هلا

**عوشة2** · 2008-10-11, 21:45

هلا اخواتي حبيت اعرف نصيحتكم فيه واحد يحب وحدة ويباها لكن ماشافها وقام طلب صورتها بس ما بغت تراويه الصورة شو الحل ترى من حقه يشوف بلي ياخذها ولا انا غلطانة طلبت منه تكلم اخته ووافق على اساس اطرش لها صورتها وهو يشوفها من عند اخته هل هالشي صحيح ولا غلط واذا فيه طريقة غيرها ممكن اعرف والسموحة على الاطالة

المزيد من آخر المواضيع من نفس القسم:

**bebymoon** · 2008-10-11, 21:53

يعني هو متقدم لها ؟؟؟؟

او متعرفها عليه ؟؟؟

**نــــوره** · 2008-10-11, 22:06

اذا ناوي الزواج و جاد فيه

يكلمون اهل البنت
و يزورهم فالبيت الرؤيه الشرعيه

بس تعطيه صورتها بدون كلام جاد من الطرفين (اهله و اهلها)

لا تعطيه صورتها

**أم موزة 10** · 2008-10-11, 22:08

طبيعي اذا شارينها ويباها يتقدم لها ويشوفها النظرة الشرعية واذا تم الوفاق والرضي منالطرفين
يستوي نصيب لكن مااطرش صورتها مافي داعي صور بنات الناس مش لعبة حتي ما تصير مشاكل

**عوشة2** · 2008-10-11, 22:13

لا اخواتي تعرف عليها وما شافها بس هيه تبا تكلم اخته وتعطيها صورتها شو رايكم

**فديتني كتكوته** · 2008-10-11, 22:16

انا من رايي انها ما تعطيه صورتهاا
واذا يباها يي يتقدم لها عند اهله

والله يوفقهاا يا ربي

**Ksh5a girl** · 2008-10-11, 22:16

نصيحه أخويه ...الغلا...
لا ترسل له الصوره ...لأن هالزمن ما فيه ثقه ...فانتي ما تضمنين انه راح ايكن أمين على الصوره ...

ولا تقولين اخته ..لأنه شو الضمانه انها اخته...
ما في ثقه ...

بليز لا تثقين في كل الناس...
مو كل حد يستاهل الثقه...^^
واذا يباج بيخطبج وبيشوفج شرعي ..
وهذا افضل شي ..

وربي ايوفقكم ^^

**أم عايشة** · 2008-10-11, 23:28

المشاركة الأصلية كتبت بواسطة Ksh5a girl

نصيحه أخويه ...الغلا...
لا ترسل له الصوره ...لأن هالزمن ما فيه ثقه ...فانتي ما تضمنين انه راح ايكن أمين على الصوره ...

ولا تقولين اخته ..لأنه شو الضمانه انها اخته...
ما في ثقه ...

بليز لا تثقين في كل الناس...
مو كل حد يستاهل الثقه...^^
واذا يباج بيخطبج وبيشوفج شرعي ..
وهذا افضل شي ..

وربي ايوفقكم ^^

**عود منثور** · 2008-10-11, 22:49

اللي يبا يخطب وحده يطرش اهله يشوفونها وان ماصار نصيب حتى لو فيها احراج
اهون مليون ألف مره من ان حد يشوف الصورة عندهم او تضيع او حد يشلها هذا اذا استبعدنا احتمال عدم الثقه

**misselegance** · 2008-10-11, 22:51

نصيحتي لا اطرشهاا حتى ولو كانت اخته
اذا يباها يخطبها ويشوفها النظره الشرعيه

الله يوفقهاا

**.Um Hamad** · 2008-10-11, 22:59

هكـذا... بدون اي مقدمـات؟!...

ان كان بالفعل يفكر بها زوجة له كان تقدم لها رسمي ودخل من الباب

وهنا تكون النظرة الشرعيه...

اما ماتفضلتي به فهو لا يعتبر اكثر من مجرد لعب وتسليه

لاتستهيني بذاتكِ واطلبي منه ان يتقدم لخطبتكِ حتى لايرخصكِ مستقبلاً

ولاتنسي ان ماتقومي به حرااام لانها علاقة خارجه عن الاطر الشرعيه

**جمال إنسانة** · 2008-10-11, 23:10

في احتمال إن الريييال موب زين ، يعني يمكن ما اتكون إخته يلي بتستلم صورتها...

وفي احتمال إنه زين ، و لو بتكون الصورة بإيد إخته ، بيكون أحسن .. و زين ...

بس لازم الصورة اتكون واضحه ، يعني ، ما اتكون خافية للعيوب الكبيرة في الويه (لو كانت موجوده)...

برأيي، لازم يشوف صورتها أول شي، لإن يمكن ما تدخل خاطره (حتى لو كانت ربيعتج ملكة جمال)....

ولكن من واجبي إن أنبه بضرورة تقوى الله ، و التوقف عن أي مكالمات " لو كانت موجودة" ، لإنها ولا بد يدخل فيها الحرام ، دامهم يحبون بعض " ع قولتج إختي" ...
انتبهوا، و أباج اتكونين صديقة الخير لها، و لا اتشجعينها أو اتكون سبب في استمرارها عالخطأ....

الله يحفظ الجميع ...
تقدر اتصلي الاستخارة ...

**جمال إنسانة** · 2008-10-11, 23:18

*****

**جوهرة الدوحه** · 2008-10-11, 23:22

يسلموووو
خواتيه وانا رايي من رايكن كفيتن ووفيتن وجزاكن الله خير

**عمري زايد** · 2008-10-12, 00:12

كيف متعرفه عليها ويبغي يشوف صورتها ؟؟؟
محد هالزمن ياخذ وحده متعرف عليها الا العاب بس.........! نصحيها تودر هالشي لانه حرام واذا هو يبغيها عندها اهلها..
كيف تسوي شور بدون شور اهلها ؟؟؟ عالم غريب
ا

الموضوع: هلا

أدوات الموضوع

عرض

العرض المتطور

هلا

المزيد من آخر المواضيع من نفس القسم: