطرق والشاحنات مال نص ساعة ..لأن سيد رونغ سيد بس .. خدمات في الطريق ماشي .. ذبحونا بالماكدونلز .. يعني عادي يبالج ما 100 كيلو لين ما تحصلين محطة بترول وصعبة اتوقع إذا وياج يهالو .. والطبيعة هي وحدة ما تتغيرسهول منبسطة بس و كم من بقرة وأحصنة .. يعني منظر عادي جدا ..

عكس أروبا خطوطها السريعة مريحه وتحصلين محطة خدمات كبيرة كل شوي .. وفيها كل شي ..

وهايدي الصورلعيووووووووووونك .. في الدرب وعلى الجبال وايد بتحصلين مزارع العنب .. وشوفي ها البيت اللي فيه ورود (هذا محل طبعا ) بس في الريف بيوتهم كلها جي مزينه بالورود اللي تفتح النفس ..

أقووول الحين الموضوع تحول سياحي ..خخخخخخخخخخخ

[IMG][/IMG]

[IMG][/IMG]

[IMG][/IMG]

[مغتربة2]

انا سرت النمسا والمانيا تقريبا اسبوعين وعشقت سالزبورغ في النمسا حست فيها تلاريخ وحضارة!!
وريلي تخبل على زلامسي حبيتها.. بس من كثر الكويتيين حسيت اني بالكويت خخخخخخخ..
وإن شاء الله في المستقبل اسير سويسرا خاطري فيها والله كريم ياختي..
السفر حلو بس يباله بيـــــــــــــزات وخاصة اوروبا غالية..
يالسة اتصفح الموقع ومحتارة شو اشتري..

[مغتربة2]

ههههههههه حلوة مغ مغ ولا اقولج ماغي احلى

الصراحة الصور حلوة خاطري ادش بالشاشة واسير للمكان ياريت!!

عيل قلتيلي شوارعنا الاوزية مب شي!!
وكم خذتو لين ملبورن وسيدني بالسيارة؟ كم ساعة؟
شي ناس يسيرون بالقطار واذكر مرة شفنا كابينه فيها سرير لوووووول
والله يعزج حمام بو نص متر فنص متر.
اقول لريلي نسير بالقطار ننخمد عالسرير لين ما نوصل ههههههه
بس قطاراتهم مب راقية شرات اوروبا يعني مال مشي حالك..

محتارة شو عشاج اليوم اليوم فطرت باجر بصوم إن شاء الله
وشكلي بسوي بيض وطماط
بخبرج سر عشان يطلع البيض والطماط عجيب!! اول شي حطي الطماط فالطابي قبل الزيت لين ما يلين..
بعدين الزيت ويوم يحر صبي البيض واكيد نضيف كلمة السر شوية (ملح وفلفل اسود) هههه
وطشونة هيل مطحون بيطلع يمي يمي..
لازم ارد للطبخ.

وعطاري الملح والفلفل تذكرت سموتي
كيفيك وشخبار الروضة؟
الله يعينج الحين استعدي لطلبات المدراس والواجبات ؟

فانولا اليوم شكلج إجازة ..

مارينا اكيد سرتي دبي للفيزا

سوريلا شخباركم ويه ال

[Bride2007]

أوكيك ماغي .. أحلى بعد .. ساعة ياسه أفكر شو أدلعج ..

أنا ابتعدت عن الشاشة قليلا ودخلت المطبخ ... بنت حلال ... خخخخخخخخخخ
بعلي مسوي رجيم وأنا باجر برد أكمل صيامي بعد إن شاء الله .. حست ودرت في المطبخ .. وووووووووووووووو

ورديت على الباستا ..خخخخخخخخ ياسةأسوي سباغيتي ...

ويت .. بخلص طبيخي وبرجعلج ...

برب

[rose_dxb]

هلا شحالكم


حبيت اسلم علييكم اليووم و خاصه ان اليوووووووووووم اجازه

بس كان عندي موعد في المستشفى اليوم و البارحه كنت اتريا امايه ترد من المطار عشان افج الشنط و ما طلعت من حجرتها الا قريب الفجر عقب ما شلييت نص الاغراض

تقولي حبيبتي ها مب لج احتشر و اقولها حرام انا اخر العنقووود

و طبعا ماا خليت شي الا شليته الي حقي والا حق اختي


و هاي قصتي اليوم

انتو شخباركم اليوووم

[Bride2007]

هلا شحالكم


حبيت اسلم علييكم اليووم و خاصه ان اليوووووووووووم اجازه

بس كان عندي موعد في المستشفى اليوم و البارحه كنت اتريا امايه ترد من المطار عشان افج الشنط و ما طلعت من حجرتها الا قريب الفجر عقب ما شلييت نص الاغراض

تقولي حبيبتي ها مب لج احتشر و اقولها حرام انا اخر العنقووود

و طبعا ماا خليت شي الا شليته الي حقي والا حق اختي


و هاي قصتي اليوم

انتو شخباركم اليوووم

هلا روز نحنا بخير والحمد الله .. توني مخلصة عشاي وياسة أغرغر كوكا كولا ..
سلامات ما تشوفين شر .. ليش سايرة المستشفى ؟!!!!!

ماغي .. الحين بكتبلج تقرير الرحلة .. إنتظريني ..

[rose_dxb]

والله الحمدالله ع كل حال بس هاي زياره رسميه اسبوعيه ^^ ع قوله الوالده تشيييك الوكاله

[rose_dxb]

بالعافيه ^^ انا بعد كنت اتغدى

[Bride2007]

الله يسلمج نحنا سرنا في شهر 7 عز البرد .. بس أحلى حق الدرب تعرفين الشمس الساطعة الأوزية كيف !!!

طلعنا من جولد كوست الصبح لمنطقة Port Macquire تبعد مال 5 ساعات ونص من جولد كوست .. ريحنا يوم هناك .. هي منطقة هادية ما فيها شي بس أحلى شي فيها كورنيشهم نفس مال الممزر بس أحلى لأن محيط تشوفين الدلافين سايرة رادة ...

ثاني يوم كملنا علي سيدني تقريبا ساعتين ونص من بورت ماكوير .. اهل المنطقة يسمون سيدني الداون تاون ..خخخخ ضحتكتني مالت الفندق يوم قالت بتسيرون الداون تاون .. سيدني مدينه كبيرة خلتها تاون .. المهم تمينا هناكي مال 5 أيام ..

عقب طلعنا على كانبرا .. من سيدني تقريبا 3 ساعات ونص .. كانبرا مدينه هاديه مافيها شي تحسينها سياسية بس كانت بااااااااااااااردة .. شوارعها وايد مرتبة وواسعه نفس دبي .. عيبني السينتر مالهم .. كانبرا سينتر .. كبيييييييرو ووايد نفس السيتي وأكبر شوي وسينمتهم حلوة وراقيه عكس اللي عنا في جولد كوست .. ترى من الملل دخلنا السينما ماعرفنا شو نسوي هناك ..خخخخ

من كانبرا على ملبورن تقريبا 6 ساعات ونص .. ويلسنا هناك 4 أيام أظن ..

وبالردة من ملبورن سرنا Blue mountain هذي فظيعة إذا عزمتي تسيرين سيدني خذي تور من سيدني على بلو ماونتين بعيدة عنها مال ساعة ونص يبالها يوم كامل بالتور.. بس نحنا خلينها بالردة من ملبورن عشان ما نتملل ..

الناس تروح بلو ماونتين عشان ها المكان اللي في اللينك والكهوف وشي أظني مزارع برتقال بعد :
http://www.scenicworld.com.au/

نحنا كنا حاجزين يومين في بلو ماونتين بس يلسنا يوم وما تحملنا .. هي منطقة فوق الجبل ومستوى الفنادق مب لين هناك .. الفندق اللي حجزنا فيه الله لا يراويج .. روحه قصته قصة ... المهم نشينا الصبح حطنا وسرنا السينك وورلد وردينا سيدني .. بتنا يوم واحد هناك .. عقب من سيدني كملنا على جولد كوست تقريبا مال 8 ساعات.. أنا كان خاطري أسير الكهوف بس لأن كنا سايرين روحنا ماكان شي وقت خفنا تظلم الدنيا وكان ورانا ننزل من الجبل .. سالفة الفندق خربت علينا ..

إنتي وحظج عاد في الدرب نحنا وايد كنا نوقف عشان اعمال الطرق والشاحنات البطيئة ..

أهم شي بعد ..بعد الساعة 5 ما تسوقون في الهاي ووي .. نحنا كنا مخططين بطريقة نوصل الاماكن قبل ما تظلم الدنيا ... تعرفين ماشي ليتات وشوارعهم منحنية وساعة تدخلين بين كومه شجر يعني خطر ...

وسلااااااااااااااااامتج ..

[Bride2007]

روووووووز .. خخخخخخخخ حلوة هاي تجييك أسبوعي .. خخخخخخخ

إن شاء الله قطع غيارج طلعت سليمة .. هههههههههه