*واااايد احاتي*

**تحفة** · 2008-10-10, 23:06

مرحبا بنات

بغيت خبرتكم و افكاركم الحلوه

السالفه ومافيها
ان ريلي بسافر بيسير انجلترا
عسب الماجستير و بتكون المده سنتين
واحين بيسير وما اعرف كم شهر بتم هناك
بغيت منكم افكار او شي اعطيه اياه عسب ايحس ان انا وولدنا وياه
اول مره يروح عنا ووايد مضايج و يحاتينا
وبعد بغيت اعرف شو الاشياء الضروريه اللي راح يحتاجها هنااك

ضروري بنااااات

السموووحه

المزيد من آخر المواضيع من نفس القسم:

**shwa5** · 2008-10-10, 23:09

البنات ما بيقصرون وياج.. والله يرده لج بالسلامه

**عيناوية طر** · 2008-10-10, 23:10

مافهمت انتي بتسافرين وياه ولا بتمين ..؟؟؟

مممم صراحة مادري شوه اقولج .. بس حاولي انج تصبرينه رمسيه كل كم يوم .. وعشان التكاليف تواصلي وياه ع النت صوت وصورة وخلي ولدج يرمس ابوه بعد ولو صغير تمي طرشيله صوره

كل ماتكلمينه طمنيه عن احوالكم وخبريه انج متولهة عليه

واذا قدرتي بن فترة وفترة زوريه سويله مفاجئة انتي و ولدج

**بنوتة_قطر** · 2008-10-10, 23:30

كتاب الله مافي احلى من هالذكرى
اهديه مصحف وقولي له احفظ ربك عشان ربك يحفظك

**تحفة** · 2008-10-10, 23:34

شكرا بنات

انا ما بسافر وياه

والقران ما حد ينساه اول الاشياء اللي محطيتها فبالي

**ملكة الاحاسيس** · 2008-10-11, 01:14

وحدة من اهلنا .. كل 3 شهور ريلها يسافر للدراسة ببريطانيا .. كل مرة تتواصل معاه يوميا شوفي : يوميا ًبالتلفون عشان ما يحس انها بعيدة عنه .. وتتواصل معاه بالمسن عشان يسشوفها هيه وولدها ..

الله يسعدكم يارب

**فتاة راك** · 2008-10-11, 01:17

الدنيا تغيرت وتطورت
يلسي وياه عالمسن صوت وصوورة

**أم هزاع** · 2008-10-11, 01:52

انا ريلي مسافر للدراسة في بريطانيا

بس سؤال ليش ما تسيرين وياه انتي وولدج؟؟

انا بلحقه ان شاء الله عقب ما اربي وهذي ثاني مرة يسير ونلحقه نحن ونتغرب بس بصراحه الغربة تعلم و تقرب الزوجين

بالنسبة للوقت الحالي ريلي مسافر اتواصل وياه يوميا بالتلفون و المسجات وتالي الليل قبل لا نرقد نسولف عالسنجر

صوت وصورة ويشوفنا انا وولده

بس بالنسبة للتجهيزات والاشياء اللي بتخليه يتذكرج دوم

اشتري مجموعة من البطاقات الصغيرة

واكتبي في كل بطاقة كم كلمة حلوة

وخشي هالبطايق في ملابسه

شي في مخابي الجاكيتات وشي فالبناطيل

بتلقينه اول ما يلبس شي ويخش ايده فالمخبى ويحصل البطاقة

بيركض يفتش في باقي الملابس عشان يقرا

وبيحتفظ فيهن و بيقراهن كل يوم

والمسجات لا تقصرين فيها احلى الكلام اللي يظهر من خاطرج اكتبيه وطرشيله

و شلي موبايله قبل السفر بيوم و حطي تذكير واكتبي كلام حلو وخليه منبه في الوقت اللي بيكون فيه فالمطار

بيستانس وايد يوم بيشتغل المنبه وبيطلع الكلام له و بتدمع عيونه بعد

و على المسنجر كل مرة غيري النك نيم باشيا تدل على الشوق و المحبة

و لا تنسين بين فترة و الثانية اتصورين ولدج وتكتبين على الصورة كلام يدل على شوقج و شوق ولدج له

وانتظاركم له و طرشيها على الايميل متى ما فتح الايميل لقى الصور

هاللي عندي حاليا و اذا اتحبين اساعدج في الكلام اللي فالبطايق او اللي فالتذكير خبريني وانا حاضرة

بس نصيحتي لج انج تسافرين عنده لأنها فعلا تجربة تستحق انج تغامرين فيها و تدل على تضحيتج عشانه

وبيتعلق فيج اكثر ان شاء الله

وربي اييسر اموركم وامورنا و الله يحفظكم

**تحفة** · 2008-10-11, 13:54

مشكووورات بنااات

ام هزاع ثانكس تقومين بالسلامه ان شاءالله

وياريت اطرشين الكلام

انا ان شاءالله بسافر وياه بس عقب سنه لان اول سنه بيسكن ويا عائله
فعسب جي قالو لهم العائلات بعدين

**أنا بدر البدور** · 2008-10-11, 16:13

الله يعييند يالغااليه ..

الموضوع: واااايد احاتي

أدوات الموضوع

عرض