صعوبات التعلم ((ولدي))

**سنا الفضه** · 2008-09-24, 03:47

اخواتي العزيزات بدخل في الموضوع مباشره واريد ردود سريعه الله يرضى عليكن ...ز
الله يسلمكن ولدي عنده صعوبات التعلم وكان في فصول خاصه الين صف الثالث الابتدائ وهو كان من المتفوقين وماشاء الله عليه...
بس هالسنه هو في رابع وصار في فصول عاديه مع باقي الاولاد واللي مضايقني وايد ان ولدي منزعج وايد من الاولاد المشاكسين وحركاتهم الخطره والمدرسين اهملوا حالته وصار يجيبلي اوراق الاختبارات غير محلوله ..خصوصا ان المنهج الحكومي احسبه وايد جامد وصعب حيث اني اشوف ولدي عنده اللغه الانجليزيه اسهل ويفهمها اكثر ..
انا الحين اريد مشورتكن هل انقل ولدي لمدرسه خاصه بمنهج انجليزي ؟؟؟ واللي تعرف مدرسه زينه وتفهم لحالات مثل ولدي ياليت تبلغني وبدعيله ...........

المزيد من آخر المواضيع من نفس القسم:

**فرحه يتيمه** · 2008-09-24, 06:07

ان شاء الله البنات يفيدنج واذا نويتي لازم اتروحين وتشكين على المدرسه وكيف نظامهم واسلوبهم
الوحده تسمع وع طول تودي لاء روحي وطالعي لانج انتي تعرفين وين راحت ولدج مش كل مدرسه
ذايع صيتها زينه نصيحه

**سنا الفضه** · 2008-09-25, 13:34

مشكورات عالرد ....بس في انتظار المزيد

**um noor** · 2008-09-25, 19:44

السلام عليكم
هلا اختي وماجورة ان شاء الله على اهتمامك بابنك
وبنيتج الطيبه الله بيسخر لج
اهم شي في الصف ان يكون مع معلمته على طول
لان وقت الفراغ هو الي يسبب المشاكل
تاكدي من انضباط المدرسه
وتكلمي مع الاداره انه يكون في صف معلمته ما تغيب اومدرسه فيه اشراف مستمر
وثانيا لازم يكون مع تلميذ متميز في الصف وهادي بحيث يساعده
وحاوريه دايما
وطولي بالج
الامر بياخذله وقت الى ان يتاقلم
لاتنسين انه 3 سنين في صف خاص

والله يعين

**زمن زايد** · 2008-09-25, 21:58

عزيزتي عندنا في العايله نفس حالة ولدج تقريبا
وامه وايد تعبانه وياه عنده قلة تركيز وبطء في التعلم
ومايعرف يكتب ولا حتى يقرا وعاااد صف رابع مره ثانيه
الله يعينج والله حاسه فيج

**Laris.MD** · 2008-09-25, 23:18

هلا اختي
والله مادري شو اقولج
بس ولدج صدق محظوظ انه عنده ام شراتج
والله في امهات مب طايعين يعترفون انه عيالهم يبالهم معامله او مساعده خاصه اكثر من العيال الثانيين
وهالشي مب عيب بالعكس هو بس يباله شويه اهتمام اكثر ويمكن بعد يطلع احسن عن الثانيين
المهم اختي بقولج بكل صراحه
للحين ما اظن انه مستوى المدارس الحكوميه اتطور وقامو يهتمون عدل بهالاولاد
وين المس فيها حيل تهتم بهالولد ولا تشوف العشرين الثانيين الي يناقزون ويشاغبون
اختي نصيحتي لج دام انه ولدج محتاج لاهتمام خاص وانتي عندج الميزانيه انج تحطينه في مدرسه خاصه حطيه في خاصه
بس ترا مب اي خاصه
انتي شوي بتتعبين في البدايه بس عقب بترتاحين ان شالله
المهم دوري بين المدارس الخاصه وقابلي الاخصائيه او المديره او المسؤوله وقوليلهم بالتفصيل عن حاله ولدج وهل هم عندهم استعداد يهتمون فيه ولا لأ؟ واحسن لو يراوونج نماذج عيال من عندهم وكيف يتعاملون وياهم او شو البلان مالهم؟ .. واذا ما لقيتي مدرسه بتهتم فيه عدل خليه احسن في مدرسته على الاقل يكون ما اتغير عليه الجو وساعديه انتي في البيت .. ولج الاجر ان شالله ويوم يكبر وتشوفينه استوا شي في المجتمع بتنسيييين كل التعب الي تعبتيه عشانه .. بالتووفيج فديتج

**سنا الفضه** · 2008-09-26, 03:52

اخواتي مشكورات عالرد
اختي مسلمه ..انا مطوله بالي عليه وااااايد من اربع سنين والمشكله يمكن انك مافهمتي حالة ابني ..يعني بصراحه والحمدلله على كل حال ,, ولدي كان يعاني من التوحد وقلة التركيز وزيادة الحركه وتأخر في النطق ... من عمر السنتين الحمدلله تداركته بسرعه ودخلته في مركز مختص لمدة سنتين طلعلي بنتيجه ممتازه ...
المركز رشحلي مدرستين ..الاولى مدرسة الشويفات وانا شفتها انها وايد قويه عليه
والثانيه هي هاي المدرسه اللي هوه فيهاوهي بعد خاصه بس ان منهجها حكومي ..
طبعا ما انكر فضل المدرسه وتعاون المديره والمدرسات فيها ,,بس المشكله الحين انه صار في رابع وانتقل من قسم البنات الى قسم الاولاد يعني قسم الملاكمه والضرابه والصياعه والانفلات ..........مافي انضباط ومافي هدوء والمدرسين مالهم خلق للطلاب وبغلطة طالب يعاقب الفصل كله ...وانا ولدي كأني رميته في غابة حيوانات ..
ومع حالته صار ماله رقيب ولا مساعد ..والحين قوليلي شو رايك .........؟؟؟؟؟؟؟؟؟

اختي ام نور ..مشكوره واتمنى هالشي بس ادري انه مستحيل مع هالمدرسين اللي شفتهم
اختي زمن زايد ..الله ياجر الجميع يارب ويساعدني ويساعد امج ..

اختي لاريس انا ماعندي مشكله من الناحيه الماديه لو بمية الف مستعده ادفع بس الاقي مدرسه زينه لولدي ارتاح انا وهو يمشي فيها,,,,
وانا ولله الحمد راضية بعطية ربي فديته ولدي مافي اطيب وأأدب منه ومطيع اذا قلتله تعال بدرسك ما يعارض بس يقطع قلبي اذا اشرحله الدروس واشوف عيونه ادري انه ما يستوعب هالمناهج ..اللي والله احس اني انا ما اقدر عليه ,,,يعني رياضيات رابع الهذربه فيه وايد وما يستوعبها عقلية رجل بالغ كيف بالاطفال .........؟؟؟؟؟؟
والله ان المنهاج الحكوميه عذاب للطالب وللأهل ,,,يعني ما يكفينا الدنيا وهمها زادونا هذولا التربويين .........؟؟؟؟؟؟؟؟؟؟

**امبرطورة بوظبي** · 2008-09-26, 12:06

اهي اهي خوفتوني صراحه انا ولدي فيه نوبات الصرع ودخلته مركز احتياجات خاصه الحين كمله سنتين بس المشكله عنده صعوبه بعد وعمرة5 سنوات في التقييم عطوله سنتين المهم هو بعد عنده حركه زايده ما يكمل الحصه معنه تدريسه اصلا يضحك مرتين في الاسبوع مدة 40 دقيقه فقط بس يمل ولا يخليني اراجع له في البيت والمركز يعصب علي اونه انتي اشتغلي معاه في البيت ما يرضى والله يحسه التدريس لعب لما افهمه شي هم بادين معاه با الاشياء البسيطه مثل التلوين او تركيب اشياء بس مادري انا اشوفه غلط بس هو والمعلمه في الحصه محد طلاب معاهم اكيد بيمل ولا شورايكم انتو ؟؟؟؟

**ام شقاري** · 2008-09-27, 05:43

الغاليه ما عندي فكره بصراحه عن موضوع ولدج .. بس حبيت ادعيله و ادعيلج بان الله يسهل امورج و يعطيج الصبر و القوه على متابعته .. بس يمكن الي مأثر عليه صدق هم الاولاد الي حواليه مش المنهج نفسه .. يعني متأذي منهم .. يمكن يبالج ترمسينه ازيد عن الاولاد و سلوكهم , و ما ادري اذا بيتقبل الرمسه من ابوه اكثر بما انه ريال و بيتفهم اكثر و بيخبره عن نفسه يوم كان في سنه
و الله يسهل اموركم

**سنا الفضه** · 2008-09-28, 04:25

اختي امبرطورة ابوظبي انصحج بان تراجعين مركز المستقبل,,هو وايد نفعني والنافع الله مع ولدي عندهم متخصصين وايد زينين وعندهم فصول لكذا حاله .......والله يقوينا على بلوانا ,,,,,
اختي ام شقاري شكر على المداخله ...بس انا كلمت وحده من مدرساته وشجعتني اني انقله ,,لان كثير ناس نصحوني بالمنهج الخاص عن الحكومي العقيم .........

**سنا الفضه** · 2008-09-29, 02:39

اختي امبرطورة بوظبي حياج الله ..لا تخافين ووكلي امرج لله ..
انا ولدي دخلته المركز وعمره اربع سنوات وكان دوامه عادي مثل باقي المدارس ..والمركز في السنه الثانيه كانوا يودونه دمج مع مدارس ثانيه يومين في الاسبوع ,,ولما تحسنت حالته دخل على طول بالصف الاول ابتدائي بمدرسه عاديه بفصول تربيه خاصه ..والمركز هو اللي يرشحلك المدارس ....

**Laris.MD** · 2008-09-29, 16:54

اختي انقليه دام المركز رشحلج
صدقيني احسن لج وله
والله يوفقه فديته

**قلب خلي2** · 2008-09-29, 17:11

اذا شفتي ولدج مب مرتااح في المدرسه..وو مستوااه الدراسي نزل في هالعاام

انقليييه احسلج..في وايد والله مداارس فالعين اوك..مثل العين النموذجيه هالمدرسه واايد اوك

والعين مترووسه مدارس.^^

ربي يوفق ولدج..

**سنا الفضه** · 2008-10-02, 00:59

قلبي خلي انا من بوظبي ,,,,وشكرا

**ام علاوي2** · 2008-10-02, 01:50

انا من رائ ان يتم مراجعة قسم التربيه الخاصة في المنطقة التعليمية التابعة للمدرسة وصدقيني راح يفيدونج على الاقل بيتكلمون مع المدير او المدرس عن حاله الولد انه كان في فصل من فصول التربيه الخاصة وانه محتاج لمعامله خاصة لحد ما يشد حيله

وبعد لازم تحطين له مدرس في البيت للمتابعة هو راح يفهم من المدرس اكثر من امة صدقيني ما راح تندمين انا مدرسة تربيه خاصة

الموضوع: صعوبات التعلم ((ولدي))

أدوات الموضوع

عرض

العرض المتطور

صعوبات التعلم ((ولدي))

المزيد من آخر المواضيع من نفس القسم:

المواضيع المتشابهه

استراتيجيات عامه في تدريس صعوبات التعلم

مدرسة تدرس صعوبات التعلم

امهات أبناء صعوبات التعلم ...حياكن ...

صعوبات التعلم يعتبر ولا شو ارجو المساعده!!!!!!!!!!!!!!!!!!!!