ليش جيه يا حريم

**FFF** · 2008-10-19, 23:27

ترا العيب ايكون فيه

**Ayesha** · 2008-10-20, 00:47

المشاركة الأصلية كتبت بواسطة ساره العيناويه

صراحة انا تعبت من كثر ما اسمع هالحريم يقولن هالجمله
.
((..حبيبتي اذا ريلج يخونج شوفي شو ناقصنج وشو الغلط فيج وغيريه... )))؟؟؟؟؟

الحين الريال يروح يخون الحرمة تستوي هيه الناقصه وهيه العيب فيها .. انتو ليش جيه .. ليش دايما عندكم الحرمة هيه الي مطفشه الريال واذا الريال غازل بيكون العيب فيها .. اذا الريال اتزوج عليها يكون الغلط منها .. اذا كان يسهر وكله برا البيت يكون الغلط منها ... اذا سبها واتكلم عليها يكون الغلط منها .. انتو شو .. ليش تفكرون جيه ... ليش كله الغلط على الحرمة .. والله لما اقرا ردودكم استغرب كيف انكم منقصين من حقوقكم .. كيف انكم تركبون اعماركم الغلط غصب ... حرام .. خفو على الحريم يعني فوق ما ريلها ملوع جبدها ويغازل تيها وحده وتقولها شوفي شو الغلط الى فيج وغيره... او تقولون لها سكتي ولمي ثمج وهو لما بيشبع بيرد لج .. او تقولون لا تكلمينه ولا تصارحينه لانج اذا صارحتيه بيغازل علني ..
يا خواتي الريال الى بيغازل علني وما بيسوي لي سالفه هذا انسان بايعني ... وبرخيص .. لازم اوقفه عند حده .. انتو ما تعرفون هالسوالف كيف تأثر على الحرمه .. يعني حرمه تعرف ان ريلها يغازل ويكلم بنات .. تسكت عنه لين ما ييب لها الامراض والوسخ وبعدين تتكلم ... بعد ما اطيح الفاس في الراس ...

انا اقول اذا انتي ما سمحتي له انه يتمادي من اول شي بيسوي لج قدر وبيعرف ان هالسوالف ما تنفع معاج .. بيصطلب وبيغدي ريال .. بس اذا سكتي عنه والله بيدوس عليج ولا بيسوي لج سالفه ...
وما اقول غير ان الوحده الي مالها ضهر والي مب مأمنه نفسها ماديا لازم تسكت ولا تتكلم وتتوكل على الله .. بس اذا انا اهلي كلهم واقفين معاي .. ما راح اسمح لريال انه يدمرني وايب لي الامراض وانا اتفرج ... والله المستعان ...

صدقتي و احسنتي و انا رايي 100 بالمية مثل رايج بالضبط... و انا لين الحين اتذكر سالفة وحدة من الخوات الي ريلها في شهر العسل امطنشنها و يلعب ابذيله..اشكره جدامها و يوم كلمت خواتها..قالولها العيب فيج انتي؟؟؟

ويديه! هو نذل اتلبسونها هيه الذنب اختكم...عافان الله...معروف انه المرأة عدو المرأة ...و المفروض مثل ماقلتي الحرمة الي اتشوف ريلها يلعب ابذيله اتوقه عند حدة او اتشل اغراضها و اعيالها و بيت اهلها احسن لها ..و بلا امراض و بلا خرابيط...

**ساره العيناويه** · 2008-10-20, 00:51

المشاركة الأصلية كتبت بواسطة الملكي

الله المستعان
مشكورة على الطرح

الف شكر على مرورج

**ساره العيناويه** · 2008-10-20, 00:56

عمري زايد مشكوره على مرورج والله يعين الجميع ويهدي كل الازواج

محبوبه الجميع ..وانا معاج حبيبتي اكيد ان الغلط مرات يكون من الحرمه ..بس مب دايما

FFF عاد ياريت كل الناس يكون جيه رايها...والف شكر على مرورج

**ساره العيناويه** · 2008-10-20, 01:00

المشاركة الأصلية كتبت بواسطة Ayesha

صدقتي و احسنتي و انا رايي 100 بالمية مثل رايج بالضبط... و انا لين الحين اتذكر سالفة وحدة من الخوات الي ريلها في شهر العسل امطنشنها و يلعب ابذيله..اشكره جدامها و يوم كلمت خواتها..قالولها العيب فيج انتي؟؟؟

ويديه! هو نذل اتلبسونها هيه الذنب اختكم...عافان الله...معروف انه المرأة عدو المرأة ...و المفروض مثل ماقلتي الحرمة الي اتشوف ريلها يلعب ابذيله اتوقه عند حدة او اتشل اغراضها و اعيالها و بيت اهلها احسن لها ..و بلا امراض و بلا خرابيط...

ياختي هاي المشكله الاكبر ان الحريم هن رواحهن يردن العيب على بعضهن ... لا والفضيحه العوده لما اتي وحده وتشكي لوحده ثانيه تقولها ريلي يخوني ..الثانيه تقولها اكيه مب ريحتني والا مقصره في شي ..وبعد كم يوم الا ييهاخبر عن ريلها انه معرس وفي شهر العسل ..والله مصخره ...
ما حد منقص حقوقنا غير هالحريم الي عقلتهم ما ادري كيف ... الله يعينا

**أم ود!د** · 2008-10-20, 01:16

المشاركة الأصلية كتبت بواسطة Class Lady

صدقتي اختي
صح لسانج

**ساره العيناويه** · 2008-10-20, 23:56

تسلمين اختي اما وداد.. والف شكر على المتابعه ....وان شاء الله نفتك من هالعقده ..واي ريال يغلط على حرمته ويخونها ..لازم هو اي لها ويتأسف لها وتسامح منها ويقول انه غلطان ومليون غلطان ...مب الاخ يروح يخون ويلعب وبعدين تي الاخت وتقوله سامحني يا حبيبي اكيد انت خنتني عشان انا مقصره معاك ..صراحه انا العيب فيني اما انت عدااااااااااااااك العيب .. واه يا زمن

الموضوع: ليش جيه يا حريم

أدوات الموضوع

عرض

المواضيع المتشابهه

بنات بلييييييز بغيت أرقام حريم حريم ياجرن فساتين اعراس

حريم يسون فطور في رمضان هالاسبوع او الاسبوع الياي بلييييييييييييز حريم

بناتي يقلن حريم وزوجي يقول حريم .....ساعدوني ياحريم

حريم ضد حريم قمة الانانيه

بنات بنات بنات ...حريم حريم حريم .. المنتدى ساعدوني .. ولو بكلمة