حريم يرفعون الضغط!!!

**fashionista** · 2008-09-28, 21:01

صح كلامج 100%..
الأمهات صارن ما يلقن بال حق بناتهن و حتى اولادهن و يرغدن العيال عند البشكاره و الدريوليه و المهنده...

هذيلا عيالكم.. أعرااااضكم تتحاسبون عنهم يوم القيامه...
بس الأمهات الله يهديهن

المزيد من آخر المواضيع من نفس القسم:

**ميثانو** · 2008-09-28, 21:51

والله انه الغلط من امهاتهم كيف يامنون البنت تنزل عند راعي الدكان والله العظيم انه هاي الام سوري يعني ماتدري عن بلاوي الهنود اللي يتهبش البنت واللي يغريها بحلاوه واللي واللي والخافي اعظم
ليش ما يشترون حق عيالهم من الجمعيه او من السوبرماركت ياخذولهم بالكميات انظف وابرك من انه بنتي تدخل الدكان
انا اشوف هالمواقف دايما وما اسير لين ماشوف واتاكد انه البنت طلعت وان تاخرت نزلت ولانزلت الخدامه اتشوفها
والله العظيم ياخواتي اني والله بناتي مايطلعون حق طلبية الدكان ولو هو في البيت وجدامي اخاف ايده اتصك ايدين بناتي وهن ياخذن الخريطه منه
والله صدقتي يا اختيه في كلامج .....

**Ryo0oM** · 2008-09-28, 22:10

تسلمون وما قصرتو على المرور الرائع وردودكم الحلوة

والله الواحد ما يامن الحين حتى من البشاكير اللي هم حريم

كيف يامنون في رياييل عافانا الله

**عيون حالمة** · 2008-09-28, 22:23

يزاج الله خير..هذه اهون عن يهال مهيتيهم بشارع للفجر أو ساعة وحدة بصف سادس وحليلهم يغمضون بعدين يقولون عيالنا إذا انحرفوا ليش انحرفوا انقهر من هالحريم والرياييل..ما اقول غير الله يهديهم بس ..
هالفئة ماهمهم غير الموضة والبرستيج وبس....بس مألومهم اللوم كله على الرياييل ..ولا شرايكم؟؟

ولا اتقولوا الريال بيكون عنده شغل وما بيجابل بيته...هالكلام خطأ المفروض يكون لكل شي حق...وشو فايدة الفلوس إذا الذرية طالحة!!!!!!!!!!

**كجلو الحلوة** · 2008-09-28, 22:55

هيه والله صدقج

**رد روز** · 2008-09-28, 23:01

قبل نحن عادي نسير الدكان اروحنا لكن هالايام خلاص ماشي أمان

هالهنود والبتان ما يصدقون يشوفون وحده تمشي ما يهمهم بيبي ولا عيووز دبه ولا ضعيفه اي شي المهم *انثى* عشان يتحرشوون فيهم والله هالامهات الي جيه يبالهن "َضرب" ع الاهمال

**مرود كحالي** · 2008-09-29, 00:00

هيه والله صدقتي
انا لو عندي بنت مستحيييييييييييل اخليها تروح مكان وانا مب معاها والله ماايهون علي اخليها
في امهات مافي قلوبهن رحمه كيف تخلي البنت تروح بروحها اذا استوالها شي لا سمح الله بتم تصيح ندم وحسره وبتم تقول لو و اذا شو الفايده

الله يهدي امهااااتنا ويستر على بناااتنا

**باربي** · 2008-09-29, 00:12

100%
كلامج عين العقل
بس شو نقول
نتكلم بليا فايدة
جنا نطحن فالطحين

**انفينيتي** · 2008-09-29, 00:41

صدقج اختي
والمصيبه ان التحرش والاغتصاب
ايي من الوافد والمواطن
يعني ما ترمين تأمنين موووووووووووول

**رفيعة الشأن** · 2008-09-29, 00:47

هذى النوعيه من الأمهات هن اللي يبن تربيه من اول ويديد...عسب يعرفن يربن عيالهن عدل.

**cute uae** · 2008-09-29, 01:34

والله انا عيالي أولاد مب بنات و اخاف اطرشهم الدكان بروحهم ... اتصل بالدكان و هو اييب الأغراض بروحه

**Ryo0oM** · 2008-09-29, 01:47

الله يعين

بس الاخت اللي يابت طاري دور الاب في الموضوع

انا ما اقول انه الاب ماله دخل

بس الام اللي مجابله عيالها اكثر من الابو

يعني هي دورها اكبر في الموضوع

يعني ساعات اليهال يقولون حق الابو وهو يرفض ويسيرون حق الام ويقولون لها

عاد هي تبي تفتك منهم ومن حشرتهم تطرشهم وما عليها من رمسه ريلها

الله المستعان...

ويزاكم الله الف خير على مروركم وتفاعلكم في الموضوع

**دلوعه حمودي** · 2008-09-29, 01:51

عفانا الله منهم الله عطيهم عيال رزق من ربي وما يحفظوا عليهم

**الماركة** · 2008-09-29, 01:57

كلامج صحيح
وانا من انوع الي ما احب البنات ايروحن الدكان

**نيلوفر** · 2008-09-29, 02:48

قهر والله عيال يربعون برووحم يهاالوو في الشووارع و الدكاكيين بنات و الا اولاد هالدنيا غابه صايره الحمد لله و الشكر

وين هالام اللي فاره عياالها ما تبا تربي لا تييب و تفك عمرها

قهـــــــــــــــــــــــــــــر واللهــــ

الموضوع: حريم يرفعون الضغط!!!

أدوات الموضوع

عرض

العرض المتطور

المزيد من آخر المواضيع من نفس القسم:

المواضيع المتشابهه

يرفعون الموضوع

الرياييل......صدق يرفعون الضغط

ليش العرايس يرفعون قصتهم؟؟