ان شاء الله راح ابدأ أتزهب

[راعية فورويل]

السلام عليكم خواتي اشحالكن؟؟
اليوم استلمت بيزات الزهبه من الوالد الله يطول بعمره ويخليه لي يا رب
وببدأ أتزهب ان شاء الله
بس بغيت مساعدتكن..
ممكن تساعدوني شو الأشياء اللي اشتريها بالترتيب؟؟
وشو بعد لازم اشتري حق ريلي وياي؟؟
وياكن ألف خير على مساعدتكم وربي يبارك لكم في أهلكم ويطول أعماركم

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Bint Al Ali]

اختي انا راده على وحدهـ موضوعها شرات موضوعج اتمنى يفيدجـ

بالنسبة لسؤالجـ .. وشو بعد لازم اشتري حق ريلي وياي؟؟ )

سوي له مندوس .. فيه ( نعال \ غتره \ عقال \ بزمه \ قلم \ محفظة \ مسبحه \ عطور \ دهن عود \ كنادير \ نظاره شمسية \ او شي مفضل ) .. و اهديهـ ياهـ فيوم عرســـج

[ الزهبة ]

البدل : خذت 20 بدلة ---> قمصان و تنانير و بناطلين

الذهب : خذت طقم للعرس .. ---> بعدني ما كملت الباقي

المكياج : بوكس كامل من ماركة جفنشي فيه كل عدة المكياج

العبايات و الشيل : 10 اطقم + 4 عبايات سادة + 25 شيلة

العطور : 20 عطر فرنسي + دهن عود + بخور

الكريمات و اللوشن : 15 .. من ماركس سبنسر

النعل : 20

الشنط : 15 شنطة

جلابيات البيت : 20 جلاببية ( جلابيات النوم + للبيت مطرزات )

الأقمشة للمخاوير : 25 قطعة . ( حطيت ميزانية 20 ألف )

ساعات : 4 سااعات

بيجامات : 20 بيجامه ( الشورت و البنطلون )

قمصان نوم : 20 ( طويل و قصير )



[ تجهيزات العرس ] ---> ليلة الحنا بيكون في تاريخ 9\11\2008



الكوشة : محل زهرة البنفسج ( 4000)

المكياج و الشعر : فاطمة العوضي ( 500) ---> بدون الشعر ( بس استشوار )

الفستان : محل لافانا \ و القماش من عندي من محل ( سينيه - سوق السور ) ( 4000)

الحنة : صالون أحلام ( 1500 )

تجهيز الصالون : الاظافر : صالون مواويل \ الحلاوة و حمام زيت : صالون سالي \ الحف : صالون جوهرة

البوفية : مطعم ارسلان ( بحدود الـ 15 ألف )

الفرقة : فرقة جناحي ( 6000 )

الذهب : من وحده أتأجر

التصوير : استديو جميرا ( 3000 )



[ الليلة الاخيرة ] بيكون في تاريخ 10\11\2008


الشعر و المكياج : هيفا صفر ( 5000 )

الفستان : مفضلة عند أزرا ( 35 ألف )

الكوشة : محل سيدتي ( 15ألف )

التصوير : استديو جميرا ( 3000 )

القاعة : جمعية أم المؤمنين ( 40 ألف )

الفرقة : فرقة الكواكب ( 4000 )

الصبابات : محل لمسة فن ( 2000 )

المسكه : محل الأثير ( 1000 ) بس الحديد لقبضة اليد من عندي لو من عندهم أكثر من 1000





اي استفسار أنا حاضرة ...


و الله يوفق كل بنت مقبلة على الزواج

[راعية فورويل]

مشكورة اختي عالرد
في انتظار ردود اخرى....

[شوق _ زايد]

للرفع

[um sheikha]

بالمبارك أختي
كم المبلغ عزيزتي؟
أنتي من بوظبي أو العين أو من المنطقه الغربيه أو الأمارات الشماليه ؟
والمبلغ بس حق زهبج إلي هي الفستان والذهب والملابس والمكياج ..من دون شي أخرمثل الكوشه وما شابه؟

أعتقد هاذي الأمور قد تساعد في أستفسارج وأقدر أحددلج المبالغ لكل الزهبه وأقدر أساعدج أكثرأذا كنتي من بوظبي .

[بورش كايين]

مرحبا اختي

انا توني مخلصه الزهبه نصيحه وزعي الفلوس سويلج جدول ولو خلصوا مثلا فلوس العبايات وقفي لا تزيدين احسبس كل شي صح

انا بديت اشتري بدون ما احدول بعدين اتوهقت

اول شي ابدئي بالمغربي عشان ياخذ وقت والذهب شوفي يوم بينزل اشتري ونصيحه لا تكثرين من البدل والعبي لانهم متجددين يهني 8او10 اطقم عبي تكفي متنوع بين ساده وفيهم شغل والكريمات مال الجسم لاتكثرين بعد انا اشتريت 5 اطقم من فكتوريا سكرت

يااختي السوق ما بيطير

واخذيلج قمصان نوم هاذيلا اخذي 20 و10 بجامات يكفون لان اكيد بتشترين وايد بعدين وخلي زهبتج متنوعه بين الماركات والاشياء الاقل بس حلوه والله يوفقج واي سؤال انا حاضره بتسلى وياج لاني صدق متوتره عرسي الاسبوع الياي

["شموخ"]

مبروك وربي يوفقج غناااتي

[ميرة دبي]

للـــــــــــــــرفع

[♥ نبض♥ قلبـي♥]

وفقة الغالية ^^

[al-raheel]

للرفع

وربي يوفقج

[أسووم]

بصراحة انا بنزلج موضوع عن الزهبه كامل لكن ما اذكر البنت اللي كتبته يعطيها الف عافيه لاني طبعته عندي قلت ممكن استفيد منه او افيد غيري

يعطيها الف عافيه ع الموضوع وان شاء الله تستفيدين منه

ودعواتج لي بالزوج الصالح اجل غير عاجل

أولا :نــــــــبدأ بالحجـــوزات المطلوبـه:-

حجز القاعـــه..
حجز المكياج والشعر (للعرس والحنا والصباحيه والهديــهـ) ..
حجـز الكوشه والاضاءه..
حجزالتوزيعات..
حجز التصوير واختيار البوم العرس..
اختيار بطاقات الدعوه..
حجـز الفـرقه..
حجز الأمن ( تفتيش جوالات الكاميرا)..


ثانيــا: قائمة مشتريات العروس :-



الفساتين:


1-فستان الزواج ( تفصيل - ايجار- جاهز )..
2-فستان الصباحيه..
3- فستان الهديــه ..
4- فستان او فستانين زياده على حسب انتي شلوون..


الجلابيات:


1-طبعا تختلف الوحده عند بيت زوجها بتسكن تحتاج كميات من الجلابيات اكثــر .. يعني من 5 الى 10 جلابيات لاتكثرووون ......وفيه بنات مايحبون الجلابيات فلاتتعبون نفسكم..

2- جلابية الحنــا أو فستانها ( طبعا شعبي)..


قمصان النوم

كل عروووس لاتكثر عن 15 قميص نووم لانها بتمل منهم وبعد الزواج بتشتري ... طبعا يتنوعون بين الطويل والقصير وبوفتحه والرئيـــــــيسي الي حق اول ليله يكون طويل ومستر ( مايمنع يكووون دانتيل وشفاف طبعا ) ولون العرايس المعتاد للون ليلة العرس هو السكري ودرجات البيج ..



البجامات :


تنوعون بين بجامات الحرير والشورتات والبجامات القطنيه ( بتحتاجونها ايام الدوره ) وبعد لاتكثروون يعني 10 كفايه .. وطبعا مايحتاج اوصي عالسليبرز عشان نكمل الطقم >> حركات...والارواب..


الملابس الداخليـــــه:


من15 الى20 طقم..


ملابس البيت :


طبعا ملابس الغرفه اقصد اوالبيت لوكنتي بروحج وتتنوع بين برمودات وتنانير قصيره وحركات دلع .. اخذوا الاشياء العمليه الدلوعه (شرايكم بالتعبير) عشان تنفعكــم ..


ملابس السبورات :


جنزات ... وتيشيرتات ... قمصان كشخه وعمليه ... حزامات ... وماالى ذلك..



البــدل والتنانير :


تحتاجين من 4 الى 6 بدل كشخه لانج من عقب العرس بتجيييييج زيارات كثيره وبتحتاجينها .... وبعد بتحتاج التنانير الساده العمليــه ..


العطورات والكريمــات :


بتااخذينلك كذا كولكشن عطور مع كريماتهم + عطور عربيه (دهن عود ومخلطات وبخور) + عطور فرنسيه+ مسك المنطقه الحساسه..


الشنــــــط (الحقائب) :


العرووس تحتاج الشنط كثيــر فلازم تكون حريصه انها تنوع وتاخذ ( شنطه او ثنتين عمليات لشهر العسل + شنط سهره بالالوان المهمه مثل الاسود الذهبي الفضي + شنط ماركــات راقيــه ) ....

شنط لتجهيزاتك (طقم) + شنطة مكياج + شنطة للمجوهرات ..


العبــــــايات :


عدد 6 عبايات (أطقم طبعا) ( 3 راقيات للمناسبات + 3 عمليــات فيهم حركات خفيفه وممكن تفصلين وحده ساده )..


المكيـــاج :


كريم أساس للسهرات: ( ديور).

- كريم أساس للاستعمال اليومي: ( ذا بودي شوب).

- أساس استوديو فيكس من (ماك).
- بودرة مضغوطة من (كانيبو ).
- بودرة مضغوطة للاستعمال اليومي ( ماكس فاكتور).
- لووز باودر ( من شانيل).
- مثبت مكياج ( جيفنشي).
- كريم ترطيب قبل المكياج ( هذا للحين ما اخترته ومدري شو احسن نوع).
- اللمعة دايموند باودر من ( ميك أب فور ايفير).
-الكونسيلر تاتش أوف لايت من (ايف سان لوران ).
- و الكونسيلر المتنوع الباليت الكامل من ( ميك آب فور ايفير).

- قلم الكحل الأسود من لانكوم و ماك.
- ماسكرا من استي لودر.
- و ماسكرا هيبنوس من لانكوم.
- الآي لاينر آرت لاينر من ( لانكوم).

الشدو:
بيق مينت من ماك للسهرات بآخذ ألوان معينة .
مجموعة شدو منوعة بين المات و اللمعة و الكريمي من ماك و بن ناي و نوبا ..
علبة الشدو الكاملة من مكياجي للاستعمال اليومي و الخفيف .

البلاشر :
نوبا و ماك.

الأرواج و الجلوسات:
ماك و نوبا و ميك اب فور ايفير و جيفنشي.

فرش المكياج و قطع اسفنج :
بودي شوب و ريد إيرث وماك . ومستحضر منظف للفرش من ماك.

مثبت الشدو:
من ماك رهيييييييب و يخلي اللون يثبت و ما ينثر على الوجه.

- رموش :ماك.



مفــرش السريــر :

راجع لك اختيار العدد بس اعتقد 2 كفايــه ..


الذهب والمجوهــرات :


نصيحه لكل عرووسه لاتكثرين من المجوهرات لان راح تجيك هدايا كثيره ... يعني تاخذين طقمين او 3 الماس وذهب ابيض .. طقم ذهب أصفر(طبعا لوانتي من محبين الذهب ممكن تاخذين اكثـر) .. والباقي نوعي بين كم خاتم وأساور لليد .. والشبكه ليوم العرس (طبعا مب شرط) ....



الســاعات :


ساعة ليلة العــرس ... وساعتين وحده عمليــه لشهرالعسل ووحده كشخه للزيارات وغيرها .. (( لوكان عندك ساعات من قبل العرس فماله داعي تكثريـن) ..



الأحذيــه :


تاخذين على ألوان الفساتين الي شريتيها + أحذيه بألوان أساسيه أسود-أبيض-بيج-فضي- + أحذيه عمليه لشهرالعـسل + أكيـــد حذاء ليلة العرس..



الأدوات والمستلزمات الثانويه :


مجفف شعر (سشوار) + مكينة للحف + عدةأظافـر+ عدة خياطة+ حلاوه –شيره سويت (بكل اللغات ) + ملقط شعر + اكسسوارات الشعر + مكواة بخار + مشقر لشعرالجسم




الاهتمــام والعنـــايه:


حمامات مغربيه + عنايه بالجسم + رياضه + حل مشاكل البشره عند دكتور جلدي + حمامات زيت وبرامج عنايه بالشعــر + بادي كير ومانيكير +عنايه بالاسنان..


أغــــــــــراض ومستلزمات السوبرماركت (الجمعيه) ومحلات العنايه :


صابون (للوجه + شور جل + للجسم ) + شامبـو + مقشرجسم + مزيل مكياج + كريمات عنايه + قطن للتنظيف + أعواد الأذن + أسيتون (مزيل المناكير) + أولويز (للدوره ) + كيرفري للاستخدام اليومي + غسول المنطقه الحساسه (ستيل أو كيرفري ) + سبراي شعر + جل شعر + كريم شعر (فاشكول ) + مناديل مزيله للمكياج + كلينكس ( للشنطه ) + كلينكس معطر + فحم سريع الاشتعال (للدخون ) + ليفه الجسـم + علكه للشنطه + زيت لوز ( لجفاف البشره ) + فرشاة أسنان + معجون + معطر جوللحمام الله يعزكم + ديودرنت+مجموعة عنايه على ذوقك ..

[أسووم]

وفديتج اذا حابه اشياء ثانيه ممكن اكتبلج اياها لاني واااااااايد طابعه عندي منهم
يعني اماكن المشترايات ومن هالسوالف كلها

واذا حابه قوليلي ع الرغم اني مش معرسه لكن ممكن افيد غيري

[راعية فورويل]

ما شاء الله عليج الغالية وفيتي وكفيتي
صراحه ساعدتيني وااايد
بس لو ممكن تزيدين بعد عن الأماكن اللي بلاقي فيهن هالاشياء وخاصة الماركات

[أسووم]

افا عليج الغاليه بنزله لج وان شالله تستفيدين منه
والف شكر للي كتبتهم للاسف ماعرف منو صاحبة الموضوع الف شكر لها مني

مقتطفات لا تنسى ....

(المــــلابس الداخليــــــه)


ملابس مريحه للنوم شفافه وخفيفه
ملابس داخليه للطلعات والدوام
أطقم سنتيانات للبيت غير مبطنة
أطقم سنتيانات سهرة
كلوتات انفرادية ألوان متعددة
ماركات الملابس الداخليه)
ايتام
شانتيل وافضل للعرايس منها الاطقم الفخمه التل او الدانتيل المشغول والالوان الاسود والعودي والباذنجاني
لاسنزا
نعومي
البي اتش
لاسنزا للمقاسات الصغيره وشانتيل للمقاسات الكبيره
وفيه أشياء حلوه مو ماركه لكن خامتها ممتازه
وافضل ستيانه تشد الصدر الكبير هي
PUSH UP
موجوده عند كل الماركات..... انتي بس قوليلهم ذا الكلمة
بس حتى البوش اب في اكثر من نوع
اذا تبغون وين باالتحديد تلاقونها مثلا عند ماركس آند سبنسر
ملابس النوم:
طقمين ارواب
قمصان طويلة بدون ارواب
قمصان قصيرة
بجايم حريري
بجايم قطنيه
كورساج + ستوكنغ اللي تجي فيها الشراريب و بعدين يشبكونها في الكورساج من فوق عرفتوها؟
متوفره عند نعومي


(ملابــــــــــس البيـــــت)

أقمصة قطنية طويلة عدد
أقمصة قطنية قصيرة عدد
أطقم شورتات قطنية+جينز عدد
تنوره قصيره عدد
تي شيرت عدد
بناطلين عدد
فساتين قصيره عدد
بودي عدد


(ملابـــــــــــــس خـــــروج)

يفضل شراء الملابس الجاهزه ولاتكثرين من الخياط لأنو حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات
واللون البرتقالي والفوشي حلو مع الذهب يحلي العروس باالأضافه للفضي اذا كان معاه كريستالات فضيه
والعنابي
والوردي
والكحلي
والسماوي
اذا كان داخل عليها الذهبي
باالنسبه للموديلات لاتروحين للمصمم لأنو بياخذ على الرسم مع ان الرسم عادي ويقدر اي احد يرسمه
عندك اقرب بقاله خذي مجموعه من المجلات المعروفه
سيدتي- الجميله-كل الاسره-زهره الخليج-اسرتي-لها
تلاقين فيها عروض أزياء تناسبك وقمه في الأناقه والذوق وبرضه جديده وتوفر عليك اختيار لون ونوع القماش احلى من مجلات الأزياء الخاصه لمسات وغيرها نقي لك منهامديل فستانين واحد للصباحيه وواحد احتياط وخيطيهم عند اي خياط تثقين فيه
اما ملابس الزيارات راح تلاقين في السوق تيورات كشخه ومناسبه لمقاسك وجاهزه من غير ماتعذبين نفسك في الخياط ومشاكله
برضه راح تحتاجين
جلابيات للأستقبال أو اذا كنتي ساكنه مع اهل زوجك
باالأضافه للتنانيرالجينز والأسود اللي تناسب كل تي شيرت ولاتنسين مديل اللف منها كلها أنوثه ممكن تفصلين لك كم وحده تلبسينها لما تخرجين مع زوجك نزهه أو مطعم
وبناطلين حلوه لشهر العسل


(الـــذهب )

لاتكثرين لأنو راح يجيك هدايا سواء من اهلك أو من اهل زوجك
خذي لك طقمين أبيض واصفر واذا كنتي ماتحبين الذهب الأصفر
لاتكثرين منه لأنو حلاته يوم الصباحيه اذا جيتي بتسلمين على اهله وبس
فااحلى شي يكون ذهب أبيض والماس
ساعه حلوه
واساور مع الساعه
وطقم ناعم
خواتم
فيه تعليقات الماس قمه في النعومه واللمعان عند الثميري في الرياض


(الشنـــاط)

الموضه في الشنط المشكوكه
راح تلاقين أشكال حلووه باالمره وخذي لك ثنتين عمليات
لما تطلعين مع العريس
الله يرحم ايام زمان كانت شنطتي كبر كفي
وهذه ماركات شنط حلوه
فندي و جوتشي و كريستيان ديور و لويس فيتون و جيفنشي و الكارتير و الشانيل بولغري تورنتو واستغلي وقت التخفيضات


(اغراض الحمام)

طقم روب
عدد من الفوط
شامبوهاتك وصوابينك المفضله
كريم حمام زيت<< ضرووووري بتدعين لي
شفرات حلاقه واختاري نوعيه جيده وماتسبب لك حساسيه وتخلصي من الشفره فور الأستعمال
رغوه حلاقه فيه رغوه حلاقه باالتوت لونها موف تلاقينها في السوبر ماركت تقريبا ويجي معها شفره كهديه لكن الرغوه روووعه وريحتها تجننننن
كريم صنفره
أسكينول منظف للبشره
فرشاه +معجون
على نكتار أخذت منه زبدة الجسمـ بالفراولة
ومعطر للغرفة
وأيضاً مكعبات جديدة لونها قريب من الأحمر غير الكور القديمة
رائحتها جداً جميلة للملابس والدواليب

مطهر غسول للفم هذا تستخدمينه بعد ماتفرشين جدا منعش وريحته منعشه
حبيبات بنكهات معطره للفم موجوده باالصيدليات
رغوه للجسم:أحلى الرغوات:
صانسليك- B5 وتجي معاه ليفه ناعمه جدا-
برضه ممكن تستعملين رغوه نونو الخاصه باالأطفال تخلي جسمك ناعم جدا
حلاوه لأزاله شعر الجسم واحلى حلاوه مجبره هي :شهرزاد لونها موف وغطاها أبيض
غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه جدا ممتاز وصناعه فلبينيه فيه باالتفاح والفراوله والنعناع
بودره المسك (للمنطقه الحساسه) تلاقينها عند العطار
مقصات ومبارد الأظافر
فوط صحيه
فوط الإستعمال اليومي
غسول خاص طبي طبي للمنطقه جربوا ( لوكريما ) او (ديو- سيبت ) يعني غسول طبي خالي من الكحول

شموع +ولاعه <<<تعلمينه انك رومانسيه بعد ماتطلعين مستحمه خلفي ورى خروجك من الحمام شموع مولعه
فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل مع الفواحه اختاري اللي يناسب ذوقك راح تعطي الحمام ريحه حلوه
ولاتخلينها فتره طويله مولعه علشان مايسير الحمام مخنوق ربع ساعه تكفي
علبه ديتول
اعود قطنيه
فازلين
مشط***فرشة شعر
غسول الأيدي انتي بكتريا
اذا توسخت ايدكم لها المنتج زي الصابون بس ما يحتاج تغسلوا ايدكم بعده بماي ويقتل الجراثيم مفيد للجميع وخاصة لو تعودوا اطفالكم بالمدارس لو دخلوا الحمام الله يعزكم أو قبل الاكل يستخدموه عن الجراثيم تلقونه بكل مكان وباحجام مختلفة وسعر رخيص
المناديل الواقيه اللي اسمها كير فري


(علاجـــــــــــات)

بندول
نصيحه

بعض العرائس ياخذون معهم حبوب منع الحمل مع التجهيز وهذا غلط خليها على الله وبعد انجاب أو طفل فكري فيها
..ونصيحه لاتفكرين ابدا بحبوب منع الحمل لأنها تخرب البشره والنفسيه وكلها تنعكس عليك


(الأحذية)

شباشب أنيقه للبيت
جزم مع فساتينك مشكوكه وناعمه
شباشب مشغوله
وجزمتين للطلعه مع زوجك يعني عمليه
وشباشب للحمام


(العطــــــــــــــور)

العطور العربية
مسك لزج يجننن عند عبد الصمد القرشي
الماجد للعود والعطور
اشتريت منه مباخر حلوة وأنيقة و بعد :
ليلة الدخلة أماسي ومخلط عبدالعزيز وميّال وجسمي 2
والعاذرية
عطورات أجمل كلها حلووه
الفرنسيه
ريميمبر مي
آديكت من كرستيان ديور
الترا فيوليت
هابي هارت من كلينك
مادنس madness من شوبارد
فان كليف
تندر بويزن من كريستيان ديور
لاكوست
No5من شانيل
إليزابث أردن
عطر الشيخ
قوتشي
فيرساتشي
إيتيرنتي لوفي
مونتيل
لانفان
باكو رباني
212
بلجر
wish
نوا
وهذه عطورات تنفع للنهار
نيبتون من زهور الريف
توت العليق من زهور الريف
سويت كامليا من زهور الريف
المسك الأبيض من زهور الريف
أنجل من زهور الريف
عطر باالفانيليا من نكتار
التوت البري من نكتار
المسك الثلجي من نكتار
عطر دريم
أنانيا فيه عند بودي شوب ونكتار
المسك من بودي شوب
أوشنس من بودي شوب <<
م(المفــــــــــــــــــــارش)

اختاري أثنين فقط
واحد أبيض وواحد مشجر
وخوذي معها قماش شيفون تقريبا مترين بنفس لون المفرش وارميه على طرف السرير.أو علقيه على تاج السرير يعطي منظر حلو للمفرش
وممكن تضيفين عدد من المخدات المربعه للمفرش يوجد مخدات مفرده باالوان متعدده تعطي منظر جذاب للسرير وتزيد من فخامه المفرش


(ماكـــياج)

ماكياج الصباح
اختاري كريم اساس خفيف تلقينه عند ماكس فاكتوروبودي شوب
اما الأرواج والجلوسات اللي تناسب النهارتلاقينها عند(ماكياجي..زهور الريف..بودي شوب..نكتار
شارمل الفرنسي
مكياج الليل
ماكياج الليل لازم يكون اكثف من النهار
باالنسبه للأساس احلى شي
ماك..جفنشي....كريستيان ديورويجي ضغاط يعني زي البخاخ ..كانيبو...فور ايفر وابتعدو عن نينارتشي يطلع قشور ويخلي وجهك كأنو مصبوغ في بويه

الأساس الستيك عملي جدا وخليه في شنطتك للطواري بس تمررين الأصبع بشكل سريع عند اللزوم..وخصوصا شهر العسل راح تحتاجينه في السفر اذا نزل العريس لمحطه البنزين طلعي الستيك وعدلي اللي خرب هذا ان سافرتي بسياره وخذيه من ماركه كريولان

كونسيلر فور ايفر تجيك علبه وفيها خمس الوان أخضر لأخفاء حبوب الشباب وانشاءالله ماتحتاجينه اذا سويتي تقشير..وفيه البني والبيج ثلاث درجات لتغطيه الهالات حول العيون..كريولان واختاري الأصفر والبني والبيج اذا كان فيك حبه ظهرت فجئه ولونها احمر فاقع ههههه والأصفرعلى جسر الأنف والبني على جوانب الأنف
كريم اضاءه
ريفلون..ماك..كريولان
بودره اضاءه ماك..بودي شوب
بودره بلمعه مافيه زي ريفلون خذي كل الثنتين البيضاء والبرونزيه

الكحل كريولان لانكوم وكحل القلم الجاف من جفنشي خطيييير

الشدو كريولان ..فور ايفر ..ماك..ووخذي علبه كبيره فيها جميع الألوان تلاقينها عند ماكياجي للأحتياط وشدوهاتهم حلوه وفيه عندهم ماركه نوبا شدوهاتها تهبل

(IsaDora )

البلاشر روحي لمكياجي تلقين عندهم ماركة
الوان البلاشر حقتهم روعه

مثبت الماكياج بخاخ من جفنشي.أو فور ايفر
المناكير خذي هذه الالوان بصلي..وردي..احمر..عنابي

الماسكارا هيلينا روبنشتاين ..بروجو..نيفيا

الأرواج
ماكياجي
فور ايفر
زهور الريف
جلوساتهم تهبل
نيفيا
شانيل
جفنشي
شسيدو
لانكوم
كريستيان ديور
مزيل ماكياج
ميلك للبشره
كريم مرطب للبشره
غسول للبشره كلين آند كلير

شنطة مكياج عشان تحفظين اغراضك فيها من الضياع وعشان يكون حملها سهل

(اكسســوارات)

اختاري اللون الفضي والملون مع ملابس البيت
نظاره شمسيه
بعض اكسسورات الشعر للتغيير
عدسات ملونه لاتكثرين لبسها في البدايه علشان مايتعود على شكلك فيها
ويفضل لبس العدسات بعد 6 شهور من الزواج للتغيير
توكات"بنس للشعر"
بعض البكل الجميله موتجيبين ميكي ماوس وارانب خلاص كبرتي



(الأجـــــــهزه)

مكينة براون أم ثلاث رؤوس أو رأسين فيها رأس للشعر القصير ورأس للحلاقة وغيره مافي أحسن منها أسرع وإختصار للوقت والجهد
على طول تشيلي كل الشعر إلي طالع وإلي دوبه بيطلع

مكوا عادي أو بخار
استشوار عدد 2 ياكثر ماينفقع الأستشوار باالفنادق ههههه

وان شالله بنزلج اماكن المشتريات حبيبتي

[أسووم]

اماكن المشتريات:

الف شكر للي كتبتهم وفادتنا والله

بسم الله خلونا نبدا...

محلات الذهب : ابوظبي ودبي

معرض للمجوهرت والساعات
احمد صديقي واولاده
دماس للمجوهرات
ستايل غاليري
مجوهرات امواج
مجوهرات الجابر
مجوهرات الصايغ
مجوهرات منصور
محل شوبارد – دبي - مركز وافي وبرج العرب
مجوهرات المنارةمجوهرات المارينا
اجياد للمجوهرات
بريمادايموند
الفطيم للساعات والمجوهرات
الليالي للمجوهرات ثمينة للمجوهرات
محمد رسول خوري واولاده
مجوهرات سفاري
مجوهرات سمرة
مجوهرات سيدار
مجوهرات الزين
خلود اترنتي للماس
مجوهرات شطاف
شذا للمجوهرات
مجوهرات كوجر
مجوهرات كويني
مجوهرات جودر
مجوهرات مولي
مجوهرات مراد
كريزما للمجوهرات
مجوهرات كنوار
مجوهرات ارمنور
مجوهرات جي بي
مجوهرات الساطع
مجوهرات سالم الشعيبي
سوق الذهب ومن المحلات المميزة فيه نميش وسمرة والانوار وعدنان وشطاف والكنز ومحلاتى – دبي – السوق القديم
Moments Diamonds Moments
محلات محمد شريف واخوانه (ساعات)
مشاعل غاليري ( للساعات )
باريس غاليري (للساعات )
رادو ( للساعات )

محلات القطع :

محلات البستان – العين – في شارع مريجب
الأسكافي. .- العين - شارع الجوازات القديم
الاتحاد – العين - شارع الجوازات القديم
العيسائي - الشارقة – مركز صحاري
سوق نايف ( الرخام ) – دبي- بجانب مركز المنال
مركز المنال – دبي
ريجال- السطوة وبر دبي
مركز الغرير
مركز الكرامة – دبي – تخصص قطع كشميريه وسواري هندية
كشخة بلازا – دبي- بجانب مركز ابو هيل
الرداء العربي – العين – شارع الصاروج
شارع الصاروج - العين
مينا بازار - دبي
زفة العروس – العين

الخيايط .. منها المصممين والعاديين :

الساهر- ابوظبي
شمس- ابوظبي
حناين- ابوظبي
مابل- دبي
دار لادونا لتصميم الازياء - دبي
كريولا- دبي
ابوظبي – دبي- الشارقه
الرحومي للخياطة
اماتو هوت كتور
بارعه للخياطة الراقية
دار فتله لتصميم الازياء
هالة لتصميم الازياء
ياس لتصميم الازياء
دار ساره للازياء –دبي
هاي فاشن للازياء-العين- العين مول
ازورين خياطه وتصميم –دبي –مقابل مبنى الجمارك
دار عقل فقيه –دبي
سونيتا فارما – دبي
فار فلله - دبي
رامز جيانيني – دبي
اروشي- دبي – شارع الجميرا
وليد عطاالله- دبي -في شارع الرقة
لابريما- دبي - بر دبي
ديلافيه- الشارقة - عند دوار البريد بجانب بنك ابوظبي التجارى...
ديباج – الشارقة
فيولا– الشارقة
خياط لاسو – ابوظبي
خياط المنهاج تقاطع شارع الجوزات والنجده عند الشيشه
المنصوري 2000– ابوظبي - الخالدية مقابل قصر الخصن
ساهر ضيا – ابوظبي
خياط لافا وفيرونا ستار - الشارقه
دوناتيلا – دبي - شارع الرقه
وليد خنسا = دبي - مركز وافي
يارا لتصميم الازياء –دبي
لا بيش- ابوظبي- مدينة زايد خلف المركز الذهبي للاثاث
غواشي – دبي- ديرة
خيوط – دبي- شارع جميرا
هزار – دبي – شارع جميرا
أورجنزا لتصميم الازياء-دبي
شيورا-دبي- شارع الرقه
كالاش-دبي- شارع الرقه
امواج-دبي- شارع الرقه
سرابيل-دبي- شارع الرقه
رونالدو-دبي- شارع الرقه
الريم-دبي- شارع الرقه
المرايا- دبي
خياط غافة- الشارقة – شارع الوحده لتفصيل الاثواب العربية
مركز مرجانة الخليج- دبي- بجانب سيف ان سيف قبل شارع الرقه عند مصمم اسمه توبي
خياط زنبقة الوادي – دبي – مركز بن سوقات (عندهم مصممتين تونسية وفلبينيةالتونسية متأثرة بـ إيلي صعب وايدوكانت تشتغل عند عقل فقيه) صح ان التصميمات روعة وخاصة اللي تصممها الفلبينية بس وحده سوت عندهم فستان من تصميمها طلع مختلف تماما عن التصميم والخياطة مالتهم رديئة.
سكاليني لتصميم الازياء -دبي
غناتي لتصميم الازياء -دبي
ميرانا غاليري- ابوظبي – الخالدية
جيبون- العين
ساتان- العين
غاية قبل(اتوال) –دبي- الجميرا تصميم زينة
لوش للازياء المغربيةويوجد لديهم فساتين – دبي - شارع الجميرا
لارينا – دبي - الكرامة
وليد عطا الله- دبي - بجانب دوار الساعة
شامواة – دبي - شارع الجميرا
زهير مراد – دبي - ديرة برج الصقر
جلاديولي - دبي – ديره شارع ابوبكر الصديق
ماي فلور للخياطة والتطريز
خياط روزالينا – دبي
خياط التمودا– دبي
خياط المنالى– دبي
خياط رحمانيان – دبي
خياط زاهرة – دبي
خياط شيفون– دبي
خياط الطرحة
خياط الزفة
تاج العروس – العين
غلامور– العين
الأبرة الذهبية– العين
أنستازيا – العين
بيت النور– العين
اللوتس– العين
الزمردة – العين
ألوندرا– العين
خياط حسيب -العين-المنطقه هيلي
بوجاتي – دبي
الزمرد الذهبي – دبي – تفصيل مغربي
فريج المرر – عالم الموضه- دبي- منطقة المرر ( مخاوير) والحرمة اسمها ام امينة
خياط الاصايل لخياطة الجلابيات المغربية – الشارقة
البيت المغربي – الشارقة
الثوب المغربي– الشارقة
خياط محمد قطب- العين ( مخاوير)
خياييط المناصير- العين ( مخاوير)
خياط سمسوم – البريمي بجانب مدينة العين ( مخاوير)
خياط القصيمه- العين - اللي في المريجب ( مخاوير)
خياط المسعودي – العين ( مخاوير)
خياط..الشمعدان- العين – شارع خليفة.... ( تخصص بدل )
خياط بخش – العين ( تخصص بدل )
خياط بو فلاح- العين
خياط العامري- العين - في المويجعي
خياط الوفى- العين - خياط القصور – العين ( تخصص بدل )
خياط كازابلانكا – عجمان – يفصل مغربي
خياط بنت البادية – دبي- خلف مركز مزايا ( للجلابيات القرشية)
خياط بر دبي – دبي – بر دبي
خياط المرر- دبي – فريج المرر
خياط سوق الذهب - دبي- سوق الذهب
خياط المويجعي – العين
خياط المناصير – العين
خياط الشارقة – الشارقة – مقابل فندق راديون ساس

محلات الجلابيات الجاهزة:

ابوظبي – دبي - الشارقة
اليشمك – متوفر على مستوى الامارات
الاصايل - في ابوظبي - روتانا مول
عبدالله حسين خنجي للعبايات والقطع –ابوظبي
نوف – دبي - شارع الضيافة
محل البحرين – دبي
محل الهتون – العين – العين مول
راجو بلازا - دبي - بجنب حمر عين
كشخة بلازا – دبي- بجانب مركز ابو هيل
الاسطورة – ابوظبي- شارع النصر-عمارة شارل جوردان
القفطان المغربي – دبي
ياسمين للجلابيات –دبي
الهود ج – دبي – مركز البستان
سول شيتل- دبي – مركز بن سوقات
سويره- ابوظبي – بجانب مصرف بوظبي الإسلامي
شيتال- العين - العين مول. .
روز استايل – العين - في الشارع العام خلف مصرف ابوظبي الوطني ( به اكسسوارت هندي وعقود )
شيتل- الشارقة – السوق الجديم
راجو بلازا – الشارقة – السوق الجدي
الجادي – الشارقة – السوق الجديم
ليله الزفه – العين – مقابل ال K.M
راجو بلازا – العين –
الجمال المغربي – العين – شارع الجوازات القديم جلابيات مغربية
ياسات – ابوظبي- الخالدية خلف ادم وحواء

محلات الفساتين الجاهزة وملابس السهرة والبدل :

كوكون-دبي- في السيتي سنتر دبي
محلات كان كان – ابوظبي – المارينا مول
محل بو وليد – ابوظبي - شارع المطار
ومحل كلرز – ابوظبي – شارع خليفة
روديو درايف- دبي - في أبراج الامارات...
إتوال- دبي- في وافي...
موشغان- دبي-
زارا – دبي
دبنهامز – دبي – ستي سنتر
غواني – دبي- شارع الشيخ زايد مركز الواحه
اكسنت- دبي- مركز وافي
باريس سواريه – الشارقة - مركز صحارى
الجعيدى – الشارقه – ميغا مول
الجعيدي- دبي – حمر عين
محل "AnotaH" -أبوظبي مول
برمود – ابوظبي – ابوظبي مول
دونا مودا- ابوظبي- شارع خليفة
جولي – ابوظبي- مركز فتوح الخير
محل درة الخليج – الشارقه – السوق القديم
لي لي – العين
فوشيا- العين
فساتين – العين – العين مول
دار العرائس- العين
هاي فاشن- العين
الطائر الاخضر- ابوظبي
بوشيه – ابوظبي
بيبي فشن-ملابس جاهزه للأطفال والكبار رووووعه- أبوظبي

محلات الشيل والعبايات :

الخمار الاسود –دبي
بيت الاختيار الاول – الشارقه – صحاري مول
شيلاتي – دبي
ارابيسك – دبي
البلسم – عجمان – شارع النخيل بناية الشيخ حميد (تخصص تفصيل عبايات بنفس شكل عبايات ماي فير ليدي )
الهنوف– عجمان
الوتر– عجمان- شارع النخيل بناية الشيخ حميد (تخصص تفصيل عبايات بنفس شكل عبايات ماي فير ليدي )
ماي فير ليدي - دبي - في ابراج الامارات
ماي فير ليدي –ابوظبي- مركز فتوح الخير
سويت ليدي – ابوظبي- الخالدية
المشاعر – ابوظبي-
آنساتي- بوظبي
بلو دان –ابوظبي - مركز المهيري
محل الاختيار الأو ل- ابوظبي – مركز فتوح الخير
محل الاختيار الاول-سيتي سنتربس شركه ثانيه -دبي
محل بيت الاختيار الأول -ميجا مول-الشارقه
محل ميد نايت واايد رووعه -صحاري مول-الشارقه
محل بدون اسم-صحاري مول-الشارقه
خنجي - ابوظبي –الخالديه
غناتي- ابوظبي –الخالديه
حناين – دبي - مركز الغرير و سيتي سنتر
لارين – دبي – مركز وفي
محل ايليت- دبي – بالم ماسترب

محلات العطور والمكياج واماكن بيع الدخون والعود

انواعها :
أنسام للعود والبخور والهدايا العطرية
مؤسسة عوض القبيسي للعطور – ابوظبي -الخالدية
المميز للعطور الملكية- ابوظبي – شارع النصر
ادم وحواء للعطور – ابوظبي – الخالدية
حفيت للعطورات- العين – الجيمي
باريس غاليري للعطور والمكياج – الامارات –
ماي للعطور – دبي – السطوة
اريج للعطور – دبي – مركز الواحه , سبينس, جمعية الاتحاد
مشاعل غاليري- دبي- ستي سنتير
دبنهامز – دبي – ستي سنتر
ذي بادي شوب عطور وكريمات ومكياج – دبي – ستي سنتر
اجمل – دبي- السوق الجدي , جمعية الاتحاد
الرصاصي – دبي- السوق الجديم , ستي سنتر
عبدالصمد القرشي – دبي – وافي , ستي سنتر
اربين سويس- دبي- لامسي بلازا
العربية للعود – دبي – مركز المنال
ميك اب فور ايفر- دبي – وافي
ماك – دبي- ميركاتو و ستي سنتر
زهور الريف- الشارقة – صحاري سنتر
محلات الاميري – الشارقة - السوق القديم
سيدتي الجميلة – الشارقة - السوق المركزي
سيد جنيد – دبي والشارقة – حمر عين , صحاري سنتر
المشاعر – الشارقة – السوق القديم

محلات الاحذيه ( كرمتوا ) والشنط الماركات والتقليد والعادي :

الدو – دبي – مركاتو
مركز لامسي بلازا – دبي- مجموعه كبيرة للاحذية النسائية الراقية جداً
شومارت – الامارات
مركز المنال – دبي- يوجد به العديد من محلات الاحذيه
جان فان – دبي- الكرامه ( شنط مقلده )
محلات الشنط المقلده في عجمان (اول ما تدخلين عيمان من جهة المرقاب سيري سيده مب بعيد عن دخلت عيمان بتشوفين بناية فاشون لاين هم البنايه الي حزاهم علي طول تعتبر برج مقابل سوبرماركت لالس تلفين وترجعين من الاشارات يسار تحت البرج محل اميره يبيع شنط وجواتي هم في المحلات الداخليه للبنايه علي ايدج اليمين ثاني محل او ثالث محل... بس انا من سنه رايحه لهم بس الحين ماعرف عن الموديلات.. رقم التليفون 067420757)
غناتي – الفجيرة – وله عدة فروع في دبي والشارقة
الساعه الفضيه - ابوظبي- الخالديه( للشنط )

محلات الاكسسوارات :

تيجان- ابوظبي-الخالديه
مركز ليوا – ابوظبي – الطابق الارضي
سيدة لندن – دبي – مركز المنال
محل كلاريس -في صحارى مول وميجا مول -الشارقه

محلات اطقم النوم والبياضات ومفارش للسرير.:

معرض ايوب – ابوظبي – شارع خليفة
بلو ليلى- ابوظبي-
بوتيك بودوار – ابوظبي – الخالدية
محل اسمه انا وطفلي...تسويلج كل اللي تبينه من قمصان نوم وأغراض الطفل ومفارش لطاولات ولغرفة النوم اي شي فخاطرج تسويه وكله بالدانتيل والتول والتفته -المكان في بوظبي جنب بناية بوكيه للاقمشه
محل راجان – العين
بشار للملابس الداخلية – دبي – مركز المنال
نعومي – على مستوى الامارات
لاسنزا – دبي–لامسي بلازا
ايتام – دبي – لامسي بلازا
لابيرلا- دبي - في برجمان..
كادينا – دبي - شارع الرقه
محل شفايا – دبي - مركز الضيافة
سي لافييه- دبي- في برجمان
ماركس ان سبنسر – دبي- خلف مركز الغرير
صباح النور – دبي - تفصيل قمصان نوم
خياط السيدة المرحة – دبي – فريج المرر تفصيل قمصان نوم
محل سالسبورغ – دبي – سوق نايف بجانب مركز المنال
بلو بيتش – الشارقة – سوق المجرة وفرع في السوق الجديم
بلو مارين – الشارقة - السوق القديم
نوراني – الشارقة- السوق القديم
مصنع فيكتوريا سيكرت في امارة عجمان واسم المصنع TREND SETTERS - الصناعية
مصنع اسمهTRADITION - الصناعية
مصنع ميرا - الصناعية

الصالونات للمكياج والتسريحات والحنه:

صالونات الحناء :

صالون بنت العرب – ابوظبي
صالون لافام – ابوظبي
صالون إيفانا – ابوظبي
صالون الاشواق– أبوظبي
صالون عيون المها- ابوظبي- وحدة اسمها اريج و نسيم تحني وايد حلو
صالون ام حماده – ابوظبي- بجانب الهايبر ماركت
صالون لافام– ابوظبي – شارع المطار القديم
صالون بنت العرب – ابوظبي – شارع المطار القديم ( تخصص نقشات سودانيه
صالون لينا – دبي - في بردبي..
صالون دون– دبي - في جميرا..
صالون قمر – دبي -في ديره بجانب دوار الملا بلازا
صالون رشنا – دبي او الشارقة
صالون العروسة – الشارقة - السوق القديم
صالون مشكبار – دبي – بر دبي
صالون يوكو للحناء- عجمان
صالون فلورا – دبي – سوق الحمريه
صالون هيفا– دبي – سوق الحمريه
صالون الهتوف-دبي- الراشدية مقابل الحديقة
صالون مراسم – الشارقة -في السوق القديم في الشارجة
صالون احلام – الشارقة في شارع واسط بعد مستشفى القاسمي
صالون قمر – الشارقة - في السوق القديم في الشارقة
صالون عائشة – الشارقة
صالون دارالعروس – الفجيرة
صالون سلطانه– الفجيرة
صالون بشاير – الفجيرة
صالون الارجوان- كلباء
صالون حديقه الورود – كلباء

صالونات للتسريحه والمكياج :

صالون ديفاين-ابوظبي- شارع المطار
صالون عروس الخليج – ابوظبي - جيتا للمكياج – سعدية للمكياج
صالون تريزا للتجميل – ابوظبي-مكياجهم وايد رائع
صالون جويل– ابوظبي
صالون ليندا خليفة- ابوظبي
صالون جورج في كراون بلازا – ابوظبي
صالون دولا- ابوظبي – مكياج دولا واختها كاتيا وسيده للشعر
الصالون اللبناني – ابوظبي – عند رندا وتتفنن في البنات اللي عيونهم وساع
صالون مطلع الشمس- ابوظبي
الكورنيش رزدينس- ابوظبي- عند وحده اسمها ريتا
صالون سيدتي الجميله- ابوظبي
مركز التجميل Face's- ابوظبي - شارع الخالدية منطقة دائرة المياه بجانب بناية شويترام
صالون لابوبيه – ابوظبي - شارع المطار مقابل البيتزاهت
صالون سحر العيون- ابوظبي – شارع المطار مقابل نادي الوحدة ( عند فيروز سعودية )
صالون الأفراح-العين- لخبيرة التجميل انصاف الخالدي
صالون بتافيا – العين- عند خبيرة التجميل سلوى أتي البيت
صالون رنا - العين أتي البيت صبغات - مكياج تنظيف بشرى أتي البيت
صالون كنز لبنان- العين - حنان شقير
صالون مورا – دبي – جميرا (ندى)
صالون مشكبار – دبي – بر دبي
صالون مادونا- دبي
صالون ايمان – دبي-في ثنتين يعدلون تمام (زيرينا ) بحرينية (ميدو) فلبينية...
صالون غوطيس – في الكرامة مركز الشريفي مول لصاحبته دليلة مكياجها روعة
بريما فيرا للتجميل –دبي- الممزر –بناية بحيرات الممزر
صالون جانيت و هدى – دبي – مركز الهنا
صالون سيلفي- دبي -مجابل سيتي سنتر دبي
صالون منى- دبي
صالون روبي((هندي)) -دبي- في ديرة
صالون أسرار- دبي – بر دبي
صالون الوداد (هندي)- دبي – بنفس شغل مشكبار لانه اللي تشتغل فيه طالعه من عندها
صالون عمرو – دبي – شارع الرقة
صالون ماريوت- الشارقه - مجابل سينما الماسه..
صالون مرام – الشارقه – خلف سينما الماسه
مركز الروعه – الشارقة - عند وحده اسمها هستي
صالون سلفي- الشارقة
صالون بافان – الشارقة (الي مكانه عند نهاية حديقة المجاز.. والي تسوي المكياج وحده باكستانيه) ولهم فرع

صالونات للاستخدمات الاخرى:

منتجع إيمار- أم القيوين- فيه نادي رياضي وسبا للفيشل وغيره
مركز لاروسي للرشاقة والتجميل –ابوظبي- المهيري سنتر
صالون روز – ابوظبي – لجميع الاستخدمات
صالون نعمه للحمام المغربي- ابوظبي – اشهر صالون يسيو حمام مغربي
صالون باريسا- ابوظبي – تنظيف بشره عند باريسا نفسها
صالون ريم لبنان – ابوظبي- شارع المطار
صالون بتافيا- العين – تخصص صبغات بس غالي
فكتوريا– العين -
مركز الندى– العين -
صالون ميثاء– العين - على طول زحمه هالصالون .. تخصص حناء ..
صالون الحسناء– العين –
صالون فاطمه – العين - تخصص حناء سوداني
اللمسه السحريه – العين - صراحه في القص يتفنن .. حتى بالخيط دقيقات
صالون لولو– العين -
صالون سيدتي- العين
صالون النورس- العين - حناهم رهييييب .. و الحلاوه بعد و ترسم العيون حلو
صالون الموناليزا – العين - مكياجها هادي .. تسريحاتها حلوه .. قص الشعر و الصبغه حلو
صالون العروسه – العين - تخصص حناء .. حناهم وااايد حلو
صالون ريما – العين - حناهم حلو
صالون دانييلا – دبي - بر دبي خلف نادي النصر ( تخصص صبغات )
صالون رفال –دبي - شارع الضيافة- تخصص تسريحات وصبغات
صالون حمام الهناء – دبي – شارع الرقة للحمام المغربي
صالون سبا للتجميل – دبي – شارع الشيخ زايد بجانب مركز الواحه
صالون الضيافة للتجميل – للتسريحات والصبغات والرياضه ( ريم للتسريحه )
صالون آني- دبي-الكرامة ( اطلبي آني لبنانية)
صالون رهف – دبي - قرب فندق كابيتول في السطوة (احلام مكياجها حلو )
ريد دور – دبي – سوق الحمريه بدكير ومانكير
صالون اروشي – دبي – بردبي تخصص بدكير ومنكير
صالون المعالي
صالون فندق ميرديان- دبي- شارع المطار عند إيمي .. تساريحها روعة..وشاطره في القص بعد
فيرست – دبي – شارع الرقة تخصص صبغات عن عند نجوى أسعارها وايد وايد أرخيصة وشاطرة في الصبغ والقص.بتحصلينها في شارع الرقة وين مطعم الاتوماتيك
مركز قنطار – دبي- شارع الرقه
صالون يمنى- -دبي – بناية الوحدة مقابل ستي سنتر ( تخصص قص شعر )
صالون الاصابع السحريه ( تخصص تسريحات )
صالون كازابلانكا – الشارقه- حمام مغربي و تنظيف البشره قص و صبغ و حناء ومساجات و المناكير واايد حلووو ( ممتاز)بصراحة ما عليه كلام وللي إتمكيج مواطنه ماشاءالله عليها مكياجها حلووو...
صالون الوردة البيضاء- الشارقة- في الراشدية ( حمام مغربي (
صالون ماريوت – الشارقه – (تنظيف بشرة)
مركز امواج – الشارقه – الخان (تنظيف بشرة)
صالون دالاس – الشارقة تخصص صبغات
مركز الامواج – الشارقة-

المكياج الخاص بالعرايس لبعض الممكياجات

هيفا صفر – الشارقة
مادونا خوري
ليندا خليفة – دبي – الكرامه صالون ليندا خليفة
هلن رشيد - مركز هلن للتجميل
صفيه النويس (صوفيا بيوتي)
عائشه المطوع
منيره العابدي (مركز البرج)-أبوظبي
رندا خبيرة تجميل لبنانبة
هند الاميري
عذبة.. مكياجها وايد حلو.. وممكن أتيج البيت..
منى .. مكياجها حلو .. بس لازم تروحيلها البيت
أمل عبدالله في باريس جاليري – ابوظبي
حنان شقير- مركز حنان شقير للتجميل
زرينه..سوت وحده فيه و كان حلو بس مب روعه و بعدها بفتره سوت حق وحده ثانيه بس كان ابدا مب حلو خصوصا كريم الاساس كان منشف ويها و مطلع كل الخطوط وكان شكله فضيع
وعد...مكياجها حلو .. بس لازم تروحيلها البيت
نورة الامارتية
سونيه- خبيره بالمكياج رووعه تستعمل مكياج مائي أو عادي إللي يبغي وتعرف نوعيه البشره وشو إلي يناسبه من الكريمات إتي البيت - بارس غاليري العين

محلات التصوير :
برافدا للتصوير الفوتغرافي –ابوظبي- الخالدية
فوتغرافيا للتصوير- ابوظبي
استديو العروسه-دبي
ريم استديو –دبي – وربة سنتر مقابل فندق الماريوت
استديو المها – دبي- القرهود
اماني للتصوير –دبي
استديو العوضي – دبي- جميرا بلازا
ليومستيك – دبي – ميركاتوا
سنيوريتا للتصوير الفني – دبي- القصيص
استديو احباب – دبي – مقابل لامس بلازا
استديو ايوب عيسى – الشارقة
استديو اضواء المدينه-عجمان
استديو العدسة الذهبية- الشارقة
استديو الزورق – الشارقة
استديو كلاسيك – الشارقة – بجانب الميغا مول
استديو ومحلات الجميرا- العين وللي أتصور إسمها سوزان وإتي البيت وتصويرها ممتاز

محلات التجهيز للاعراس وبطاقات الافراح والزهور والكعك :

الخطوط الملونه لبطاقات الافراح – دبي- شارع المطار
امل وامل لبطاقات الافراح واكسوار الافراح – دبي-مركز جميرا
فايف ستار - الشارقه
اللمسه الانيقه -
مؤسسة النوخذه للاعراس
لورانس لكوشات الافراح – الشارقة
شيلاتي في مركز طوار
الليالى الكبري للافراح
تنسيق – دبي – شارع زعبيل
أماسي لخدمات الافراح- الشارقة
محل المناسبات – الشارقة
لافيلا للزهور -دبي- جميرا
علبة الزهور -دبي-
سامس -دبي-
المشاعر -دبي-
البتلة -دبي-
المأدبة لتجهيز كعك الحفلات
محل Seasonsللزهور
مصنع البنفسج لبطاقات الافراح – الشارقة – شارع الوحدة بجانب التقاطع
الرهونجي : في الشارقة + دبي
مطبعة الشرق الاوسط : في دبي
المطبعة العصرية : دبي
الخطوط الملونه : دبي
الفرق الغنائية او الدي جي :
فرقه الماسه
فرقة السولعية
فرقة الجنادرية - الشارقة
محل الاميرات للافراح

اتمنى اني اكون افدتج الغاليه لاني ما أريد غير التوفيق لج وربي يتمم لج زواجج على خير
ومحتاجة منج دعوة بإن ربي يرزقني الزوج الصالح

والسموحة اذا محتاجه شي ثاني خبريني