موقف صدمني في mmaaaax

[طالبة ماجستير]

الصراحة موقف صعب كنت ابي غرض من ماااكس وعند الكاشير لجل احاسب كنت اشوف ريال امورة غريبة بس فكرته يستهبل فجاة شفته موجه كاميرا التليفون ع البنية اللي تحاسب (( لبسها غير محتشم ابدااااااااا بالرغم من اننا في رمضان بس يمكن هي مب مسلمة ما اعرف ؟؟؟؟)) ---- شو يكون موقفكم --- انا فجاة صديت بس فجاة رديت اشوف مرة ثانية الا هو يطلع وينزل بالتليفون بطريقة محد يلاحظها لجل يصور كتوف البنت وخصرها وظهرها عقب اول ما سارت البنت تركت الاغراض وسرت وراها والله تقولون فص ملح وذاب ماحصلتها وخبرت السيكيورتي قال لي ليش ما تكلمتي قبل ان الحرمة تروح يمكن الريال يتعذر بانها قريبته او شي ؟؟؟ انا اعترف اني تاخرت شوي واصلا هي مب متحجبة يعني اي حد في الشارع بيصورها بدون لا تدري بس ضميري انبني قلت ياليتني مسكت الريال ولميتهم عليه اوني يعني؟؟ (( مب اسلوبي )) ولاني ما قدرت اسوي ها الشي ضميري يانبني لاني ما احب الفت النظر او اسوي مسلسل جدام الناس -- ؟؟؟ ويلست افكر لو شفت حادث سرقة او اي حادثة لازم ابلغ عنها بسكت ولا اولول تصدقون ما اعرف اتصرف وااايد استحي من ها المواقف المحرجة ؟؟؟؟ واللي يخوفني اني مؤمنه بمقولة (( كما تدين تدااان ))) ..يعني ابي حد يحذرني اذا صار لي ها الموقف مب يسكت ...... انتو لو مكاني شو بتسووون ؟؟؟؟

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير