كل وحده مطلقه و عندها عيال تدخل و تقولنا كيف بدأت حياتها اليديده

**ليمونه الامارات وبس** · 2008-09-30, 20:41

بنات انا بغيت اعرف المطلقه كيف قدرت اتكمل حياتها بعد الطلاق يعني هل رجعت سكنت مع اهلها و لا ساكنه في شقه و لا طليقها وفرلها السكن لاني سمعت وايد مواطنات اطلقوا و عندهم عيال و زوجها السابق ما وفرلها سكن بسبب دين عليه و هي متلعوزه ....و شكرا

المزيد من آخر المواضيع من نفس القسم:

**Rha** · 2008-09-30, 22:16

للرفع

**يامن يرى** · 2008-09-30, 22:16

خالتي اتطلقت من ريلها وخلالها البيت لها ولعيالها وهو سكن مع اهله

**الحياة*أمل** · 2008-09-30, 22:29

ما عندي فكرة بس اكيد الريال لي عنده ما بيقصر على عياله ببيت يسترهم ويحفظهم الله يعين ويستر على بنات الخلق اجمعين

**أحلى زعل** · 2008-09-30, 22:57

المحكمة اتوقع لازم اتكون محددة القوانين لهالقضية ودام انه طلق خله يتحمل مصاريف

**GuMus** · 2008-09-30, 23:16

أخوي الله يهديه طلق حرمته و هي ألحين عايشه عند أهلها هي و عيالها "عيال اخوي"

و أخوي مثل المسحور عند حرمته الثانية كل شي لها و لعيالها .. و لو حد قالها طليقتك و عيالها لهم حق..

يصير مثل المسكين و يقول علي ديون و مب قادر أوفر لهم شي ..

و الحين سمعنا إنه شاري لحرمته سياره << انزين من وين

هو من زمااان قاطعنا .. و قاطع حتى أمه

و الله حالها صعب

و نحن مب مقصرين وياها مهما يكون هذيلا لحمنا و دمنا

**لوســـــي** · 2008-10-01, 03:11

اول شي ما تعيش عند اهلها اذا عندها عيال لانه من حقهم يكون لهم بيت وعلشان محد يضايج منهم وتستمر الحياه
والحياه ابتلاء وواايد مطلقات ماشاء الله مستانسات وفي العكس الله يعين كل مطلقه ويصبرها

**ليمونه الامارات وبس** · 2008-10-01, 11:14

للرفع

**نقطة تحول** · 2008-10-01, 13:56

اصعب شي ان الوحدة ترد بيت اهلها اذا تطلقت لانها ما بترجع روحها اكيد ويا عيالها واذا ما عندها عيال تراها بتشل اسم مطلقة يعني بعد وضعها بيختلف

المفروض من الريال اقل شي يوفر لها بيت ولعيالها بس اذا ما كان عندها عيال مب معقولة تيلس بروحها واذا عندها عيال احسن لها تكون بروحها لانها بتتحسس من كل شي خاصة انها مجروحة يعني ما بتتحمل اي شي ولا اي كلمة من اهلها ممكن تعور قلبها حتى لو ماكانوا يقصدون

**عيون المها3** · 2008-10-01, 14:38

اذا الحرمة تشتغل وعندها مصاريفها خلاص ما عندها مشكلة ....
بتستمر الحياة بشكل طبيعي...

عشان جذي انصحكن خواتي لا تعرسن الا لما تشتغلن،، الحياة ما لها أمان ......

**(خيماويه)** · 2008-10-01, 15:40

المحكمه تحدد هالشي

**هنوده1** · 2008-10-01, 23:37

أعرف وحده أتطلقت والحين ساكنه في البيت اللي كانت ساكنه فيه قبل هي وعيالها

الله يعين المطلقات كلهم ويصبرهم

**شموخ عليا** · 2008-10-02, 02:11

للرفع

**فلونة** · 2008-10-02, 02:48

المفروض يوفرون لها بيت وعيالها

الريال اللي فيه نخوة وغيرة على عياله... ما بيفرهم عند أهل حرمته

حتى لو حطوهم في عيونهم

بيحس إنه هو مقصر في حقهم ولازم يوفر لهم أقل شي السكن دام إنه بعيد عنهم

يعني لو عندهم بيت بروحهم بيقدر ع الأقل يروح يشوفهم في الفترات اللي الأم مثلا تكون مداومة

أما لو في بيت أهلها ما بيقدر يروح هناك لو كان بينهم حساسية كبيرة

ولكل جانب إيجابياته وسلبياته

يعني لو كانوا العيال صغار.. ما بيرقدون بأمان

خاصة الأم

بتم خايفة حد يطب عليهم

والله يعين

عندي كلام وايد

بس ما أريد أهذر وايد

**بنت الطموح** · 2008-10-02, 03:45

للرفع

الموضوع: كل وحده مطلقه و عندها عيال تدخل و تقولنا كيف بدأت حياتها اليديده

أدوات الموضوع

عرض