بتزوج من وافد

**مريوم المهيري** · 2008-10-18, 04:36

هناك خصلتان يحبهما الله سُبْحَانَهُ وَتَعَالَى كما ذكر النبي صَلَّى اللهُ عَلَيْهِ وَسَلَّمَ في حديث أشج عبد القيس الحلم والأناة، فقال: {إن فيك لخصلتين يحبهما الله: الحلم والأناة }

، الأناة: هي الروية وعدم استعجال الامور، وهي خصله لا يندم الإنسان عليها أبداً

(وكان الانسان عجولا)

وايد مشاكل لاحظت فيها بنات اعتبرن نفسهن لقن الحل وقامن يتشاورن في الزواج من وافدين

وقسم بالله ان القلب ليحزن

يعني انقطعت السبل لدرجة ان الوحده قامت تفكر في مخرج او منفذ توصل فيه للزواج بأي طريقه حتى لو الريال وافد!!!!

أنامب ضد الزواج من جنسيات ثانيه بس لو حسبناها بالعقل :

هذي افتراضات :

*العيال من ام مواطنه والطفل بيحمل جنسيه ابوه الا من رحم ربي من اللي بيحصلون الجنسيه بطريقة ما ف معقوله الحرمه او البنت ماتعرف هالشي ولا رغبتها في الزواج مخلتنها تفكر بأي طريقه عشان بس تتزوج واعمتها عن سلبيات الاشخاص اللي مب مناسبين لوضعها؟؟؟

*ثانيا احسبيها من ناحية العادات والتقاليد انتي شايفه ان هالشخص بيندمج ويا عايلتج ومعقوله العايله بيقبلون وجوده وانا اقولج
20% اللي بيتقبل والباقين بيجاملون ليش؟ نسيبهم مجبورين يجاملونه

*ثالثا يوم بتشوفين نظام التوطين (ان شاءلله) متطبق في كل الدوائر وعيالج بأعتبار انهم وافدين مب محصلين شغل مابتتندمين؟ 100%تتندمين لنج انتي اللي جنيتي عليهم

*افرضي ريلج الوافدكان يشتغل في دائره وصدر فيها نظام التوطين مثلا وانهوا خدماته مستعده تصرفين عليه وهو يالس في البيت؟؟ أكيد آخرتها بتتضايجين من شخص بطالي لاشغله ولامشغله اكل وشرب ورقاد

فكرن فكرن فكرن الاستعجال في القرارات الفردية الشخصية، ما وراه الا الندم يندم عليه، ادعي الله وتوكلي عليه واذا اتأخرت الاستجابه لاتستعيلين اصبري .. وبييج نصيبج أكيد

بعض البنات احسهن صغار ومستعيلات لن خواتهن اللي اصغر عنهن وربيعاتهن عرسن
والبنات الكبار اعتبرن عدم الزواج نهاية الحياه مافيه شي اسمه فاتني القطار او صرت عانس انتي معززه مكرمه في بيت اهلج لين اييج نصيبج

وحتى لو فاتج نصيحه :

لاتاخذين ريال مب مناسب لمجرد الرغبه في الزواج !!

وماباحد يزعل من وجهة نظريه واحترامي للكل

الموضوع: بتزوج من وافد

أدوات الموضوع

عرض

مشاهدة المواضيع

بتزوج من وافد

المزيد من آخر المواضيع من نفس القسم:

المواضيع المتشابهه

وافد يمني يختلي بفتاة والهيئة تقبض عليها بملابس رجالية >>>وافد بلااقامه!!

بتزوج