بتزوج من وافد

**الدوسريه** · 2008-10-18, 23:58

المشاركة الأصلية كتبت بواسطة غلا ملحود

السلام عليكم و رحمة الله و بركاته ..

ماقصرن خواتي فـ ابداء الرأي ..

و الريال بمعدنه و أخلاقه و اصله و فصله .. مبـ من جوازه و الأوراق الرسميه ..
و الحرمه شو مايصير تتبع زوجها .. لو صار عليه شو مايصير
تفنيش أو اصدار قانون على المقيمين ...
و أرض الله واسعه و الأرزاق بيد الله .. مبـ بس فـ الدوله ..
الحرمه تدور الستر ...و ريال يكون لها سند و عون ...
و اللي تقول ان شباب البلاد شكثرهم ..
كلنا نعرفـ ان نسبة الاناث أضعافـ اضعافـ الشباب ..
و وايد من الشباب ياخذون جنسياتـ أخرى .. يعني لو كل بنيه تتريا ولد البلاد

نسبة العنوسه بتصير بالأضعافـ ...

الغاليه .. الأصل و العروبه فـ دولة الامارات و بس ..
كلنا نعرفـ ان معضم المواطنين بالتجنيس ..

مافي داعي للرمسه اللي تعقينها ..

العروبه و الأصاله فـ أهل الشبه الجزيره العربيه ..

و العربـ و الأصاله من بلاد اليمن إلى الشام

ثانيا .. انتي تقولين شو بيصير فـ البنيه يعني لو تزوجت
اللي ايده بالماي مبـ مثل اللي ايده بالنار ..

عيل شحقه ربي حلل الزواج و قال النبي عليه الصلاة السلام انه نص الدين ..

هذي نعمه إلهيه و فيها حكمه ..

و فـ الاخير .. يا بناتـ .. الستر زين

بــارك الله فيج كفيتي وووفيتي

**miss-bentuae** · 2008-10-19, 00:08

اختي اذا المواطنه خذت الوافد وولد البلد منو بياخذ وافده!!!!!!!!!!!!!!!!!!!!!!!!!!
عيل عينا من الله خيرر ورااحت البلد وضاعت هويتهاا...ماشاءالله من كثر الجنسيات الموجووووده وتاثيرهااا السلبي...
الله يعيناا اختي..ولاتنسين الوافد وافد حتى لو اخذ الجواز وتزوج من ابناء وبنات البلد بيظل غريب الدار
ولاتنسين حبيبتي حلات الثوب رقعته منه وفيه قالوهاا الاولين وما جذبواااااااااا...
اللهم سخر ابناء البلد لبنات البلد...
ومشكورة فديتتج

**uAe eVe** · 2008-10-19, 00:08

اللي ايده بالماى مب مثل اللي بالنار

صح اني معرسه ومرتاحه بس اعرف غيري اللي يترين
واعرف قيمة وجود ريال بحياة المرأه والعيال

طبعا ماقول خذي وافد بس انه ظل ريال لا طبعا
دينه واخلاقه اول
وضعه بالبلاد اذا مرتاح والحمدلله..وضعه بعد ببلاده كيف عسب اذا فرضاً الظروف اضطرته يرد بلاده تضمنين انه تردين بوضع مستقر

بس انه حيالله واحد..وتمين تراكضين لعيالج بجواز وجنسيات وبيت وغيره لا..الطمع بعد مب زين
انتى اخترتي الستر خلاص..الحمدلله دام ربي سترها معاج ورزقج ريال فيه الخير وشفتي ذريه صالحه منه
الماديات مب كل شي..كنتي تميتي عند اهلج مرتاحه...مادياً....بس فارغه روحياً

والاهم باي اختيار سواء عيال البلاد ولا وافدين صلاة االاستخاره اهم اهم اهم شي

من سمع قال اللي خذت المواطن ارتاحت..مب جنه المحاكم متروسه قضايا طلاق وفضايح الله يستر عليهم

ديننا ماشاءالله واضح...بس مشكلتنا نخلط الماديات والعادات بامور الدين

**miss-bentuae** · 2008-10-19, 00:12

المشاركة الأصلية كتبت بواسطة sa7el

هاي نظرتج انتي و رايج،، ليش ما سمعتي من القرآن قول الله تعالى (و خلقناكم شعوبا و قبائل لتعارفوا)
و حديث الرسول عليه الصلاة و السلام يقول، من ترضون دينه و خلقه فزوجوه
ما قال ما ترضون أصله و فصله و جوازه

و فوق كلام الله و رسوله ماشي كلام لو شو ما الواحد قال

[COLOR="Red"]

وفي حديث بعد بما معناه وتحروا العرق تراه دساس!!!!!!!!!!!!!!!
وبعد الرسول وصى اشياء وايده مثلا تكون بيئه الزوج او الزوجه بيئه صالحه متوافقه مع بيئه الزوجه.. والحكمه هي تربيه الابناء...
ما في فرق اتقولون ماتشوفون الفرق في اللبس والكلام والعادات اذا ما فيه فرق خلاص شورايكن نتزوج امريكي مسلم وغيره هندي مثلا وبكستاني مسلم كلنا مسلمين صح!!!![/

COLOR]

**زهر الرمان** · 2008-10-19, 00:24

المشاركة الأصلية كتبت بواسطة miss-bentuae

[COLOR="Red"]

وفي حديث بعد بما معناه وتحروا العرق تراه دساس!!!!!!!!!!!!!!!
وبعد الرسول وصى اشياء وايده مثلا تكون بيئه الزوج او الزوجه بيئه صالحه متوافقه مع بيئه الزوجه.. والحكمه هي تربيه الابناء...
ما في فرق اتقولون ماتشوفون الفرق في اللبس والكلام والعادات اذا ما فيه فرق خلاص شورايكن نتزوج امريكي مسلم وغيره هندي مثلا وبكستاني مسلم كلنا مسلمين صح!!!![/

COLOR]

أختي بالنسبه للحديث تفضلي
1ـ حديث : " تزوجوا في الحجر الصالح ؛ فإن العرق دساس "

موضوع ... سلسلة الأحاديث الضعيفة ( رقم : 3401) .

2ـ حديث : " الناس معادن ، والعرق دساس ، وأدب السوء كعرق السوء"

ضعيف ... سلسلة الأحاديث الضعيفة ( رقم: 2047) .

3ـ حديث : " أقل من الدين تعش حرا ، وأقل من الذنوب يهن عليك الموت ، وانظر في أي نصاب تضع ولدك ؛ فإن العرق دساس " .

ضعيف جداً ... سلسلة الأحاديث الضعيفة ( رقم : 2023) .

ويجب أن يعلم أن الكفاءة إنما هي في الدين والخلق فقط

**الريـم** · 2008-10-19, 00:44

حتى شي شيخات ماخذين سعوديين وقطريين ...
انا عن نفسي ما باخذ وافد .. بس كلن ينام على الجنب اللي يريحه ..

**um sheikha** · 2008-10-19, 00:45

مريوم لمهيري .. لا خلا وعدم منكن فديتج
ياحافظ على بنات العرب والقبايل!
والله لو أيي عند يدي ولا أبويه ولا أخويه ولا خالي ولا عمي ولا عيال عمي وافد قبل لاينطق يمين ليدفنونه في محله عنبوكن وافد حسبي الله ونعم الوكيل يعلني ماأشم ريحت العرس البيت إلي رباني وأنا صغيره هب عيزان عني وأنا حرمه عنبوكن ماوراكن ريايل حللتن على عماركن الوافد ..أمحق زمان يوم بصوم بصوم وبفطر على وافد ولد العرب والقبايل يتقارن بالوافد بس عليه عيالي يربون بين شيابهم وهلهم وروسهم مرفوعه .. وشو هالمقارنه إلي لاألها أول من تالي ؟
المواطنين ماخذين وافدات ؟ كم هم الأغلبيه كم واحد وأكم ردو يدورن على بنت دارهم بنت العرب والقبايل راعية السنع ولمعنى.
وشو موضوع يمشون على العادات وخلو الدين؟
منو معلمنا على الدين هب شيابنا وعيايزنا منوعمنا العيب والمنقود والسنع والحلال والحرام هب شيابنا وعيايزنا ألحين صاروا يمشون على العادات والتقاليد والعادات والتقاليد من وين شيابنا يايبينها هب من دينهم .
الله يرحمك يابوخليفه زين يوم حطيت قرار ينسحب جواز المواطنه ألي تاخذ وافد الله يرحمه ياربي.
خواتي إلي تبى تاخذ الوافد هناك المحكمه الله يبارجلها وقبل ما تطلع تسلم جوازها .
والله ياردودكن أنها أتيب المرض .
مريوم مشكوره الغاليه .

**مكيااجي** · 2008-10-19, 00:55

انا مب مع او ضدد بس انا الي اعرف انه الي لها نصيب على حد ولو كل الدنيا اجتمعت عليها نصيبها بتخذه بنخذه والي مالها نصيب بحد ولد بلدها مثلا مالها نصيب كل كل الدنيا وافقه عليه والبنت وافقت مابتخذه مابتخذه فكل شي بها الدينا قسمه ونصيب سواء رفضنا او رضينا

**lailee** · 2008-10-19, 00:56

بعد ما قريت كل الردود والي توقتعتها طبعا وان هذا الموضوع الي ماله داعي ينطرح يخلينا نقرا كلام ما منه فايده ويزيد الحساسيه بين البنات لانج ما تلومين الوافده لو دافعت عن ولد ابلادها ولا انلوم الوحده لو عدت الثلاثين وفكرت بالزواج حتى من وااافد انا اعتبر هالشي شخصي لا زواجها من وااافد دامها مب اختي ولا امي بيأخر ولا بيجدم شي في الموضوع البلاد خربااانه خربانه بالعكس صار الوااافد المستثمر فوق الراس والمواطن تحت الريول لا تزعلون جوفوا حواليكم وانتوا بتعرفون الدنيا اتغيرت بينهون خدمة وااافد لا تفكرون بييبون مواااطن لا حبيباتي بييبون اهل العلم والاختراعات والمواطن محروم حتى من انه يجرب حظه والي بيسوي جي مواطن عسل مثله مراات اقول لو اتزوجت من البنغالي صاحب اكبر سلسة دكايين بابو والي مستخدم عماله في تشريد الخدمات مب احسن من المواطن المقصوص عليه والي كل ثلاث شهور يدفع له المبلغ الفلاني عشان اييب شغالات يداد انا احيي بنات هالوقت على تفكيرهن بالزواج من وااافد لان صار الكل بالكل وجان على روحتها لبلاده بعد عمر طويل تراها ما بتروح خسرانه بعد ما ريلها يشقى ويتعب وياخذ من خير البلاد وبعدين بيقول تراني ما اشحت هذا ثمن تعبي وهو صادق جوفو حبيباتي المتزوجات دام هالبنت ما بتكون ختج لا تدخلين عمرج طالما ما بتحلين الها مشكلتها وتعطينها ريلج انا عن نفسي خلها تتزوج الي تتزوجه وانا شو علي دام ريلي وياي اتمن مب غلق هالموضوع الا عدم طرحه مره ثانيه ترى الضرب بالميت حراااام والسموحه

**مطرطعه** · 2008-10-19, 00:59

الاحظ كثير عندكم كلمه وافد وافد ؟؟مدري ليه

**السوناتا** · 2008-10-19, 01:05

المشاركة الأصلية كتبت بواسطة om3laawi

الغاليه ..

بقولج ردي واتمنى ما تزعلين ..

انت ما عديتي 30؟! ولا يلستي في البيت تبجين حظج؟!! يومها بس بتقولين عادي اي شي المهم ريال .. الوحده يوم يكون عمرها 15 بتقول ابي مواطن ودارس وحليو .. عمرها 20 بتتقلص شوي الشروط مواطن وحليو .. عمرها 25 بتتقلص اكثر واكثر .. لين ما توصل 30 عقب بتقول والله المهم ريال ظل راجل ولا ظله حيطه وهي مب انانيه هي تبي تستر على عمرها اعرف وايدات كانن يتشرطن والحين يوم طاف العمر والله الوحده تبي اي شي المهم تسمع كلمه ماما .. اختي انتي ما تعرفين ظروف كل بنت ولا تعرفين كيف عايشه انا والله مع الستر اذا جفتيه طيب ولد ناس ويحشمج استري على عمرج اذا الرسول ( عليه الصلاه والسلام ) قال بما معناه : اذا جاءكم من ترضون دينه وخلقه فزوجوه اذا لم تفعلوا تكن فتنه في الارض وفساد كبير. وهذا الكلام قبل 10 قرون يمكن واكثر عيل الحين شو من البلاوي اللي كل يوم نجوفها ومغريات الدنيا الوحده تستر على عمرها احسن واذا عيال البلاد اذا مب اكثرهم اغلبهم خذوا من الخارج عيل نحن نتريا منو؟؟؟!!!!! .. ربيعتي تقول في مدرسه في العين هي تدرس فيها تقول والله البنات اذا مب كلهن اغلبهن امهاتهن اسيويات والاباء مواطنين100% ومن قبايل معروفه .. اختي الوضع صعب واتمنى ما تيي كل وحده تعق رمسه الستر زين في هالزمن الصعب والارزاق بيد الله سبحانه .

للعلم : انا مب في الثلاثينات وانا امبوني مخطوبه بس انا اقيس الامور بعقلانيه اكثر واتمنى محد يزعل مني .

صح لسااااااااااااااانج والله ،، هذا كلام العقل اللي مافيه عنصريه
الزواج هذا اولا واخير نصيب ومكتوب من يوم انولدنا وكل وحده تاخذ نصيبها اللي الله كاتبه
صح لسانج غلاتي

**العاجلة.....** · 2008-10-19, 01:10

عين الصوااااااااااااااااااااااااب

**شموخ عليا** · 2008-10-19, 01:58

اللهم صلي و سلم على سيدنا محمد و على آله و صحبه أجمعين..

الغاليات...

جارتنا مواطنة..بالقانون مش بالتبعية..
مأخذة وافد...( باكستاني )..أعرفهم عدل و عندهم أطفال ...و الحمدلله عايشة مستانسة...
و لا سحبوا عنها الجواز و لا شي من هذا القبيل...
ما أعرف من وين أتيبون هالكلام الله يهديكن...
و هي موظفة و مأخذة كل حقوقها كمواطنة....
أنأ أعرف هالإنسانة عدل...
و كله قسمة و نصيب الغاليات....

و

على كل حال...

بس كان ودي أتشوف ردود من بنات متزوجات من وافد و أعرف رأيهن....
قبل و بعد الزواج...
و ينقلن تجربتهن للبنات عسب الكل يستفيد..

**أحبـ R ـك** · 2008-10-19, 02:02

يزاج الله خير
انا بعد معاج فاللي قلتيه

**سلحفاه** · 2008-10-19, 02:30

بصراحه المواطنه من حقها انها اتفكر بوافد حتى لو هندي لان ولد بلادهااااااااا ما فكر فيها وبعدين ترا كل شي نصيب لو الله كاتب انهاتاخذ وافد بتاخذه غصبن عن الكل محد يقدر يتدخل لان الله كاتب هالشي وبعدين شوفيهم الوافدين في منهم اللي وايد زينين والزواج ترا نص الدين وافد ولا مواطن اهم شي الستررررررررر احسن من الحراااااااااااام صح ولا غلطططططططططط واللانسان كم مره بيعيش الا هي مره وحده وبعدين كل وحده وكيفها حياتها وهي حره انتوا بدال ما ترمسون عن البنات ارمس عن الشباب بالاول شوفوا اللي يسونه ولوموهم هم بالاول مش البنات والسموحه منكم خواتييييييييييييييييي

الموضوع: بتزوج من وافد

أدوات الموضوع

عرض

المواضيع المتشابهه

وافد يمني يختلي بفتاة والهيئة تقبض عليها بملابس رجالية >>>وافد بلااقامه!!

بتزوج