تجمع مغتربات استراليــــــا ّّّالجزء الثانيّّّ

**مغتربة2** · 2008-10-18, 09:48

السلام عليكــــــــــــــم ورحمة الله وبركـــــــــــــــــــاته

شحالكم خواتي وعساكم بخير

طبعا الموضوع الأول تسكر،، صار فـــــــــــــل

هالتجمع اليديد والله يجمعنا وياكم على كل خير..

ودمتم في حفظ المولى ورعايته..

المزيد من آخر المواضيع من نفس القسم:

**vanilla sky** · 2008-10-18, 09:59

ليش الحد الائتماني خلص

يسلموو مغتربه ^.^

**مغتربة2** · 2008-10-18, 10:18

مرحبا بنات حبيت اقسم المعلومات اللي فالجزء الأول عشان نسهل التصفح للأخوات،،

واللي ممكن تفيد كل مغتربة يدية فاستراليا حسب التالي:

رابط الجزء الأول

ّّّّّّّّّّّّّّّّّّّّّّّّ

الشحن لاستراليا؟

صفحة 11

بعض المحلات المعروفة في استراليا

صفحة 12

اقوى 15 جامعة فاستراليا

صفحة 41

ّّّّّّّّّّّّّّّّّّّّّّّّ

بعض المواد الغذائية

صفحة 22

مواد غذائية1

صفحة 61

مواد غذائية 2

صفحة 62

ّّّّّّّّّّّّّّّّّّّّّّّّ

عناوين البقالات العربية في برزبن؟

صفحة 39

بعض الاماكن السياحية في برزبن

صفحة64

ّّّّّّّّّّّّّّّّّّّّّّّّ

بنات سمحولي هاللي تذكرته

واللي تحس انه شي معلمومات ناقصة ممكن تضيفها ويزاكم الله خير

**مغتربة2** · 2008-10-18, 10:19

المشاركة الأصلية كتبت بواسطة vanilla sky

ليش الحد الائتماني خلص

يسلموو مغتربه ^.^

الله يسلمج حبيبتي وشحالج اليوم؟

**vanilla sky** · 2008-10-18, 10:33

الحمد الله بخيييييير شحاااااااالج انتي ..

مشاءالله عليج .. حلوو الفهرس للي سوويته حق الجزء الاول ^_^

**مغتربة2** · 2008-10-18, 10:39

هلا برايد

عطاري الشنطة اللي من بامبيني www.bambinipronto.com.au

لا لاتحاتين الشنطة واسعة بحطي لج الصورمن داخل والتقسيمات ممكن تشلينها

تشوفين هالتقسيمات تتبطل عادي حسب ما تحبين..

ممممممم والبضاعة وصلتني بعد 8 ايام بالتمام والكمال..

،،،،،،،،،،،،،،،،،،،،،،،،،

اليوم ريلي فالجامعة وما بيي إلا بالليل والعربانة فالسيارة،،

وماشي حليب للكتكوت اعمل ايييييه؟؟؟ ما اروم اشله بيدي واسير كولز بينهد حيلي!!
قلت له معلي هات له من اي صيدلية فال: اليوم ويك انك كل شي يسكر بسرعة!

والمفاجأة :
ماشي صيدليات تفتح 24 ساعة فبرزبن!!!!
امحق صيدليات!!
سويت سيرج وحصلت
بس شي كمن وحدة تفتح من الصبح للساعة 11 بالليل اللي عرفتها

Aspley Day and night pharmacy
1370Gympie Road
Aspley
tel:732631133

وبالنسبة للصيام صايمة والله ,وباجي لي يوم واخلص بإذن الله

و شربي ماي واااااااايد..

**سنيورينا** · 2008-10-18, 12:02

السلااااااام عليكم
اشحالكون صبايا
مشكوووووووووورةه يامغتربه علوصفات الحلوة اللي عطيتيني اياها
بجربها باجر وبرد لخ خبر تسلمييين
هاه شو خططكم في الويكند؟؟
كنا على اساس نروح ميلان بس الجو مايساعد برد وامطار
(مريتو)الهزبند عنده كورس لغه فالجامعه بيرجع وبنقرر شو بنسوي

**سنيورينا** · 2008-10-18, 12:07

خيتو فانيلا
اخبارج شو الاجواء عندكم
هيه ماخبرتكم امس سرنا محل الالعاب ولدي حاشرنا من زمان يبا سيارة رسوم كارز
رحت والله لايراويكم العاب الهلوين عااااافانا الله
استغرب كيف يشترون هالالعاب واحد يقص راسه بالسكين وملابس تخرررررع
حتى عيالي خافوووو واولله مرة اشوف ريلي جيه يزيغغغغغ
خخخخخخخخخخخخخخخخخخخخخخخخخخخخخخخ
كان يمشي فحاله فجاه جيه نزلت عليه جماجم خخخخخخخخخخخخخخخخ
نقز حسيته كاتم الصرخه لوووووووول

***عواش*** · 2008-10-18, 12:13

[Bخيتو فانيلا
اخبارج شو الاجواء عندكم
هيه ماخبرتكم امس سرنا محل الالعاب ولدي حاشرنا من زمان يبا سيارة رسوم كارز
رحت والله لايراويكم العاب الهلوين عااااافانا الله
استغرب كيف يشترون هالالعاب واحد يقص راسه بالسكين وملابس تخرررررع
حتى عيالي خافوووو واولله مرة اشوف ريلي جيه يزيغغغغغ
خخخخخخخخخخخخخخخخخخخخخخخخخخخخخخخ
كان يمشي فحاله فجاه جيه نزلت عليه جماجم خخخخخخخخخخخخخخخخ
نقز حسيته كاتم الصرخه لوووووووول
[/B]

هههههههه

انا رازه ويهي *.*

يسلمو ع الموضوع *.*

بيبااااي

**سنيورينا** · 2008-10-18, 12:26

*هلا فيج ياعواش *نورتينا خيتو

**مغتربة2** · 2008-10-18, 12:48

هههههههههه
عطاري الهاليوين والله بعدني ما شفت شي لانا هالونك بنقضيه بالبيت

ويقولون الاستراليين مب وايد يرتبشون علية الامريكان والبريطانيين اكثر..

بنات تعرفون شو سالفة الهاليوين؟

الهالويين أو عيد القدّيسين هو احتفال يقام في ليلة 31 أكتوبر من كل عام.
عيد هالويين في أمريكا هو عيد لجميع الديانات وليس حصرا بالديانة المسيحية.

ويقوم العامة فيه بتزيين البيوت والشوارع باليقطين والألعاب المرعبة
ويلبسون حلي وعقود مصنوعة من الثوم والبصل
ويرشون بيوتهم بالملح لأبعاد الأرواح الشريرة عن المنازل.

ويتنكر الجميع من كبار وصغار لكي لاتعرفهم الأرواح الشريرة
حيث تقول الأسطورة بأن كل الأرواح تعود في هذه الليلة من البرزخ إلى الأرض
وتسود وتموج حتى الصباح التالي من العيد.

وتدور الأطفال من بيت لاّخر ومعها أكياس وسلال لتملأها بالشوكولاته،
ومن لا يعطي الأولاد المتنكرين الشوكولاته وحلوى الكاراميل يغضب منه الأرواح الشريرة

عيد هالويين عيد جماعي ممتع يزيل الفوارق الأجتماعية
ويملأ الجو دعابة ورعب خفيف مسلي ومضحك

.
المصدر: وايكبيديا

الحمدلله على نعمة الاسلام والعقل!!

،،،،،،،،،،،،،،،،،،،،،،،،،،،،،،،

اخبرج سوريلا

مريتو يعني هزبد ولا يعني: يطحن ،، يهرس، يدق

ههههههههه!!!

شكلي فاهمتها غلط

واليوم يالسة اهرس الثوم وتذكرتج واقول ميريتو وميرتو !!!

اوني بسوي مكرونة حسب طريقتج وخبصت الدنيا،،
احس اني ماكله مكرونة كوكتيل ههههههه
المشكلة كنت بالمطبخ وتعايزت افتح الابتوب

عسب اتأكد من طريقتج

جان اخلط طرقتج بطريقة برايد

سويتكم مجبوس
حطيت بصل وثوم وتونة وبقدونس وشوية نعناع واوريقانو وكريمة وفوتشيني وطلع كوكتيشني!!

المهم فطرت وخلصت الصحن..هع!

،،،،،،،،،،،،،،،،،،،،،،،،،،،،،،،،،،،،،،

أختي عواش
الصراحة توقيعج يموت من الضحك!
تعالي حبيبتي لو اقدر جان عطيتج 10 كيلو لحم

وبزيدهم لج 5 شحم
ومشكورة عالمرور

**سنيورينا** · 2008-10-18, 13:43

لوووووووو
اخبرج سوريلا

مريتو يعني هزبد ولا يعني: يطحن ،، يهرس، يدق

ههههههههه!!! شكلي فاهمتها غلط

واليوم يالسة اهرس الثوم وتذكرتج واقول ميريتو وميرتو !!!

احس اني ماكله مكرونة كوكتيل ههههههه
المشكلة كنت بالمطبخ وتعايزت افتح الابتوب عسب اتأكد من طريقتج

جان اخلط طرقتج بطريقة برايد سويتكم مجبوس
حطيت بصل وثوم وتونة وبقدونس وشوية نعناع واوريقانو وكريمة وفوتشيني وطلع كوكتيشني!!

الالله يقطع بليسج
موووووووووووووووووووتيني ظحك والله حتى العيال اسغربواا
وووووووووووووووووووووول
هههههههههههههههههههههههههههه
كشخه طريقتج بجربها وبقولج
مريتو خيخخخخخخخخخخخخخخخخخخ
يعني هزبند

وزوجه مولياااا
واخ فرتللو
واخت على قولتج سوريلا
الجو هني برررد الحرارة 12 ونتو؟شومسوين مع البرد
العيال ظاربهم زكام والحاله حاله
دعواااتكم سوريلات

**Bride2007** · 2008-10-18, 14:25

هههههههههههههههههه .. الله يخس إبليسج يا مغتربة .. ضحكت ضحكة عالية على ال كوكيتشيني مالج .. زين بعلي طلع من شوي من البيت ولا بيقول هاي أستخفت وقعدت ..

يشوفني ها الأيام كله أطبع تشيك تشيك تشيك.. قلتله أكلم صديقاتي المغتربات بنات استراليا و صديقتنا من إيطاليا .. قاللي عاد في شوو تسولفون .. قلت ماشي والله.. طبيخ ودكاكين وشوبينغ ..

قال الحمد الله والشكر .. سبحان الله الحريم يتمون حريم وين ماوصلوا وشو ماخذو من شهادات .. خخخخخ جااااااااان أعطيه هاك الهزاب وشوووووووو قصدك .. خخخخخ

المغتربه ميرسي على الايميل ..الموضوع من مبارحة مسكر .. عاد أنا كنت ملانه حدي بش شفت سموي على الشات ودقينا سوالف .. أتوقع اليمت 80 صفحة !!!

أنا اليوم سرت الوول ورث شريت أغراض البيت .. كان مصفرررررررر ..
وإتغدينا في مطعم هندي ..وإتمشينا شوي في السيرفر.. وسرت الروبينا رديت الجاكيتات كوكو بس ما شريت شي عطوني بداله جيفت كارد بتشرى عقب ..

هي صدق مغتربه .. إنتي متى سايرة سنغافورة ..في عرض لين 14 نوفمبر .. Book 2 night and get 1 free مع تور الباص والنهر أظن .. على فنادق معينه .. بطرشلج الموقع إن شاء الله .. يمكن يفيدج

سينوريتا .. شخبارج اليوم ؟!!! ممممممم سرتي فينسيا سينيورة .. نصيحة لا تطوفينها .. جو ساحر وحياة ثانية هناك .. أخوي سار في الشتاء ويا حرمته قال ما إستانس وايد لأن كااااان بردددد شهر 10 أظني .. أنا سرت شهر 7 السنة اللي طافت الجو كان حلو مب حر ولا برد .. واستانست وايد .. بس عندهم كرنفال مادري أي شهر يقولون وايد حلو... مال الأقنعة ... دونت ميس إت !!!

فانيلا ... شحالج عزيزتي .. وشو يديدج !!!

**Bride2007** · 2008-10-18, 14:30

مغتربة .. هذا الموقع :

http://www.asiatravel.com/uniquelysi...eweekend3.html

وثاااااانكس على صور الشنطة حبيبتي ..

**سنيورينا** · 2008-10-18, 14:58

اهليين برايد حبيبتي ...
بتخبرج عندكم مطاعم حلال؟؟؟
حظظظظظظظظكم تصدقين هني ولا حتتة مطعم حلال ماغير هالكباب اللي تحت وبسسسس
ريلي ياكل من ماكدونالد اقول هذا مب حلااااال كيف تاكله يقول انت قولي بسم الله خخخخخخخ
اكل برجر سمك بس
على طاري فينيسا تصدقين بنسير شهر 12 عزززز البرد اهل ريلي احتمال ييون واخته فخاطرها تروح
احس مابنستمتع بس شنسوي حشرة مع الناس عيد

الموضوع: تجمع مغتربات استراليــــــا ّّّالجزء الثانيّّّ

أدوات الموضوع

عرض

تجمع مغتربات استراليــــــا ّّّالجزء الثانيّّّ

المزيد من آخر المواضيع من نفس القسم:

المواضيع المتشابهه

تجمع مغتربات امريكااااا شيكا بيكا ^,^ حياكن الله

مغتربات استراليا

مغتربات ألمانيا..

تجمع مغتربات ايطاليا

تجمع مغتربات بانكوك