حد منكن راحت برجمان؟؟؟

**اموووره** · 2007-01-11, 22:46

السلام عليكم ورحمة الله

بغيت اسال اي وحدة منكن راحت برجمان...في عندهم محلات فساتين سهرة للكبار؟؟

ومحلات ملابس اطفال تكون راقيه يعني بدل تنفع للاعراس؟؟؟

لاني نازله دبي الاسبوع الياي وبغيت تساعدوني عسب اذا المحلات اللي اباها هب موجوده ما اروح برجمان ...

والسموحه

المزيد من آخر المواضيع من نفس القسم:

**اموووره** · 2007-01-12, 00:32

8 زيارات ولا رد انزين عالاقل قولو شي......

**Dubai Baby** · 2007-01-12, 04:22

للاطفال هيه تلقين ماركات ديور و غيره عند ساكس

و سهرات ايضا موجود بس اسعارهم خبال

و اظن شايفه الجعيدي فوق للبس السهرات و اسعاره زينه

و ان شاء الله البنات يفيدونج اكثر انا ما سير هاك الصوب الا نادرا

**توته الحلوه** · 2007-01-12, 04:40

لليهال بتحصلين عندهم
بس اسعارهم ضو
انا خذت لبنوتي بدله للعيد من ديور ب 1900 وعندهم اشياء حلوه
واغلب المحلات ماركات

**لمعة الماسه** · 2007-01-12, 05:44

سيري برجمان وانشالله بتحصلين اللي يسرج من غالي لين رخيص حقج وحق بنتج.. روحي القسم اليديد في كل شي حلو.. وروحي اتوال عندهم فساتين سهره وطبعا مري عالمحلات اللي حواليه (لاكروا و انغارو وغيره).. للاطفال في القسم الجديم في محل اسمه لتل بانيز.. في ملابس حلوه وراقيه..

بالتوفيق

**!!قلب طفل!!** · 2007-01-12, 06:00

الغاليه ،، لمعه الماسه ،، هالمحلات اللي قلتي عنها مال فساتين السهره ،، كيف أسعارهم ،،، غاليه و لا؟؟؟؟؟؟؟؟
لاني أنا بعد أبا فستان سهره ،،، و ما أبا من البستان ،، ابا أغير ،، عرفتي ،،
فاوين تنصحوني أسير آخذ لي فستااااان ,, و سعره يكون معقول ،،،

و السموووووووووحه منج يا أموووره

**kho** · 2007-01-12, 17:33

مرحبا الغاليه ..

عندج محل ساكس ففث افنيو فيه فسااتين روعه وشي وايد محلات راقيه وحلوه

**اموووره** · 2007-01-12, 23:41

بصراحة تسلمون لي جميعا وما قصرتو..

.وربي لا يحرمني منكم ابد..

الموضوع: حد منكن راحت برجمان؟؟؟

أدوات الموضوع

عرض

حد منكن راحت برجمان؟؟؟

المزيد من آخر المواضيع من نفس القسم:

المواضيع المتشابهه

بنات دبي ساعدوني منو تدل برجمان

برجمان

منو منكن راحت الشيك (براغ)..ابغي معلومات عن المصحات اللي عندهم