جارتنا أم علي

**HGLO** · 2008-10-06, 02:08

السلام عليكم
خواتي بغيت اتساعدوني
في صباح اول يوم من العيد
يت جارتنا مع بناتها يسلمون علينا

سلمت على أمي و قاتلت بسلم على البنات
أناز خواتي كنا في الغرفة نصهن خلصن و انا بعدني ما خلصت
يت اختي الصغير اتدق الباب و اتقول ان بنات جيرانا يبون يشوفونا ويسلمون علينا
قلت لين خواتي طلعن انتن ليم ما خلص لأني بروب الحمام بعدني ، محد منهن رضت تطلع ، لا وبعد قفلن الباب .

عصبت عليهن ، بعدها راحن فتحن الباب ، بس راحوا البنات لا و بعد اختي الهبله اتقول بكل برود ان أمهم كانت وياهم .

أكيد خذت على خاطرها

والله افتشلت
انا وااايد احبها ، اعتبرها مثل امي ،و حاتيها اكثر من خالاتي ، من يوم كنت اصغيرة و انا في بيتهم ألعب مع عيالها .
و الله ما قدر على زعلها ، وعمري مابطلع من جزاها ، مرة كنا رايحين مع بعض العمرة ،و انا مرضت هناك ، كانت طول الليل على راسي اتشيل كماده وا تحط الثانية ، إلي هي امي خلتني ونامت عني و هي تمت طول الليل معي .
و كل ما تشوفني تدعيلي في ايام الجامعه وفي امتحاناتي و إلي هن خالاتي عمري ما سمعتهن يدعن لي.
ويوم خلصت الجامعه فرحت فيني كأنها فرحانه بحد من عيالها .

أسفه طولت عليكم

و اليوم يت بيتنا ، سمعت صوتها في المجلس مع امي ، ماقدرت ادخل بعدني مفتشله ومتلومه .

أعرف انها زعلانه بنتها الصغيرة خبرت اختي الصغيرة و اختي خبرتني ، هي ما قالت لين امي انها زعلانه

اعرفها هي يوم اتشل على خاطرها اتشل .

مب عارفه شو اسوي علشان اراضيها

و الله ما قادره انام حاسه بالذنب

شورن ع لي شو اسوي ؟؟!!

المزيد من آخر المواضيع من نفس القسم:

**بنت الاسياد** · 2008-10-06, 02:23

اعتذري لها وبوسيها ع راسها وقوليلها انج ماكنتي جاهزه ولو هيه زعلانه جان مايت بيتكم لاتحطين ف بالج هالشي

**ساحرة العيون** · 2008-10-06, 02:24

خذي لها هدية واعتذري منها وهي مبين عليها تعزج

**وهم الحربي** · 2008-10-06, 02:27

اعتذريلها وقوليلها انج ماكنتي جاهزه ومن هالرمسه وان شاء الله بتتفهم

**كيوت ماما** · 2008-10-06, 02:30

انتــي يوم ما طلعتي الها
خربتــي ع عمرج بزايدة .
لان الزعـل يوم يـطول
يكون الرضـى اصعب !
الحين حطيتي ع عمرج
غلطتيــن بدال الوحده ..
الغاليــة ،
الرمسـة اللي قلتيها حقنا
فوق
هــاي
والله افتشلت

انا وااايد احبها ، اعتبرها مثل امي ،و حاتيها اكثر من خالاتي ، من يوم كنت اصغيرة و انا في بيتهم ألعب مع عيالها .
و الله ما قدر على زعلها ، وعمري مابطلع من جزاها ، مرة كنا رايحين مع بعض العمرة ،و انا مرضت هناك ، كانت طول الليل على راسي اتشيل كماده وا تحط الثانية ، إلي هي امي خلتني ونامت عني و هي تمت طول الليل معي .
و كل ما تشوفني تدعيلي في ايام الجامعه وفي امتحاناتي و إلي هن خالاتي عمري ما سمعتهن يدعن لي.
ويوم خلصت الجامعه فرحت فيني كأنها فرحانه بحد من عيالها .

ارجعــي قوليها حق يارتكم

صدقيني ان الكلمة الصادقة و
اللي تطلـع من القلب مفعولهـا
أقــوى من اي دوا .
وتعذري منهـا و بيني لها غلطج .
و الاحلــى لو تزورينهـا عشان
تعـرف انج يايـه لين عندهـا .
وما دامهـا تحبج ان شاء الله
ما بتــردج

والله يصلح بينكــن يارب

**big_heart** · 2008-10-06, 03:38

خذي لها هدية واعتذري منها وهي مبين عليها تعزج

**ذات العماد** · 2008-10-06, 03:45

دام قلبها ابيض وتعزج مثل بناتها يا حليلها وضحي لهاان كنتي منشغله وماكنتي مستعدة تطلعين تسلمين عليها عشانج ما لبستي وحبيهاع راسها و صدقيني مافي احلى من الكلمة الطيبة من اعتذار واكيد بتسامحج او بالاصح مابتشل في خاطرها منج ودام زارتكم بالبيت يعني مب ماخذها في خاطرها ذاك الزود

وبشرينا بالمستجدات

**HGLO** · 2008-10-06, 05:39

شكراً خواتي تعبتكن معاااي

ان شاء الله بسوي إلي قلتلي عليه

وجزاكن الله خير

**فلونة2** · 2008-10-06, 05:57

اعتذري لها وبوسيها ع راسها وقوليلها انج ماكنتي جاهزه وخذي لها هديه حلو

**نقطة تحول** · 2008-10-06, 06:34

اختي سيري اشتري لها هدية واعزمي نفسج في بيتها(يعني سيري لها لبيت) هي يتكم قبل
وسيري عندها وحبيها ع راسها واعتذري لها وفهميها انج ما كنتي متجهزة حزتها عسب جي ما ظهرتي
ااعتذري منها حبيبتي تراها بعد اكبر عنج وحقها عليج لانها هي اللي دخلت بيتكم
وبالتوفيق

**أم موزة 10** · 2008-10-06, 09:38

مايباله كلام راضيها واعتذري منها ولا تاخرين السالفة وايد

**ريحانة الجنه** · 2008-10-06, 09:51

الغاليه قوليلها انج كنتي تتسبحين ويوم خلصتي ييتي اتسلمين عليها بس ما حصلتيها

**Hno0odah** · 2008-10-06, 10:02

انا اقول لو انج تاخذيلها هديه بسيطه جدا
واتروحيلها البيت واتسلمين عليها وتستسمحين منها

وانشاء الله بترضى عنج

**awashy** · 2008-10-06, 10:24

اعتذري لها وبوسيها ع راسها وقوليلها انج ماكنتي جاهزه

**some1** · 2008-10-06, 10:40

اعتذري لها وبوسيها ع راسها وقوليلها انج ماكنتي جاهزه ولو هيه زعلانه جان مايت بيتكم لاتحطين ف بالج هالشي

الموضوع: جارتنا أم علي

أدوات الموضوع

عرض

جارتنا أم علي

المزيد من آخر المواضيع من نفس القسم:

المواضيع المتشابهه

بنت جارتنا و أمها ....!

جارتنا تطلب الدفاع المدني!!!!!!