ما بعد الخطووبة

**bnooota** · 2008-10-05, 15:14

السلام عليكم،،

بصراحة يا جماعة أبا مساعدتكم،،، ممكن حد يخبرني عادة يووم أهل العرووس يطلبوون من المعرس شو يطلبوون؟؟
قصدي المهر و الزهبة ،، و شوو علييهم و شوو على العرووس
لأن متقدملي وااحد و انا موو عارفة أتصرف او شو اقوول
هم بيوون الييوم ،،، ساعدووني

المزيد من آخر المواضيع من نفس القسم:

**وجه القمــــر** · 2008-10-05, 20:29

مبروووك أختي والله يتمم فرحتكم ع خير .. إن شاء الله ذوات الخبرة يفيدنج

**هدوء20** · 2008-10-05, 20:35

مبروك مقدما
طبعا في البدايه يكون اتفاق بينكم و بينهم
و المعروف انهم ما يطلبون من العروس شي
و المعرس عليه المهر و ممكن يعطيج بيزات عشان زهبتج او هم يزدهبون لج طبعا ها اتفاق بينكم
و اتم ترتيبات العرس
و اتفاقات الملجه
اشيا عاديه اكيد اهلج يعرفونها
بالتوفيج

**شوق _ زايد** · 2008-10-06, 03:02

للرفع

**دلوعه الموت** · 2008-10-06, 03:09

الله يتمم لكم على خير

**AD Classic** · 2008-10-06, 03:18

وعليكمـ السلام ورحمه الله وبركاته ..

الله يعدي هالايام ع خيــر ,,

بخصوص الخطوبه .. ان شاء الله افيدج من خبرتي ..

العاده اذا كلن مقتنع بالثاني ..

قبل الخطبة الرسميه يصير التشاور بين الرياييل ع المهر والزهبه ..

طبعاً لازم انتي تكونين ع علم مسبق ..

وترا انتو اللي تحددون المهر .. يفرق من عايله لعايله ..

مثلا انا مهري ( مقدم ومؤخر ) + زهابي كان 100 الف ..

20 الف مقدم ( هديه للعروس ) ..

20 الف مؤخر( مايعطوني اياه .. هذا اذا صار الطلاق لا سمح الله يعطيني اياه ) ..

60 الف زهابي مع الذهب ..

واهلي حاولو يراعونهم ونقصو بعد بس هم يبون واايد اقل وعقب اهل الريال رفضو ..

واذا الريال عزم يسوي عقد القرآن ( الملجه ) .. فحفله الملجه تكون ع حسابكمـ ..

منهم من يسويه في بيت .. ومنهم من يسويه في القاعه او فندق .. اللي يقدر عليه ..

وطبعا الريال بيعطيج البيزات المقدم والزهاب والذهب يوم عقد القران ..

منهم يعطي كامل .. ومنهم من يعطي ع دفعات عقب الملجه ..

وليله الحنه ع حساب اهل العرووس بعد ..

اما العــرس ع حساب الريــال ..

ان شاء الله قدرت افيدج .. واي سؤال انا حاضرة < خبره لوول

ومبروووك مقدما ..

**bnooota** · 2008-10-06, 09:17

مشكووووووووووووورة إختي AD Classic و يزاج الله ألف خيير أفدييتي وااايد

**الحلوة المورة** · 2008-10-06, 10:37

بالبركة حبيبتي مقدما

**وردة الجاردينيا** · 2008-10-06, 11:26

الله يتمم لج على خير

**missuae3003** · 2008-10-10, 06:47

ماقصرت AD Classic .... بس كل عايله يختلف عندها موضوع منو عليه الملجه ...

نحن مستحيل اهل العروس تكون عليهم الملجه .. منقوووووووود ...

حتى لو بتكون في بيت العروس .. المعرس يتكفل بكل شي ... العشا وهالسوالف ...

بس اهل العروس عليهم ليلة الحنا ... بس حفلة الملجه والعرس على المعرس ..

هذا في عايلتنا ..

.
.

وكل عايله تختلف طبعا في عاداتها ..

انتي شوفي عادات اهل المعرس كيف ؟!

**أم اليدايلل** · 2008-10-16, 16:38

هلاااااا حبيبتي شوفي المصريف كله على المعرس واهلها اهل العروس مايدفعون شي انا هذا الي اعرفه وعند كل القبايل....وعاد على حسب هل المعرس الي يعطونج اياه ...,,,,أختي يوم عرسه عطوه 150الف حق الذهب والفستان والحنا يعني اغراضه كامله ام لختي اثانيه هم اتزهبولها اهل المعرس وماقصرو الصراحه

الموضوع: ما بعد الخطووبة

أدوات الموضوع

عرض

شو أسوي بعد الخطووبة

المزيد من آخر المواضيع من نفس القسم: