دراسة الماجستير...خلونا نسئل ونتناقش(بنات بوظبي)

[malak_AD]

السلام عليكم،

خواتي العزيزات انا سبق وطرحت موضوع بخصوص الماجستير بصراحه للاسف اهلي مب موافقين اني ادرس في إماررة أخرى((يعني لازم في بوظبي)).


أدري انه الحين في وايد تخصصات ماجستير بمختلف الكليات والجامعات لكن الخبرة اكيد عند خواتي اللي درسن وخلصن او على وشك يخلصن دراستهن. يعني منو اللي بتغامر وتسجل بس اعتماداً على الاتصال في الكليات او الجامعات فقط دون اللجوء إلى الاستشارة(عشان جيه خل استشيركن ونستفيد من بعض).

مدري انا بصراحه محتاره وين اكمل دراسة الماجستير بصراحه وايد يكلف فبوظبي انا ماابى ادرس وعقب اتحسر يعني ابى التالي:

-الشهادة: معترف فيها من قبل التعليم العالي
-التخصص: مناسب من ناحية انه يكون مطلوب ويكون عملي اكثر
-مدة الدراسة: افضل سنه او سنة ونص
-التكاليف: مابين 50 الف الى 70 الف(ولو اني اتوقع توصل 100 الف)
-الحضور: يكون فقط يومين وياريت مب بالويك اند(اتوقع كله بس بالويك اند)
-الاختلاط: افضل يكون كله "حريم"(اتوقع غير موجود)
-اماهي المتطلبات المطلوبة للالتحاق بهذه الجامعة لإكمال الماجستير؟؟؟

وللعلم في ناس نصحوني بجامعات موجوده فالخارج بس طبعا الدراسه اون لاين بس للاسف سمعت انه غير معترف بها من قبل التعليم العالي يعني شهادة الماجستير اللي تكون اون لاين مب معترفيين فيها....صحيح هالكلام؟؟ اللي تعرف ياريت تفيدنا

بالنسبه لشروطهم ممكن عقب اشوفها من الموقع بس ابى شوركن وبهالامور وادري مابتبخلن<<<لاتفشلونها

أنا ادري انه وايد يفكرن نفسي مليون مره فخلونا نفيد بعض فهالموضوع بحيث انه نناقش موضوع الماجستير عسب نسجل ونكمل دراستنااااااا

المزيد من آخر المواضيع من نفس القسم:

• تنفيذ بحوث لطلاب الجامعه
• استفسار عن جامعه
• استفسار عن جامعات رخيصة
• كلية الأفق جامعية ؟ شو رايكم فيها
• طردوني من كليات تقنية سؤال في مجال أرجع؟
• الجامعة الامريكية في دبي
• علوم البيئة أو التصميم الداخلي (((جامعة...
• بنات جامعة زايد وجامعة الشارقة استفسار
• طالبة وبتخرج .. استفسار ضروري
• Syria

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[No 5]

مرحبا اختيه

وانا بعد اتشاور اسجل للماجستير

و فكرت بجامعة زايد وجامعة ابوظبي لكن ما اتصلت فيهم بعدني

والايلس خذته وجاهزة لكن مترددة من الدوام كيف بيكون

خاصة اني اشتغل

[malak_AD]

مرحبا اختيه

وانا بعد اتشاور اسجل للماجستير

و فكرت بجامعة زايد وجامعة ابوظبي لكن ما اتصلت فيهم بعدني

والايلس خذته وجاهزة لكن مترددة من الدوام كيف بيكون

خاصة اني اشتغل

اولا اشكرج عالتواجد بالموضوع والله شوفي هو احسن شي للحين عرفته انه جامعة زايد وجامعة بوظبي الافضل.... بس لو في مجال ناخذه اون لاين ويكون معترف فيه ليش لا احسن صح؟
بالنسبه لجامعة زايد اللي اعرفه يومين او ثلاث ايام الحضور ومساءاً

[أم زيودي]

انزين انتي شوو تخصصج اصلا وفي اي مجال بتكملين؟

[No 5]

مرحبا ملاك بوظبي

بالنسبة لي انا ما يناسبني اونلاين...احس ممكن الوقت يضيع مني وانا ما سويت شي

غير لما تلتزمين بوقت ومحاضرات ومتابعة


مرحبا ام زيودي...عني انا بكمل بالتربية وماجستر القيادة التربوية مطروح بالجامعتين

بس جامعة ابوظبي ارخص لكن ما ادري بطبيعة دوامهم

باجر بتصل وبشوف جان ما فاتني الوقت...احيد الارشاد كان باخر رمضان

مشكورين صبايا

[Um_BirGa3_NIKE]

انا بتخرج السنه اليايه اذا الله راد , ادرس في جامعة بوظبي و بكمل الماجستير فيها بعد....اظن اب 50 الف....و الدراسه سنه...الله يوفقنا اجمعين

[عفيير]

إختي انا سجلت تسجيل مبدئي في جامعة بوظبي
ماجستير إدارة شؤون الموظفين..الدراسه خلال سنه لين سنه او سنه ونص وبتكلف 48 الف بدون الكتب واعتقد قمية الكتاب من 200-300 درهم
الدراسه معظمها في ايام الاسبوع من 6-9 وفيه الصبح اعتقد من 10 وبعد شي مواد مطروحه في الويكند (السبت)
الجمعه ماشي دوام
والكلاسات مختلطه ماشي مجال..وطبعا الماجستير عباره عن بروجكتات (مجموعه) مب بروحج
بس في احتمال يزيدون اسعار المواد..لانهم شافوا إقبال كبير على برامج الماجستير
الماجستير معترف فيه من قبل التعليم العالي..بس مب إنترناشونال

وطبعا مطلوب الايلز او التوفل والأشياء الرئيسيه مثل مصدقه من شهاده البكالوريوس,السيره الذاتيه,صور شخصيه,السجل الدراسي,صوره من الجواز,ولازم الجي بي إيه فوق 2.5 وإذا اقل لازم خبره 7 سنوات,شهادة لمن يهمه الامر انج تشتغلين وكم سنه تشتغلين
وانصحج تدخلين مواقه الجامعتين لانهم حاطين بعض المعلومات عن برامج الماجستير
وإذا حابه تسجلين..فلازم تستعيلين لانه تقربيا بيبتدون في 11-10
والسموحه منج

[ترتبيشن]

انا ابا ادرس ماجستير ادارة الاعمال MBA واحلى ما فيه انه اي حد عنده بكالريوس باي تخصص يقدر ياخذه

[malak_AD]

انزين انتي شوو تخصصج اصلا وفي اي مجال بتكملين؟

ابى اكمل في شي اداري اكثر اوHR
او Business Adminstration-MBA

[malak_AD]

مرحبا ملاك بوظبي

بالنسبة لي انا ما يناسبني اونلاين...احس ممكن الوقت يضيع مني وانا ما سويت شي

غير لما تلتزمين بوقت ومحاضرات ومتابعة


مرحبا ام زيودي...عني انا بكمل بالتربية وماجستر القيادة التربوية مطروح بالجامعتين

بس جامعة ابوظبي ارخص لكن ما ادري بطبيعة دوامهم

باجر بتصل وبشوف جان ما فاتني الوقت...احيد الارشاد كان باخر رمضان

مشكورين صبايا

حياج الغاليه وافيدنا لو عرفتي شي بنسبه لجامعة بوظبي^_^ وخلص التسجيل ولابعده؟

[malak_AD]

انا بتخرج السنه اليايه اذا الله راد , ادرس في جامعة بوظبي و بكمل الماجستير فيها بعد....اظن اب 50 الف....و الدراسه سنه...الله يوفقنا اجمعين

انزين اختي تعرفين اذا شهادتج معترف فيها من قبل التعليم العالي؟؟

زين والله بس سنه وخمسين الف <<<احلى خبريين اليوم

انتي تروحين الصبح ولاالمساء؟ وهل هالشي اختياري؟ والف شكر لج

[malak_AD]

إختي انا سجلت تسجيل مبدئي في جامعة بوظبي
ماجستير إدارة شؤون الموظفين..الدراسه خلال سنه لين سنه او سنه ونص وبتكلف 48 الف بدون الكتب واعتقد قمية الكتاب من 200-300 درهم
الدراسه معظمها في ايام الاسبوع من 6-9 وفيه الصبح اعتقد من 10 وبعد شي مواد مطروحه في الويكند (السبت)
الجمعه ماشي دوام
والكلاسات مختلطه ماشي مجال..وطبعا الماجستير عباره عن بروجكتات (مجموعه) مب بروحج
بس في احتمال يزيدون اسعار المواد..لانهم شافوا إقبال كبير على برامج الماجستير
الماجستير معترف فيه من قبل التعليم العالي..بس مب إنترناشونال

وطبعا مطلوب الايلز او التوفل والأشياء الرئيسيه مثل مصدقه من شهاده البكالوريوس,السيره الذاتيه,صور شخصيه,السجل الدراسي,صوره من الجواز,ولازم الجي بي إيه فوق 2.5 وإذا اقل لازم خبره 7 سنوات,شهادة لمن يهمه الامر انج تشتغلين وكم سنه تشتغلين
وانصحج تدخلين مواقه الجامعتين لانهم حاطين بعض المعلومات عن برامج الماجستير
وإذا حابه تسجلين..فلازم تستعيلين لانه تقربيا بيبتدون في 11-10
والسموحه منج

اولا الله يعطيج العافيه وايد حطيتي تفاصيل مفيده جدا
والله كفيتي ووفيتي الغاليه يزاج الله خير بس انا بسجل لترم الياي يستوي؟ يعني ابى ابدأ على فبراير ان شاءالله الايلسIELTSكم اقل شي؟ وكم مره فالاسبوع تروحين؟

[malak_AD]

انا ابا ادرس ماجستير ادارة الاعمال MBA واحلى ما فيه انه اي حد عنده بكالريوس باي تخصص يقدر ياخذه

هيه اكيد لانه عام اكثر بس سمعت انه ممكن لو تخصصج غير يعطونج مواد اضافية مادة او مادتين بس عادي تدرسين هالتخصص وانتي بتخصص ثاني.


وشكرا عالمشاركه

[ترتبيشن]

هيه اكيد لانه عام اكثر بس سمعت انه ممكن لو تخصصج غير يعطونج مواد اضافية مادة او مادتين بس عادي تدرسين هالتخصص وانتي بتخصص ثاني.


وشكرا عالمشاركه

هيه لازم اخذ اربع مواد من كلية الادارة ..غير جذا يبون شهادة خبره خمس سنوات !!!!!! قلتلهم من وين اييبهن وانا ما اشتغل اصلا ..فعسى يتجاوزون هالشرط

[Janette]

اب اب اب اب