ليش جيه يا حريم

[ساره العيناويه]

صراحة انا تعبت من كثر ما اسمع هالحريم يقولن هالجمله
.
((..حبيبتي اذا ريلج يخونج شوفي شو ناقصنج وشو الغلط فيج وغيريه... )))؟؟؟؟؟

الحين الريال يروح يخون الحرمة تستوي هيه الناقصه وهيه العيب فيها .. انتو ليش جيه .. ليش دايما عندكم الحرمة هيه الي مطفشه الريال واذا الريال غازل بيكون العيب فيها .. اذا الريال اتزوج عليها يكون الغلط منها .. اذا كان يسهر وكله برا البيت يكون الغلط منها ... اذا سبها واتكلم عليها يكون الغلط منها .. انتو شو .. ليش تفكرون جيه ... ليش كله الغلط على الحرمة .. والله لما اقرا ردودكم استغرب كيف انكم منقصين من حقوقكم .. كيف انكم تركبون اعماركم الغلط غصب ... حرام .. خفو على الحريم يعني فوق ما ريلها ملوع جبدها ويغازل تيها وحده وتقولها شوفي شو الغلط الى فيج وغيره... او تقولون لها سكتي ولمي ثمج وهو لما بيشبع بيرد لج .. او تقولون لا تكلمينه ولا تصارحينه لانج اذا صارحتيه بيغازل علني ..
يا خواتي الريال الى بيغازل علني وما بيسوي لي سالفه هذا انسان بايعني ... وبرخيص .. لازم اوقفه عند حده .. انتو ما تعرفون هالسوالف كيف تأثر على الحرمه .. يعني حرمه تعرف ان ريلها يغازل ويكلم بنات .. تسكت عنه لين ما ييب لها الامراض والوسخ وبعدين تتكلم ... بعد ما اطيح الفاس في الراس ...

انا اقول اذا انتي ما سمحتي له انه يتمادي من اول شي بيسوي لج قدر وبيعرف ان هالسوالف ما تنفع معاج .. بيصطلب وبيغدي ريال .. بس اذا سكتي عنه والله بيدوس عليج ولا بيسوي لج سالفه ...
وما اقول غير ان الوحده الي مالها ضهر والي مب مأمنه نفسها ماديا لازم تسكت ولا تتكلم وتتوكل على الله .. بس اذا انا اهلي كلهم واقفين معاي .. ما راح اسمح لريال انه يدمرني وايب لي الامراض وانا اتفرج ... والله المستعان ...

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[غرشه عسل]

هيه والله صدقج حبوبه كلامج صح 100%

[cute_mimi]

هيه والله صدقج حبوبه كلامج صح 100%

[...(مريّة)...]

بس مع هذا ما ننكر إن في حريم الله يهديهن يكون
فعلا الغلط والتقصير منهن ! يعني الأمر نسبي ، مب
كل خيانة زوج نحط اللوم على الحرمة ! الله يحفظ
لكم رياييلكم جميعا

[ميرة المنصوري]

للاسف مع رياييل ها الزمن الحرمه واااايد تنظلم ......ملاحظة: عسب ما تهجمون علي مب كل الرياييل.....

[shaikha75]

كلامج صح 100\100

[دلوعه الموت]

كلامج عين العقل

يعني هو يغلط ويسوي وعقب تعالي ياحرمه دلعيه وتغيريله عشان يردلج خوش والله

شو اباه فيه بعدين خل يسيرلها مصيرو بيرد وبيتندم

مشكووورة الغاليه ع الموضوع

[الصهبا]

والله صدقتي اختي مهما سوت الحرمه وتعبت عمرها وكله دلع وغزل بيروووووح يدور على غيرها حتى لو يحبها ويموت فيها الرياييييل كلهم طبعهم ها فلاااا تلوموا الحرييييييم يمكن الناااااادر بتلاقوا واحد ما تعيبه سوالف المغازله

[أم كاكي]

نحن الحريم جيه مهما يسويلنا الريال مهما انحصل من ظلم

بس عشان يبقىالصبر انقول نحن الغلطانين ..

الريال تعبان الريال مشغول

الريال ,....و و و برغم انه هو الظالم هو الشرير خخخ هو المسؤول هو الجاني هو البادي

بس من طيبة المراه اتعقها في راسها ...وتبدا هي اتسامح وهي اتغير وهي تبدا من جديد



الله يصلح حال كل المتزوجين

[الضياء]

والله انا وياج
الريال صار ظالم ويحور بحقه في القوامه
مساكين الحريم كلش صبري وتحملي الخيانه صارت موضه ولازم تتحمل

[قصص]

معااج

ميه ميه

[Class Lady]

صدقتي اختي
صح لسانج

[أم ود!د]

صدقتي اختي
صح لسانج

[ساره العيناويه]

تسلمين اختي اما وداد.. والف شكر على المتابعه ....وان شاء الله نفتك من هالعقده ..واي ريال يغلط على حرمته ويخونها ..لازم هو اي لها ويتأسف لها وتسامح منها ويقول انه غلطان ومليون غلطان ...مب الاخ يروح يخون ويلعب وبعدين تي الاخت وتقوله سامحني يا حبيبي اكيد انت خنتني عشان انا مقصره معاك ..صراحه انا العيب فيني اما انت عدااااااااااااااك العيب .. واه يا زمن

[منوه الحلوه]

كلامج صح 100\100