حريم يرفعون الضغط!!!

**Ryo0oM** · 2008-09-28, 18:37

بصراحه انا حابه اسلط الضوء على موضوع فعلا اشوفه اصبح متكرر

ولا المصيبه صار شي طبيعي!!!

ما ادري اذا حد تكلم في هالموضوع من قبل ولا

بس بصراحه انا اليوم قبل الفطور شفت هالموقف وقلت لازم اتكلم عنه

وللاسف هاي مب اول مره اشوف هالموقف اللي يرفع الضغط

الموقف يا خواتي العزيزات

انا اليوم رحت اوصل اغراض حق ناس << تعرفون رمضان جدر يروح وجدر يرد خخخ

المهم امي قالت لي وانتي راده هاتي وياج عصير من الدكان

عاد انا وقفت عند الدكان بالسياره طبعا وطلبت عصير حق الفطور

ويت سياره وقفت وراي وبصراحه ما انتبهت منو فيها

وفجاه وانا ابي اروح خلاص اشوف بنوته شحلاته صغنونه يعني تقريبا

عمرها 6 او 7 سنوات بروحها داشه الدكان!!!!!

والدكان مافي حد الا يمكن ثلاث او اربع هنود وظلام من داخل

ويوم اصد ابي اشوف منو في السياره ولا اشوف امها << يا حسرتي على هالاشكال من الامهات

كيف ترضى انه هي قاعده في السياره في المكيف وتخلي البنت تروح الدكان

ما تخاف على بنتها !!!

صح انه الدنيا رمضان بس بصراحه الواحد ما يامن

ولا بعد شفت بنتين صغاار والله صغااار يعني اعمارهم بين 3 الى 5 سنوات

شحلاتهم بييض ومربربات الله يحفظهم بروووحهم في الدكان

وين امهاتهم !!!

ويعدين يقولون والله ليش يعتدون على بناتنا وليش الاجانب يهتكون اعراضنا!!!

من قله التربيه يوم انه الام ما تهتم وتخلي بنتها الصغيرونه تسير وترد بروحها

ولا ويا البشكاره عيل لا تيلس عقب تصيح وتولول اذا صار شي في بنتها لا سمح الله

هالعيال نعمه من رب العالمين وغيركم يتمنى هالنعمه ومب محصلنها

وانتو وبكل بساطه تخلونهم فرايس حق هالذئاب اللي ما يعرفون العيب والحرام

يعني انا الحين بتخرج من الكليه ولين الحين امي ما تخليني انزل بروحي في دكان ولا محل

ولا حتى تخليني بروحي في البيت ومافي ريال في البيت !!

الله يهديهم بس هالامهات والله الواحد ما يحس بقيمه الشي الا اذا فقده

والسموحه ع الاطاله

ملحوظه << ترا اكسسوارات الموضوع من تصميمي الخاص

المزيد من آخر المواضيع من نفس القسم:

**هواجر** · 2008-09-28, 18:42

صح والله كلامج ..

أنا استغرب من اللي يتركوون عيالهم بروووحهم .. في الدكاان ومو مهم ان كانت بنت أو ولد ..

الله يهيهم ويحمينا

هواااجر

**زوجة القناص** · 2008-09-28, 18:47

معاج حق وزين طرحتي هالموضوع لانه صدق كان يقهرني سيرت اليهال للدكاكين بروحهم والله ينخاف عليهم وايد اولاد الصغار انحرفو بسبب سيرتهم بروحهم للمهنده اقصد الدكاكين!! فكيف لو كانت بنت صغيره لا حول ولا قوة الا بالله يا امهات انتبهوا على عيالكم لا تخلونهم بروحهم مب زين

**بنت فرنسا** · 2008-09-28, 18:47

كلامج صحيح 100%

**بنت امها** · 2008-09-28, 19:04

كلامج صحيح

**محد شرواي** · 2008-09-28, 19:05

الغاليه عيل اقولج الموقف الي شفتيه اهون من الموقف الي انا شفته

كان عندي موعد بالعياده ... وانا رايحه عند الموظفه اعطيها بطاقتي وورقه الموعد ...

اشوف خدامتين ووياهم بنت صغيره عمرها يمكن 5 - 6 شهور بس ...... البنت عندها موعد بالعياده ...

وووييييييييين الام ؟؟؟؟؟ والله اني حسيت بغصه بداخلي

كيف بنتج هانت عليج مطرشتنها وي الخدم العياده !!!!!! عشان بس ما يطوفها موعدها ... اي امومه هذي !!!!

كيف ضمنت تعطي بنتها خدم برع بيتها ويرجعون بها ..وو سمح الله لو صار بالبنت شيء ...

بتلوم من الخدم ؟!؟؟!!؟ ما تلوم الا نفسها !! على اهمالها

بس لا حول ولا قوه الا بالله.. شو بقول ولا شو بقول !!!

**قطوه مينونه** · 2008-09-28, 19:11

هيييه و الله قهر يوم تشوفون اليهال جييه بروحهم .. فالحدايق و الدكاكين و الشوارع سايرين او رادين من الدكان

او خداامه شاله زباله ( عزكم الله من صوووب ) و شاله الياهل من صوووب بعز الحر واقفه تقرقر ويا البشاكير ولا همها

اذا الام ما حتت و خافت على العيال كيف البشكاره؟

عادي في ناس جييه ما عرف كيف ... الله يهديهم .. ما بيحسوون الا عقب ما يفووت الفوووت =(

**جنيبية بهواها** · 2008-09-28, 19:14

بيكون حق

**كفاني جرحك** · 2008-09-28, 19:14

صدقتي والله ...

ويعدين يقولون والله ليش يعتدون على بناتنا وليش الاجانب يهتكون اعراضنا!!!

من قله التربيه يوم انه الام ما تهتم وتخلي بنتها الصغيرونه تسير وترد بروحها

ولا ويا البشكاره عيل لا تيلس عقب تصيح وتولول اذا صار شي في بنتها لا سمح الله

والله وااايد ناااس جذيه .. يخلون عيالهم في السكيك وهم في البيوت او في الاسواق او الصالونات ...

الله يهديهم ...

يوم يفوت الفوت ماينفع الصوت ...

**ام ميووودي** · 2008-09-28, 19:16

الله يهديهم

قلوبهم باردة

**Ryo0oM** · 2008-09-28, 20:43

مشكورين والله على مروركم ونورتو الموضوع

فعلا انا وايد شفت مواقف جي

الله يستر بس من اللي بيصير عقب

والله يهدي الامهات

**ايمان الجنيبي** · 2008-09-28, 20:45

لا مب جيه بعد حتى لبس البنت الصغيره يغري الهندي . قصير ولحم كله برع

**حبيتهـ ..** · 2008-09-28, 20:59

الله يهـدي هالنوعيـه مـن الامهـات !!

**fashionista** · 2008-09-28, 21:01

صح كلامج 100%..
الأمهات صارن ما يلقن بال حق بناتهن و حتى اولادهن و يرغدن العيال عند البشكاره و الدريوليه و المهنده...

هذيلا عيالكم.. أعرااااضكم تتحاسبون عنهم يوم القيامه...
بس الأمهات الله يهديهن

**ميثانو** · 2008-09-28, 21:51

والله انه الغلط من امهاتهم كيف يامنون البنت تنزل عند راعي الدكان والله العظيم انه هاي الام سوري يعني ماتدري عن بلاوي الهنود اللي يتهبش البنت واللي يغريها بحلاوه واللي واللي والخافي اعظم
ليش ما يشترون حق عيالهم من الجمعيه او من السوبرماركت ياخذولهم بالكميات انظف وابرك من انه بنتي تدخل الدكان
انا اشوف هالمواقف دايما وما اسير لين ماشوف واتاكد انه البنت طلعت وان تاخرت نزلت ولانزلت الخدامه اتشوفها
والله العظيم ياخواتي اني والله بناتي مايطلعون حق طلبية الدكان ولو هو في البيت وجدامي اخاف ايده اتصك ايدين بناتي وهن ياخذن الخريطه منه
والله صدقتي يا اختيه في كلامج .....

الموضوع: حريم يرفعون الضغط!!!

أدوات الموضوع

عرض

حريم يرفعون الضغط!!!

المزيد من آخر المواضيع من نفس القسم:

المواضيع المتشابهه

يرفعون الموضوع

الرياييل......صدق يرفعون الضغط

ليش العرايس يرفعون قصتهم؟؟